Blue Heaven Island : 'O te tahi 'utuāfare fāri'i manihini tei ni'a i te tahi motu unuma nō Pora Pora. PŪ IŌ MĀTOU TE MAU FARE FA'A'ANA'ANATAERA'A MAU PARAU RI'I TĀRIFA & TĀPA'ORA'A PĀPA'I MAI Fa'a'ana'anataera'a     Fa'a'ana'anataera'a pae tai E parataito teie nō te fa'a'ana'anatae ri'i iā 'oe. Mea fa'ahiahia roa i te hopu nā raro i te moana. 'A 'ōmono i tā 'oe tīti'a mata 'e tā 'oe nā pehau nō te 'au'au i rōpū i te mau i'a huru rau, te to'a, tae noa atu i te fāfā piti. 'A rave i te va'a 'īnītia e hoehoe ai nā te mau motu ri'iri'i e fa'atata nei. Nō te feiā rēhiti, e nehenehe haere nā tua i te pae a'au nō te 'au nā rōpū i te mau ma'o ('iri moana, 'ārava 'e te māuri. 'Eiaha e mata'u, 'eita rātou e hohoni iā 'oe). E nehenehe ato'a 'oe e haere paru i te fai i te tahi vāhi fa'ata'a hia nō te reira. Fa'a'ana'anataera'a pae fenua Mai tōna mou'a tu'iro'o, 'o Pora Pora ihoa te fenua o te au. E fa'anaho 'ōhie hia te tahi tere nō te haere māta'ita'i i te ruperupe o te mou'a. Noa atu rā ho'i, 'e mai tei mātau noa hia, mea au a'e nā te feiā e fa'aea nei i Blue Heaven Island te mau mea ri'iri'i huru au. I te piti o te tahua, tē vai nei te tahi taupe'e i reira 'oe e nehenehe ihoa tāravarava ri'i, ta'oto ri'i, ma te hi'o i te miti. I ni'a i te one, tē vai nei te mau ro'i tā'ue'ue, te mau pārahira'a tārava, mea au roa nō te māta'ita'i i te mau feti'a, 'eiaha rā nō te māta'ita'i i te hoho'a tāvirihia. info@blueheavenisland.com Niuniu +689 87 72 42 11               Rahu hia teie tahua natirara e MUAROA Production