E Noho Rā Kei Taku Whenua Tipu Niue Tau 1-4 He kupu whakamahuki Ka tirohia i tēnei rauemi: · Te whai wāhi o Niue i Te Pakanga Tuatahi o te Ao · Ngā poroporoaki me te whakarere i te kāinga · Te pānga o te mōriroriro i te ahurea me te reo taketake Ngā hononga ki ngā wāhanga ako o TMoA E hāpaitia ana ngā āhuatanga o ngā whenu e rua o te wāhanga ako Tikanga ā-Iwi: · Te Whakaritenga Pāpori me te Ahurea · Te Ao Hurihuri. E tika ana kia tirohia ngā whāinga o ngā taumata 1-3 o Te Marautanga o Aotearoa e tutuki ai ngā mahi nei. Ka whai pānga hoki ki te wāhanga ako Te Reo Māori. He huarahi ako, he mahi whakaea Hei matapaki mā ngā ākonga: · Whakaarohia ngā momo poroporoaki kua whai pānga ki a koe, i pēhea tō āhua i ērā wā? He aha ō kāre ā-roto? He aha ai? · Hei mahi pohewa, me he manene koe i tētahi atu whenua, ā, kāore tētahi tangata kotahi e kōrero Māori ana, ka aha koe ki te whakawhitiwhiti kōrero? He aha ō rautaki kia mārama tētahi tangata ki a koe? · He mākinakina tēnei whenua i ngā pō, ā, he pūkākā i ngā rangi, engari, kāore e tika ana ngā pūtu kua hoatu ki a koe hei mau, ka aha koutou ko tō ope kia ora tonu ai i ēnei āhuatanga rerekē rawa atu? · Ki te wehe atu te tokomaha tāngata i tō hapori, mā wai ā rātou mahi o ia rangi e kawe, e hāpai? · Ki ō whakaaro, he aha te take i whakarōpūhia ai ngā tāne nō Te Moana-nui-a-Kiwa ki te Ope Māori, kaua ki ērā atu Ope? Ngā kaupapa hei rangahau · Inā whānau mai te tamaiti, he tikanga tā te Niue ki te tanu i tana pito. He aha ētahi atu tikanga Niue e ōrite ana ki ā te Māori tikanga? · Tuhia tētahi reta ki tōu whānau hei tā te hōia Niue titiro, whakaaro hoki. · Rangahaua te take i haere atu ai ngā tāne o Niue, nō tētahi motu pakupaku, tawhiti hoki i te Pakanga, hei tūao ki whenua kē, mō tētahi āhuatanga e tino tauhou ana ki a rātou. He rauemi tautoko Rauemi Reo Māori · Ngā Hōia o Te Moana-nui-a-Kiwa http://www.firstworldwar.tki.org.nz/mi/rauemi/nga-hoia-o-te-moana-nui-a-kiwa/ · Whenua, Fenua, Vanua - Te Wāhi ki Ngā Tāngata nō Te Moana-nui-a-Kiwa http://www.firstworldwar.tki.org.nz/mi/rauemi/whenua-fenua-vanua/ Rauemi Reo Pākehā · Tagi tote e loto haaku - My heart is crying a little: Niue Island involvement in the great war, 1914-1918, nā Margaret Pointer; whakamāoritanga nā Kalaisi Folau. (University of the South Pacific, 2000) · DigitalNZ - http://www.digitalnz.org/ · New Zealand WW100 - http://ww100.govt.nz/ · Te Puna Mātauranga o Aotearoa - http://natlib.govt.nz/