Ngā Mahi Toi o Te Pakanga Tuatahi o te Ao Tau 1-4 He kupu whakamahuki Ka tirohia i tēnei rauemi: · te wāhi ki a Rongomātāne i te rongomau · ētahi āhuatanga e tohu ana i te rongomau · ētahi ara ako i ngā āhuatanga o te rongomau. Ngā hononga ki ngā wāhanga ako o TMoA E hāpaitia ana ngā āhuatanga o ngā whenu e rua o te wāhanga ako Tikanga ā-Iwi: · Te Whakaritenga Pāpori me te Ahurea · Te Ao Hurihuri. E tika ana kia tirohia ngā whāinga o ngā taumata 1-4 o Te Marautanga o Aotearoa e tutuki ai ngā mahi nei. Ka whai pānga hoki ki te wāhanga ako o Te Reo Māori. He huarahi ako, he mahi whakaea Te atua o te Rongomau: Rongomātāne Ko Rongomātāne te atua Māori e tiaki ana i ngā āhuatanga o te rongomau. Whakautua ngā pātai nei: 1. He aha tōna whakapapa? 2. He aha ōna pūmanawa, āna haepapa hoki? Ko wai tōna atua tauaro? 3. He aha ki a koe tōna hanga? Tāngia mai he pikitia e hāngai ana ki ō whakaaro. 4. He aha ētahi āhuatanga o te taiao e whakaatu ana i te āhua o Rongomātāne? 5. Whakaarohia tōna āhua, ōna pūmanawa, āna haepapa hoki ka hanga kākahu e whakaatu ana i ēnei āhuatanga katoa. Hei rauemi tautoko: Tānga o Rongomātāne - http://www.teara.govt.nz/en/photograph/17371/rongomatane - http://www.teara.govt.nz/en/artwork/11542/gods-of-the-natural-world Ōna pūmanawa, āna haepapa - Wikipedia - https://en.wikipedia.org/wiki/Rongo - Te Tautoko 61 Haumiatiketike rāua ko Rongomātāne Te Tiriti o te Rongomau I te otinga o Te Pakanga Tuatahi o te Ao i tuhia tētahi tiriti e kīia nei ko Te Tiriti o Versaille. Ko te mate ia, kāore ngā whenua o taua tiriti rā, arā, a Tiamana, a Wīwī, a Piritana Nui hoki i ū. Nāwai rā ka tīmata Te Pakanga Tuarua o te Ao. Whakaarohia ngā ara whakatau take me ngā ara whakanui angitutanga o tō akomanga, o tō kura hoki. Kōrerohia ēnei ara me ngā ākonga. Tuhia ki ētahi kāri ētahi take, ētahi mahi angitu anō hoki ka whakairi ki ngā pakitara o tō akomanga. Me tono āwhina i ngā tamariki pakeke o te kura, mā rātou ngā rōpū ākonga e ārahi i roto i tēnei mahi. 1. Mā ngā ākonga e kōrero te take/angitutanga. 2. Whakarōpūhia rātou ki tētahi take/angitutanga. 3. I roto i ō rātou rōpū me kōrero rātou mō ngā hua pai/kino rānei o te putanga mai o tētahi take/angitutanga ka tuhia ai. 4. I tētahi tūtohinga mā ngā ākonga e tuhi i raro i ngā tapanga nei ō rātou whakaaro: Take/Angitutanga Hua Whiunga/Whakamiha 5. Mutu ana, me whakaemi i ngā tuhinga katoa, ā, ka noho ēnei hei tikanga mō tō akomanga. He auahatanga o te rongomau 1. Whakaaturia ētahi atu auahatanga o te rongomau - kohia ēnei i te ipurangi, i ngā whare pukapuka, i hea atu. 2. Whakakōrero i ngā tamariki me ō rātou whakaaro mō te rongomau. Me nui hoki te kōrero mō ngā āhuatanga o te rongomau e kitea ana i ō rātou kāinga, i te kura, i hea atu rānei. Me whāngai tauira ki a rātou. 3. Mutu ana, mā rātou anō tētahi tohu o te rongomau e tārai. He rauemi tautoko Rauemi Reo Māori Te Tautoko 61 Haumiatiketike rāua ko Rongomātāne Te Tautoko 61 Mā te pouako Te Ara Tānga - http://www.teara.govt.nz/en/photograph/17371/rongomatane Tānga - http://www.teara.govt.nz/en/artwork/11542/gods-of-the-natural-world Rauemi Reo Pākehā Pukapuka Marsden, Māori. The woven universe: selected writings of Rev. Māori Marsden, edited by Te Ahukaramū Charles Royal. Ōtaki: Estate of Rev. Māori Marsden, 2003. Salmond, Anne. Two worlds: first meetings between Maori and Europeans, 1642–1772. Auckland: Viking, 1991. Yearbury, Pauline. The Children of Rangi and Papa. Pae tukutuku Christchurch Peace Celebrations http://www.nzhistory.net.nz/files/documents/chch-peace-celebrations/index.html Te Ara Image - http://www.teara.govt.nz/en/photograph/17371/rongomatane Image - http://www.teara.govt.nz/en/artwork/11542/gods-of-the-natural-world Wikipedia https://en.wikipedia.org/wiki/Rongo