Whenua, Fenua, Vanua Te wāhi ki ngā tāngata nō Te Moana-nui-a-Kiwa Te tūhura i ngā whakarerenga iho o ngā tāngata nō Te Moana-nui-a-Kiwa i pakanga i Te Pakanga Tuatahi o te Ao Tau 5-8 He Kupu Aratohu mā te Kaiako He kupu whakamahuki He whakatakinga tēnei kohinga pārongo ki te wāhi ki ngā whenua nō Te Moana-nui-a-Kiwa i Te Pakanga Tuatahi o te Ao, ka mutu ō rātou hononga ki Aotearoa i tēnei horopaki tonu: · te takotoranga o ēnei whenua ki Te Moana-nui-a-Kiwa · ngā tauritenga, ngā tauaringa ahurea · te hītori o Te Moana-nui-a-Kiwa e kōrero ana mō ōna mana whakahaere · te pānga o Te Pakanga Tuatahi o te Ao ki ngā tāngata o Te Moana-nui-a-Kiwa Ngā hononga ki ngā wāhanga ako o TMoA E hāpaitia ana ngā āhuatanga o ngā whenu e rua o te wāhanga ako Tikanga ā-Iwi: Taumata 1-3 Te Whakaritenga Pāpori me te Ahurea Te Ao Hurihuri E tika ana kia tirohia ngā whāinga o ngā taumata 1-3 e tutuki ai ngā mahi nei. He huarahi ako, he mahi whakaea Tau 5-8 Te tūhura i ngā whakarerenga iho o ngā tāngata nō Te Moana-nui-a-Kiwa i pakanga i Te Pakanga Tuatahi o te Ao Hei tuatahi ake, e akiaki ana kia pānuitia ngā tuhinga me te mātakitaki i ngā ataata, heoi anō, mō ngā ākonga tamariki ake, me pānui tahi, me mātakitaki tahi me te pouako. He ngohe hei tauira: · Tāngia tētahi mahere whenua o Te Moana-nui-a-Kiwa me ōna whenua. Tohua, whakaingoatia hoki ngā whenua. Mā te toro ki te pūmanawa ipurangi Mahere Google (GoogleMaps), ka āhei hoki ētahi tohu nui me ngā takiwā kei te kōrerohia i te rauemi nei. · Tuhia ā-akomangatia, tētahi tuhinga taki, ānō nei ko koutou ko ngā ākonga ētahi o ngā tāngata o ngā motu o Te Moana-nui-a-Kiwa. Whakaarohia ngā kupu āhua hei whakaatu atu i ngā kare-a-roto. Tito rotarota hoki me ngā kupu āhua kua kōwhiritia. Kua tuhia tēnei rotarota ānō nei i ora te kaitito i te wā o te Pakanga Tuatahi o te Ao hei tauira: Nō wai rā tōku whenua tipu? Nōku, nōu, nō tangata pūrehurehu? Nō pāmamao ngā kaiwawao, tē aro i a rātou nōku tēnei taiao. Nō hea hoki rātou te kī mai ai, ehara i au tēnei whenua ki tōna tai! Nau mai, kei ōku āpiti, e noho, whakatata mai, Ki tōku whenua, tē tuku atu ai. · He maha ngā tūāhuatanga o ngā hōia o ēnei motu e wehi ai rātou ki te whakawhiti atu ki whenua pāmamao mō te pakanga te take. E rārangi mai nei ētahi o aua tūāhuatanga: · Ko te reo taketake o tōna whenua anake te reo e kōrerohia ana e ia; · Kāore ōna āheinga ki te ārai i ngā mate/māuiui o whenua kē; · Nō te urunga ki tētahi ope taua kātahi anō a ia ka mau hū; · Te tūtaki ki ngā Māori o Aotearoa; · Te whakawhiti atu ki whenua kē; · Te noho tawhiti i tōna whānau. Tēnā, whakaarohia tētahi ngohe hei whakaatu i ēnei tūāhuatanga - whakaarohia ngā kare-ā-roto o te tangata, ngā whakaaro o ngā whānau, ngā mahi a ngā whenua pāmamao, te ture, te kore hiahia o ētahi ki te ture/whakahaere o whenua kē. · Ko Tā Māui Pōmare tētahi tangata whai take i Te Moana-nui-a-Kiwa i te wā o Te Pakanga Tuatahi o te Ao. Tirohia tana kōtaha ki http://www.teara.govt.nz/mi/biographies/3p30/pomare-maui-wiremu-piti-naera . Kāore e kore ka kitea he pārongo hei whakawhānui mā koutou ko ngā ākonga. He rauemi tautoko Whīti (Fiji) Te Tautoko 51 http://kohingarauemi.tki.org.nz/Catalogue-Items/Te-Tautoko-51-Ko-Wai-O-Tatou-Tipuna/(Search_Text)/SearchText%3DTe+Tautoko+51%26sort%3D/(Search_Type)/search Te Tautoko 51 Mā te pouako http://matepouako.tki.org.nz/Te-Tautoko/Te-Tautoko-51/He-kupu-whakataki Hāmoa (Samoa) Te Wharekura 81 http://kohingarauemi.tki.org.nz/Catalogue-Items/Te-Wharekura-81-Tangaroa/(Search_Text)/SearchText%3DTe+Wharekura+81%26sort%3D/(Search_Type)/search Te Wharekura 81 Mā te pouako http://matepouako.tki.org.nz/Te-Wharekura/Te-Wharekura-81 Te Kuki Airani (Cook Islands) Ngā Kōrero 31 http://kohingarauemi.tki.org.nz/Catalogue-Items/Nga-Korero-31/(Search_Text)/SearchText=98141/(Search_Type)/search Hāmoa Ngā Kōrero 2: Rāwāhi http://kohingarauemi.tki.org.nz/Catalogue-Items/Nga-Korero-2-Rawahi/(Search_Text)/SearchText=Nga+korero+/(Search_Type)/search Te Kuki Airani Ngā Kōrero 43 http://kohingarauemi.tki.org.nz/Catalogue-Items/Nga-Korero-43/(Search_Text)/SearchText=Ng%C4%81+K%C5%8Drero+43/(Search_Type)/search Kiripati (Kiribati), Ngā Kōrero 42 http://kohingarauemi.tki.org.nz/Catalogue-Items/Nga-Korero-42/(Search_Text)/SearchText=nga+korero+42/(Search_Type)/search Ngā honongaitua hāngai Whakapapa ki Te Moana-nui-a-Kiwa http://www.teara.govt.nz/mi/whakapapa/page-3 Pa George Karika http://www.teara.govt.nz/mi/biographies/3k2/karika-pa-george Tā Māui Pāmare http://www.teara.govt.nz/mi/biographies/3p30/pomare-maui-wiremu-piti-naera Ngā heke i te Wai Nui http://www.teara.govt.nz/mi/nga-heke-i-te-wai-nui Ngā honongaitua ki ngā rauemi reo Pākehā Pacific Islanders in the NZEF http://www.nzhistory.net.nz/war/pacific-islanders-nzef Capture of German Samoa http://www.nzhistory.net.nz/war/capture-of-samoa Pacific aftermath http://www.nzhistory.net.nz/war/pacific-aftermath