He wahine, he whenua, ka ngaro ai te tangata | First World War Communities Schools Search TKI Search TKI Search Search all of TKI? Navigate in: te reo Māori Tools https://www.tki.org.nz/ Pātene whakatere Te Pakanga Tuatahi o te Ao Kāinga Ngā kaupapa Tuakiri me te Tuku Ihotanga Te whatu hononga Aotearoa i roto i Te Moananui-a-Kiwa Te hohou i te rongo Ngā tirohanga a ngā kirirarau Taumata ā-Tau Ngā paki ā-kura Ngā Ataata Hoki atu ki te tomokanga Hoki atu ki te tomokanga Kāinga Ngā kaupapa Tuakiri me te Tuku Ihotanga Te whatu hononga Aotearoa i roto i Te Moananui-a-Kiwa Te hohou i te rongo Ngā tirohanga a ngā kirirarau Taumata ā-Tau Ngā paki ā-kura Ngā Ataata He wahine, he whenua, ka ngaro ai te tangata Kaiako' Notes He rerekē noa atu te tūranga o ngā wāhine Māori i te ao Māori i mua i te taenga mai o te Pākehā, i tērā o te tūranga o te wāhine Pākehā i tōna anō hapori kotahi rau tau ki muri. Ahakoa i whakaaetia te pōti a te wahine i ngā whakatau ā-motu i te paunga o te rau tau tekau mā iwa kāore tonu i whakaaetia te tū a te wahine hei kaitōrangapū tae noa mai ki te whakatau ā-motu i te tau 1919. Manohi anō ngā wāhine Māori kua noho hei rangatira mai mai, rangatira pēnei i te tāne Māori. E kitea ana te whakatauiratanga o te rangatira o te wahine Māori i ngā kaiwaitohu wāhine tekau mā toru i Te Tiriti o Waitangi. Heoi anō, he torutoru noa iho tēnei i te kāhui waitohu 512 i runga i te whakatau a ētahi rangatira tāne, wāhine hoki, kāore ngā āhuatanga o te wahine e whai mana ana i raro i ngā ture me ngā tikanga a te Pākehā. Ki te mate ngā tāne, me mate anō ngā wāhine me ngā tamariki - Ahumai Te Paerata , Ōrākau 1864 Ko te tamāhine a te rangatira o Ngāti Toa, a Te Pēhi tonu tētahi kāore i tukuna kia waitohu i te tiriti i te whakaaro kāore i te wahine te mana. Nā tōna whakatakariri ki tēnei takahi ka whakahē hoki tana tāne kia waitohu. I te hapori Pākehā, i te puku o te rau tau tekau mā iwa, he takirua kotahi te tokorua tāne me te wahine kua mārena i raro i te ture, ā, ko te tāne te rangatira. Ko ngā pūtea me ngā taputapu a te wahine, nā tana tāne kē, heoi anō te pūtea me ngā taputapu a tana tāne, nāna ake. Ina ka hiahia wehe te wahine i tana tāne i papatoiake ahakoa i ētahi wā he tangata kaikoka tana tāne. Ko ēnei whakaaro mō te rangatiratanga o ngā taputapu tētahi whakaaro i tau mai ai ki Aotearoa i ngā wā o te whakataiwhenuatanga (colonisation). I te wā o te whakataiwhenuatanga, i whakapākehātia ētahi o ngā whakaaro mō te wāhi ki ngā tūranga o te wahine Māori i te ao Māori. Auckland Weekly News, 10 April 1919, pp. 31, 34–5; 17 April 1919, pp. 31, 33–4 Auckland City Libraries NZ Free Lance, 16 April 1919, p. 17 (Papers Past) Te whakatakē i te wahine Nā tētahi mātanga ture, nā Ani Mikaere ngā kōrero o ngā pānga o te whakataiwhenuatanga ki te wahine Māori i matapaki, me te ngana o te mihinare me tauiwi kia whakakorea atu ngā tikanga ake a te Māori hei whakatau noa mai i āna anō tikanga Pākehā. Ko tētahi o ngā whakaaro i puta i āna matapakinga e mea ana ka whakarerekēhia ngā tātai arorangi, ngā kōrero tuku iho hoki a te Māori kia arotahi ki ngā atua tāne. I whakatūria ngā kura mihinare mā ngā kōhine Māori kia ako rātou ki ngā mahi o te kāinga, ki te noho hei wahine pono ki tana tāne. Kāore te nuinga o ngā tāngata nō whenua kē i rata ki te rangatiratanga o te wahine Māori i tōna anō ao, ā, kāore hoki i taunga ki tana āheinga ki te whakawhitiwhiti kōrero ki tāne kē atu i tōna hoa tāne ake. Pāwhiritia te honongaitua nei kia kitea he pārongo e pā ana ki te mana o te wahine - http://www.teara.govt.nz/mi/te-mana-o-te-wahine/page-3 (external link) Pāwhiritia te honongaitua nei kia kitea he pārongo atu anō e pā ana ki ngā pānga o te whakataiwhenuatanga ki ngā wāhine Māori - http://www.teara.govt.nz/mi/te-mana-o-te-wahine/page-5 (external link) Te titiro ki ngā āhuatanga o onamata kia mārama ki ngā āhuatanga o inamata Ko te kāhui ringa toi e kīia nei ko ‘Te Mataaho’ tētahi tōpūtanga wāhine Māori nā rātou tētahi mahi toi i waihanga hei wāhanga o ngā mahi whakanui i te kotahi rau tau nō te wā i tū ai Te Pakanga Tuatahi o te Ao. Ko ‘Kaokao’ te ingoa o te mahi toi rā. Ki tā Terri Te Tau, mema o te kāhui nei, “E whakamihi ana ā mātou mahi i ngā wāhine tokomaha nei i tū ki mua, ki te taha, ki muri hoki i ngā mahi i ngā wā o te pakanga ki te raupī, ki te tiaki i ōna whenua, i ōna whānau anō hoki”. Ko te tauira tukutuku e kīia nei ko te ‘kaokao’ tētahi o ngā tino tohu o te kaha, ā, he whakaatanga hoki ōna e hāngai ana ki te hanga o te wahine nōna e whānau pēpi ana. Koinei hoki te tohu whakarākei kei ngā ringa o ngā kara o ngā hōia. I tōia tēnei tohu ki tēnei mahi toi e tēnei kāhui ringa toi ki te whakataurite i ngā whakaaro ki ō te toa o te wahine me te toa o te tāne. Ringa toi Bridget Reweti (mauī) rāua ko Terri Te Tau. He mema o te kāhui ringa toi Mataaho. Kua hangaia ngā mahi toi Kaokao #1, Kaokao #2 hoki ki ngā rawa whakaata. He whakairinga nui taioreore te Kaokao #1 kua hangaia me ngā rawa whakaata kua tuituia, ā, he whakairinga pātū te Kaokao #2 kua hangaia ki ngā tohu huarahi kua parea ki rahaki.   Tērā te ahi kā, tērā te mura o te ahi i te wā o Te Pakanga Tuatahi o te Ao He rerekē te wāhi ki ngā wāhine e toru e rārangi mai nei i Te Pakanga Tuatahi o te Ao. Ko Te Puea Hērangi tērā i tohe i te āhua o te tautāwhi a te iwi Māori ka mutu ōna tāngata nō Waikato, i te pakanga. Ko Mīria Pōmare tērā i whakarite raupītanga i Aotearoa hei tuku atu ki ngā hōia Māori ki tāwāhi. Ko Ethel Pritchard me tana tū hei nēhi ki tāwāhi. Pānuihia, whakatauritea hoki ngā tūranga o ēnei wahine, ā, whakaarohia ngā take i rerekē ai. Te Puea Hērangi 'Ka ākina tātou ki te pakanga mō te kīngi me te whenua. Kei te pai noa iho tēnā. He kīngi tō tātou engari anō te whenua, kua kore. Kua kāhakina i ō tātou ringa. Kia whakahokia mai ō tātou whenua mō reira tātou ka whakaaro anō ai ki te wāhi ki a tātou i tēnei pakanga.’ I mautohe a Te Puea ki te whakahē i te kaupapa māperetanga a te kāwanatanga, i te pōuri tonu tōna iwi i te whakaekenga ō rātou e ngā hōia o te kāwanatanga, i te wā o te murunga o ngā whenua. I kaha kē atu te whakaaro o Tainui, o te rohe o Waikato-Maniapoto i te kaha o tō rātou tūkinotia e te kāwanatanga. Nāna, nā Te Puea ōna tāngata i māpere, i karanga ki tōna pā, ki Te Paina i Mangatāwhiri, ki te tautoko i a ia. I whakarōpūtia rātou i te tau 1918, i mauheretia, ā, i kawea ki te puni whakangungu hōia ki Narrow Neck i Tāmakimakaurau. I reira tūkinotia ai i te korenga o rātou i whakaae ki ngā kara hōia hei kākahu mō rātou. He pārongo atu anō kei: http://www.teara.govt.nz/mi/biographies/3h17/herangi-te-kirihaehae-te-puea (external link) Te Puna Mātauranga o Aotearoa Alexander Turnbull Library Toronga: PAColl-5584-58 Me tono whakaae i Alexander Turnbull Library, Te Puna Mātauranga o Aotearoa, i mua i te whakamahinga anō o tēnei whakaahua. Ethel Pritchard "Ina taotūtia me te pū, ka kitea he ara whakarauora heoi anō, karekau he ara i kitea e ora anō ai te tangata ina ngaua a ia e te mātao." I te pakarutanga mai o Te Pakanga Tuatahi o te Ao, ka kōwhiritia a Ethel ko tētahi o ngā nēhi tuatahi, rima tekau nei rātou, hei haere ki tāwāhi me te rōpū nēhi o te ope taua o Aotearoa. Ko te hōhipera pārāweranui Nama 15 i Arekehānaria, i Īhipa, te wāhi tuatahi i mahi ai a Ethel. Tokoiwa ngā tāngata i noho i raro i tōna marumaru i tiaki i tōna 240 tūroro i ngā tēneti e takoto ana. I te taenga atu o ngā tāruru tino nui kē nei e mau mai ana i ngā taotū i Karipori, i te takiwā o te 190 tūroro i tākaihia i ia rā. I nui te pānga atu o te mate kōea, te mate tūtae tororē me te taipō piwa, ā, i kino rawa atu ngā tūnga puhitanga. He pārongo atu anō kei: http://www.teara.govt.nz/en/biographies/5p38/pritchard-ethel (external link) Ko Nēhi Ethel Pritchard, nōna e mahi ana me Te Ratonga Nēhi o te ope taua o Aotearoa. Te Whare Taonga o te Tairāwhiti. Me tono whakaae i Te Whare Taonga o Tairāwhiti, i mua i te whakamahinga anō o tēnei whakaahua. Mīria Pōmare Ko Mildred Amelia (Mīria) Tapapa Woodbine Pōmare e kōrerotia nei ko te hoa wahine o te kaitōrangapū Māori, o Māui Pōmare. I whakarewahia e rāua tahi ko te wahine a te Kawana Tianara o Aotearoa o te wā, a Lady Liverpool, te Tōpūtanga Pūtea mā Ngā Hōia Māori i te tau 1915. I torohia e rāua ngā rawa o ngā kōmiti wāhine Māori puta noa i Aotearoa me te tono mā ēnei kōmiti ngā painga o te kāinga e tuku atu ai ki ngā hōia Māori, ki tāwāhi. Nā Mīria tonu i whatu tōkena mō ia hōia o te Ope Tuatahi Māori. He pārongo atu anō kei: http://www.teara.govt.nz/mi/biographies/4p16/pomare-mildred-amelia-woodbine (external link) Te Puna Mātauranga o Aotearoa Alexander Turnbull Library Toronga: 1/2-043506-F Me tono whakaae i Alexander Turnbull Library, Te Puna Mātauranga o Aotearoa, i mua i te whakamahinga anō o tēnei whakaahua.   Kuputaka kaikoka physically abusive whakataiwhenuatanga    colonisation whakatakē discriminate Ti Kaiako' Notes I tēnei rauemi ka tirohia te wāhi ki te wahine i Te Pakanga Tuatahi o te Ao. Ka whakatauritea ngā rerenga kētanga i waenganui i te ao Māori me te ao Pākehā o te wā, me ngā pānga o aua āhuatanga ki ngā āhuatanga o ēnei rā. Ngā rauemi tautoko Te Puea Herangi This photograph of Tainui-Waikato leader Te Kirihaehae Te Puea Herangi was taken about 1938. Te Puea Hērangi Two of the greatest cultural go-betweens of the early 20th century are seen in this 1938 photograph. In the middle... Te Puea Hērangi Te Puea Hērangi (also known as Princess Te Puea) cuddles a baby, probably in the 1920s. Over many years Te... Te Puea Hērangi Te Kirihaehae Te Puea Hērangi, shown here aged about 15, later became the Kīngitanga's most revered and effective leader. A... Te Puea Hērangi Land alienation was a major concern for Māori in the early 1900s as its effects took hold of impoverished communities.... Te Puea Hērangi and William Pitt Kīngitanga leader Princess Te Puea Hērangi is shown with Captain William Tutepuaki Pitt and Pitt's daughter, Peggy Alexandria. They are... Schmidt Studio (Photographer) : Princess Te Kirihaehae Te Puea Herangi... Princess Te Kirihaehae Te Puea Herangi and her husband Rawiri Tumokai Katipa in 1937. Photograph taken by the Schmidt Studio.... 'Mana wahine' 'Mana wahine' by Warren Pōhatu shows Papatūānuku (top) and Ranginui (centre) with Tāne below them breathing life into Hineahuone. She... Ko hine te iwaiwa, ko hine korako, ko rona whakamau... This painting by Robyn Kahukiwa focuses on the mana (prestige) of Maori women and, more particularly, of female ancestors who... Nurse Ethel Pritchard, photographed while serving with the New Zealand... New Zealand nurses on board the Rotorua, during World War... New Zealand nurses on board the Rotorua, during World War I. Sister Anderson is missing. Top row from left: Sisters... Mīria Pōmare Mildred Amelia (Mīria) Tapapa Woodbine Pōmare, circa 1920s. Mildred Amelia (Miria) Tapapa Woodbine Pomare Formal portrait of Mildred Amelia (Miria) Tapapa Woodbine Pomare. Taken by Stanley Polkinghorne Andrew on the 11th of May 1949.... Lady Miria Woodbine Pomare and children Copy photograph of a studio portrait of Lady Miria Amelia Woodbine Pomare (nee Johnson) with her three children. The... Meri Te Tai Mangakāhia In 1893 Meri addressed the Maori parliament to ask that Maori women be allowed to vote for and become members... Meri Te Tai Mangakahia - Kate Sheppard National Memorial Oxford Terrace, Christchurch Photos taken 24 August 2010 File Reference:CCL-KateSheppard-2010-08-24-IMG_1873 From the collection of Christchurch City Libraries 'So that women may receive the vote' 'So that women may receive the vote', by Meri Mangakahia (1893) Portrait of Meri Te Tai Mangakahia Portrait of Meri Te Tai Mangakahia Biographies: Meri Mangakāhia Meri Mangakāhia petitioned the government on land rights and argued for women’s suffrage, and actively participated in the Kotahitanga movement, the... Meri Te Tai honoured on Suffrage Day Meri Te Tai Mangakahia, one of Te Rarawa's influential ancestors and women's suffrage campaigner, is being remembered as the inspiration... Te Ahi Kaa mo 13 o Whiringa a Rangi (November)... Author Ani Mikaere talks about tikanga maori and the role of wahine Maori as outlined in her book He Rukuruku... Tihau Te Puna Mātauranga o Aotearoa He rauemi anō mō Te Pakanga Tuatahi o te Ao Hapori Kōrerohia tētahi paki mō Te Pakanga Tuatahi o te Ao ki tō hapori He Pae Kōrero He toronga tono āwhina ā-ipurangi Tiritiria Terms and conditions Communities Schools Search TKI Search TKI Search Search all of TKI? Navigate in: te reo Māori Feedback About this site Accessibility Contact TKI Copyright and privacy Help Back to top Search TKI Search TKI Search Loading... Search result for '   ' returned   results. Did you want to Search all of TKI ? Close