Hei Āwhina Hangarau Matihiko Te Whānau Hangarau Matihiko Te Ao Māori me te Hangarau Matihiko Te Tupuranga Whakaaro Rorohiko Te Tupuranga Tangata me te Rorohiko Hei Āwhina Mō mātou Hei Āwhina Hei Āwhina PRINT Ngā rauemi tautoko i te hangarau matihiko He aha ngā momo tautoko e whiwhi ai ngā kaiako? Ka horaina he whāriki tautoko e hāngai ana ki ia taumata takatū mā ngā kaiako hei whakapakari i tō rātou kaha me tō rātou māia ki te whakaako i te marautanga atu i te tau 2018.  Puta noa i ēnei tau e toru e tū mai nei, ka whakapaua e $40 miriona ki te whakarite kia rawe te mārama o ngā kura me ngā Kāhui Ako ki ngā ihirangi marautanga hou, ā, me pēhea hoki e kōmitimitia ai ki ngā hōtaka whakaako me te ako. I tua atu i tēnei, kia huakina te tatau hei tomonga mā ngā tamariki me ngā taiohi ki ngā kura huna o te marautanga hangarau matihiko. Atu i te tau 2018, ka taea te whai tautoko ngaio i ēnei paetukutuku ihirangi marautanga mō te hangarau me te hangarau matihiko:  technology.tki.org.nz me te hangaraumatihiko.tki.org.nz (ka whakapuaretia ēnei ā te 18 o Hakihea). Tirohia he kōrero anō mō ngā kōkiri tautoko ako ngaio i tēnei  pae tukutuku Anei ngā Hangarau Wahanga Ako mō Te Marautanga o Aotearoa. Whakaaro Rorohiko Whakatupuranga 1  [2 KB pdf] - He mahere mahi mō Hangarau Matihiko. Whakatupuranga 1  [2 KB pdf] - He mahere mahi mō Hangarau Matihiko. Whakatupuranga 2  [2 KB pdf] - Hangarau Matihiko Tupuranga Whakaaro Rorohiko me he tātaiatai ahau Whakatupuranga 2   [2 KB pdf] - He mahere mahi mō Hangarau Matihiko  Tangata me te Rorohiko Whakatupuranga 1&2  [2 KB pdf] - He mahere mahi mō Hangarau Matihiko te tangata me te rorohiko Whakatupuranga 1&2  [2 KB pdf] - He mahere mahi mō Hangarau Matihiko te tangata me te rorohiko Tirohanga whānui o ngā tautoko ako ka wātea ā te tau 2018 ahu atu  Matatauranga matihiko (e wātea ana, mai i te tau 2016) Ko tēnei whakaarotau ā-motu mō Te Ako Ngaio me te Whakawhanaketanga Ngaio te wāhi tīmatanga tino pai pea mā ētahi. Ko te pūtake o te tautoko matatauranga matihiko ko te whakarite kia māia tā te hunga kaiako whakamahi i te hangarau matihiko, ōna hōtaka, me ngā pūrere ki te tautoko i ā rātou hōtaka ako me te whakaako.   He mea nui kia whakapakari ngā kaiako i tō rātou māia me te whakanui ake i tā rātou whakamahi i te hangarau matihiko i a tātou e ahu atu ana ki roto i tētahi ao e piki tonu ai te kaha whakamahi a te nuinga o ngā ākonga i te hangarau matihiko. Ka āwhina hoki ngā tūāpapa e hangaia ana i konei i te kaha whai wāhi a ngā kaiako ki te hangarau matihiko hou tonu me ngā ihirangi hangarau matihiko i te hōtaka tautoko Takatū Matihiko mō te Katoa e whakamāramatia ana i raro nei. Hōtaka Takatū Matihiko ā-Motu (Te Hangarau Matihiko) Ka wātea tēnei hōtaka tautoko e aro ana ki ngā ihirangi hou. Mā taua hōtaka ngā kaiako me ngā tumuaki e tūhono ki ngā ihirangi marautanga hou me ngā rautaki whakaako o te hangarau matihiko. Kua hoahoatia tēnei hōtaka kia whiwhi ngā kaiako katoa i ngā mōhiohio tīmatanga me ngā pārongo mō ngā ihirangi marautanga hou. Ka whakarato tuihonotia te hōtaka, mā te tautoko kanohi ki te kanohi anō hoki. Ka tīmata i roto i te wāhanga tuatahi o te tau 2018, ā, ka puare mai mō ngā tau e toru. Te ako ngaio me te whakawhanaketanga ngaio mō te hangarau matihiko kua āta whakawhāitihia mā ngā Kāhui Ako I ngā Kahui Ako e whai whakaaro ana me pēhea te kōmitimiti i ngā rauemi hangarau ki ā rātou hōtaka ako me te whakaako, ka āhei te tono i te tautoko kua whiwhi tahua mai i te kāwanatanga. Ka āhei ngā kura me ngā Kāhui Ako ki te tīpako i tētahi kaihuawaere whai tohu ki te mahi i ō rātou taha ki te hanga i te mahere ako ngaio me te whakawhanaketanga ngaio tērā e noho urupare ana ki ō rātou hiahia, whakaarotau, tikanga anō hoki hei whakapuaki i ngā ihirangi marautanga hou i runga anō i te āhua e aro whāiti ana ki ō rātou hiahia, horopaki anō hoki. Ka tīmata ā te wāhanga tuatahi o te tau 2018. Ētahi atu rauemi tautoko i te marautanga Ka whakaratohia ēnei i te roanga atu o te wā ki te tautoko i te wāhanga whakatinana. Ka taea ētahi atu rauemi tautoko marautanga pēnei i ngā tauaromahi me ngā mahere ako mā ngā paetukutuku tautoko ihirangi marautanga mō te hangarau me te hangarau matihiko: technology.tki.org.nz me te hangaraumatihiko.tki.org.nz (ka wātea ā te 18 o Hakihea). © Crown copyright.