Whakatupuranga 4 Hangarau Matihiko Te Whānau Hangarau Matihiko Te Ao Māori me te Hangarau Matihiko Te Tupuranga Whakaaro Rorohiko Te Tupuranga Tangata me te Rorohiko Hei Āwhina Mō mātou Te Tupuranga Whakaaro Rorohiko Whakatupuranga 4 Te Tupuranga Whakaaro Rorohiko Whakatupuranga 4 Whakatupuranga 1 Whakatupuranga 2 Whakatupuranga 3 Whakatupuranga 4 Whakatupuranga 5 Whakatupuranga 6 Whakatupuranga 7 Whakatupuranga 8 4 Whakatupuranga 4 Te tuhinga katoa Te tuhinga poto Ko te waihanga hātepe papatono Tauaromahi He Whakamārama Te ngohe He Taunaki mahi PRINT He Whakamārama Kua noho ki te whakaraupapa hopanga ki te hanga hātepe mā te whakamahi i ngā papa waihanga e toru i tēnei mea o te papatono: raupapanga (te raupapa tohutohu), kōwhiringa (te kōwhiri ko tēhea wāhanga o te hātepe e whakahaeretia ai ki ngā uara i tohua), me te tukurua (he tukurua i tētahi wāhanga o te hātepe me te koromeke e whai ana). Ka taea te whakauru i te hātepe mā te hanga i tētahi papatono e whakamahi ana i ngā tāuru, i ngā tāputa, i ngā raupapanga, i ngā koromeke me ngā tohutohu taketake mā te whakamahi i ngā paheko whakatairite. Ka taea ngā hātepe me ngā papatono māmā te patuiro mā te tautohu mēnā kua hapa ngā tohutohu, te whakatika i aua hapa, me te whakamārama mai he aha i pēnei ai, i pēhea hoki te whakatika. Ka mārama hoki ki te whakaatu mai a te rorohiko i ngā raraunga mā te whakamahi i ngā mati tāhūrua, ā, ka taea e te rorohiko te rapu i ngā raru kua ū ki te rokiroki raraunga me ōna whakawhitiwhitinga. Ka arotakengia ngā momo hātepe e pā ana ki te tere me te pai o te rorohiko ki te rapu me te wehewehe i te raraunga. Horopaki Kua tūhura ngā ākonga i te tikanga o te manaaki tangata, me te manaaki i tētahi ope nui tonu i te marae, i te kura rānei. I tēnei tūmahi, e hanga papatono ana ngā ākonga kia taea e ngā tāngata te uru ki tētahi marae, ki tētahi kura rānei, ā, kia taea e ētahi atu rātou te rapu atu. E tino hāngai ana tēnei tūmahi ki tētahi tūāhua mate whawhati tata hei ngā wā e wehe ai ngā tāngata i ō rātou whānau; i tētahi huihuinga nui rānei e wehe ai ngā tamariki i ō rātou mātua. Mā te papatono e āhei ngā kaiwhakamahi te tuku atu i ngā ingoa, ngā whakaahua, me ngā mōhiohio whakapānga atu. Ngā putanga ako Ka taea e te ākonga te hanga papatono mō tana hātepe: e whakamahi ana i ngā tāuru. Hei tauira, ka tonoa te kaiwhakamahi kia tāuru i ngā mati (tauoti), i tētahi kupu (aho) rānei e whakamahi ana i ngā tāputa. Hei tauira, ka panoni i ngā atahanga, te oro, ngā kupu rānei i te papatono e whakahaere ana e whakaraupapa ana i ngā tauākī papatono hei whakaot hopanga e whakamahi ana i ngā tauākī ‘i te’ me ngā tauākī ‘mō’ hei koromeke i tētahi wāhanga o te papatono kia tutuki i tētahi momo here e whakamahi ana i ngā tauākī ‘ki te’ hei whakatairite i ngā uara. Hononga ki ētahi atu Wāhanga Ako Pāngarau: Whakaaro Pānga Riterite: ōwehenga (ngā pika, rahi mata, rahi kōnae) Te Reo Matatini: E mārama ana te ākonga ki te āta whai, te āta whakarite anō hoki i ngā tohutohu. Ka taea e te ākonga te whakaputa i te reo kia mārama, kia ngāwari anō hoki. Te ngohe Tūmahi Ka hanga ngā ākonga i tētahi papatono e whakaputa ai tētahi huanga rapu (tāputa) mā te kuputuhi (aho) i tāurutia ai (tāuru). Ka whakaputaina e ngā ākonga tētahi tauira o te huanga rapu mā te whakaahua i a rātou anō me te tuku i te mōhiohio hei whakapānga. (Tēnā ko tēnei, ka tīkina ngā atahanga i te ipurangi - kia mātua tapaina ēnei kia ‘ka taea te whakamahi, te whakakē hoki’; ā, ka hanga noa ngā mokamoka whakapānga.) E whakawhanake ana te mārama o ngā ākonga me pēhea ngā rorohiko e pupuri, e rapu mōhiohio (raraunga) ai hoki. E taunga hoki ana ngā ākonga ki ngā taupānga tuhiwaehere paraka kia whai wāhi ai ngā tūāhua tāuru me ngā tāputa. Ngā mōhiotanga E mārama ana ngā ākonga: neke atu i te kotahi hātepe ka taea te hopanga kotahi te whakaoti he tika ake te whakamahinga o ētahi hātepe, hei tauira, he iti ake ngā takahanga me pēhea te patu i ngā iro o ngā papatono kāore e taumahi tika ana, kāore rānei e mahi ana ki tērā i tūmanakohia ka whakamahia e ngā rorohiko te waehere tāhūrua (ngā raupapa o ngā 0 me ngā 1) kia rapu, kia pupuri raraunga. Ngā Pātai: He aha ngā mōhiohio hei tāhopu, hei pupuri hoki? Ka pēhea te raraunga e pupuri ai, e kōmaka ai, e rapu ai anō hoki? Ka pēhea te raraunga e whakaatu ai? He aha ngā hapa i puta? Me pēhea e patu ai i ēnei iro? Hei anga whakamua Ka taea e ngā ākonga te matapaki i ngā hapa e puta ana nā te hē o te tāuru i te ingoa, hei tauira te tātaki kupu me ngā pūmatua, heoi, ka taea te rapurongoā me te patuiro i taua papatono. Tērā pea, neke atu i te kotahi ngā tauira huanga rapu ka hangaia e ngā ākonga, ā, ka matapaki, ka pēhea te papatono e kōmaka ai i ngā whiringa tāputa maha. Kupu hou aho – string atahanga – image hapa – error hātepe – algorithm (he tukanga tohutohu ki te whakaoti hopanga) here – condition huanga rapu – search result kōmaka – sort kuputuhi – text mati – digit paheko whakatairite – comparative operators pai – efficient papatono – program patuiro – debug pupuri – store (data) rapu – search rapurongoā – troubleshoot rokiroki raraunga – data storage tāhopu – to record tāhūrua – binary tāputa – output tauākī papatono – program statement tauoti – whole number tāuru – input tuhiwaehere – coding tukurua – iteration whakakē – modify whakaoti hopanga – problem solve He Taunaki mahi © Crown copyright.