Whakatupuranga 5 Hangarau Matihiko Te Whānau Hangarau Matihiko Te Ao Māori me te Hangarau Matihiko Te Tupuranga Whakaaro Rorohiko Te Tupuranga Tangata me te Rorohiko Hei Āwhina Mō mātou Te Tupuranga Whakaaro Rorohiko Whakatupuranga 5 Te Tupuranga Whakaaro Rorohiko Whakatupuranga 5 Whakatupuranga 1 Whakatupuranga 2 Whakatupuranga 3 Whakatupuranga 4 Whakatupuranga 5 Whakatupuranga 6 Whakatupuranga 7 Whakatupuranga 8 5 Whakatupuranga 5 Te tuhinga katoa Te tuhinga poto Ko te panoni rapanga hei waihanga papatono   Tauaromahi He Whakamārama Te ngohe He Taunaki mahi PRINT He Whakamārama Ka noho takitahi ki te whakaoti hopanga ki tētahi hātepe i āta hangaia nei kia aroā e tētahi pūrere rorohiko. Ka whakauru i te hātepe mā te hanga i tētahi papatono e whakamahi ana i ngā tāuru, i ngā tāputa, i ngā raupapanga, i ngā koromeke, ngā rerekētanga o ngā momo raraunga katoa, te whakamahi i ngā paheko whakatairite me ngā paheko taketake. Ka mōhio hoki ki hea whakamahia ai ngā momo anga whakahaere. Ka whakamārama/tuhi i te papatono, me te whakamahi hoki i tētahi ara tika mō te whakamātautau me te patuiro. Ka mārama hoki, ka taea e te rorohiko te pupuri i ngā momo raraunga katoa mā te whakamahi i ngā mati tāhūrua. Horopaki Kua tūhurahia e ngā ākonga te tikanga o te manaaki tangata me te manaaki i tētahi ope nui ki te marae, ki te kura rānei. I tēnei tūmahi, ka hanga ngā ākonga i tētahi taupānga ā-ipurangi mō tētahi pūrere hei tautoko i te tangata ki te rapu nohonga i te wā ka heipū tētahi mate whawhati tata, tētahi kaupapa nui rānei. Me taea hoki te rapu marae hei nohonga mō tētahi rahinga tangata. Ka āwhina te taupānga nei i te iwi ki te rēhita i tō rātou wāhi, kia pai ai te rapu i a rātou. He tautoko nui tēnei i ngā kaupapa ohotata, mō ngā ope tāngata e hiahia ana ki te toro ki a rātou anō. Ngā putanga ako Ka taea e ngā ākonga te hanga papatono e whakamahi ana: i ngā taurangi o ngā momo raraunga rerekē (hei tauira, i ngā atahanga me ngā kuputuhi) i ngā paheko arotau kia āhei mai ngā paheko maha (e whakatōpū ana i ngā paheko here kia āhei mai ngā whakatairitetanga maha, hei tauira te ingoa tuatahi ME te ingoa whānau.) i te whakaraupapa (te ara e raupapa tika mai ana), te tāruatanga (he koromeke) me te arotau here KI TE kitea te here TĒNĀ ka mahia te mahi nei i tētahi anga tārai rite kia pai ake (te tautapa i ngā wāhanga waehere e tāruatia ana, hei tauira - tā wāhitau marae) i te whakamātautau i te patuiro me te whakatika ake (hei tauira, ka taea te whakamātau i ngā putanga i tūmanakohia) i tētahi whakamārama/tuhinga mō tā rātou papatono me ngā āheinga o te mahi ngātahi kia pai ake. Hononga ki ētahi atu Wāhanga Ako Pāngarau: Whakaaro pānga riterite, ōwehenga (pika/rahi mata, rahi kōnae) Te ngohe Tūmahi Ka taea e te ākonga te waihanga paetukutuku kia āhei ētahi tāngata te rapu wāhi noho, te rapu tāngata rānei. E ako ana ki te hanga papatono paetukutuku uaua ka taea te rapu wāhi noho e ai ki te rahi o te rōpū (ā-mati) ka tāuru rānei, ka rapu tāngata kua tāpuitia kētia tētahi wāhi noho ake. Ka puta i te papatono nei ētahi putanga whānui, ā, ka āhei te whakawhāiti i te rapunga ina hiahia ana. E waia haere ana ngā ākonga ki ngā papatono reo whai kuputuhi. Ngā mōhiotanga E mārama ana te ākonga: ki te momo hātepe e tika ana hei whakaoti i ngā momo hopanga tērā pea, he whakatōpūtanga o ngā hātepe hei whakaoti i tētahi hopanga ka pēhea te whakamahere i te whakamātautau o tētahi papatono ka pēhea te rorohiko e pupuri i ngā atahanga, i ngā oro mā te waehere tāhūrua (ngā raupapa o ngā 0 me ngā 1). Ngā Pātai: He aha ngā mōhiohio hei tāhopu? Ka pēhea te pupuritanga, te kōmakatanga me te rapunga o ngā raraunga? Ka pēhea te whakaatu i ngā raraunga? Hei anga whakamua Ka taea e te ākonga te matapaki i ngā rerenga kētanga i waenga i te hanga papatono paetukutuku me ngā taupānga e hanga ana mō ētahi pūrere ake. Ka taea e te ākonga te whakatairite i ngā hua, i ngā hua kore o ngā papatono reo e rua. Kupu hou aho – string anga tārai rite – modular structure atahanga – image hapa – error hātepe – algorithm (he tukanga tohutohu ki te whakaoti hopanga) tāputa – output kōmaka – sort koromeke – loop kuputuhi – text mati – digit mati tāhūrua – binary digit paheko arotau – logical operator paheko whakatairite – comparative operators pai – efficient papatono – programme pūrere – device rapu – search tāhūrua – binary tāruatanga – repetition tauākī papatono – program statement taupānga ā-ipurangi – web-based application taurangi – variable tāuru – input whakamātau – test whakaoti hopanga – problem solve He Taunaki mahi © Crown copyright.