Nga Wharekura o Te Arawa ki Santiago de Chile: Katahi te makariri skip to main | skip to sidebar Nga Wharekura o Te Arawa ki Santiago de Chile Sunday, September 13, 2009 Katahi te makariri Ka heke matau i te wakarererangi. Ka toko mai i a matau tahi te whakaaro, 'kai te kainga ke matau!' Na te kaha o te ua i penei ai te whakaaro. Ka puta ki waho, a, ko Justin Mitchell he Kiwi, he Maori i reira e whanga mai ana ki a matau. Whitu tau te tangata nei, a Justin e noho ana ki koneki. Ka kake i nga waka na Justin i whakarite, ka whakatika atu e totika nei te haere ki Pucalan, te kura e noho nei nga akonga. Hawhe haora te roa ka tae atu ki te kura, a, ko te tumuaki a Bernadita kai reira. Ka tutaki haere, ka wehe i te kura kia whakahekeheke i nga akonga ki o ratau kainga. Tae rawa atu ki tena, ki tena o nga kainga, ka tutakitaki ki nga whanau, a, ka eke te wa kia mahue mai nga akonga ki o ratau whanau hou, na kua huri te ihu o to matau ko nga pakeke waka kia 'rere' ki te taone. Ngaro katoa ahau i te awhiowhio haere o te waka, e hurihuri ana ki tenei huarahi, ki tera huarahi. He taone nunui tenei. 5 miriona tangata e noho mai ana ki koneki. Heoi, ka tae tonu ki to matau kainga. Ko matau ko Pihitahi, ko Hinurewa e piritahi ana mo te toru wiki i te departamento/apartment kotahi. Kai au te ruma rahi, te moenga tapara me te onehuite/ensuite hoki. Kai te papa tuawhitu matau, a, Ko Mahanga raua ko Pete kai te papa 16 o tenei poraka departamento. I muri mai i te kai o te po, i tetehi porini (wharekai) e tata ana ka hoki ki te departamento, moe ai. Posted by koa at 4:47 PM No comments: Post a Comment Newer Post Older Post Home Subscribe to: Post Comments (Atom) Followers Blog Archive ▼  2009 (9) ▼  September (9) Te Ra Wehenga He rorerore (bbq) ki te kainga o Te Mangai o Aotea... Nga mahi turuhi Ko nga turuhi Maori no Rotorua Te Huritau tekau tau o Pucalan Te Wiki i roto i te Kura o Pucalan Te Kura O Pucalan Katahi te makariri Nga Wharekura o Te Arawa ki Santiago de Chile About Me koa View my complete profile