Nga Wharekura o Te Arawa ki Santiago de Chile: Ko nga turuhi Maori no Rotorua skip to main | skip to sidebar Nga Wharekura o Te Arawa ki Santiago de Chile Friday, September 18, 2009 Ko nga turuhi Maori no Rotorua I te Rahoroi te 12 o Mahuru, ka puta matau ko Pihitahi, ko Hinurewa, ko Mahanga, ko Pete i to matau poraka dapartamento, ka takahi i te ara hikoi mo nga kiromita e 2 pea ki te departamento o Justin raua ko tona hoa rangatira, a Sahinde (whakahutia peneitia... Sha hinde). Ko te hutuporo te take i hikoi ai, te tima O Pango e takaro ana ki te tima no Awherika ki te Tonga. He kangakanga, he aue, he taunu anake te hua i puta ai i ta matau matakitaki i te kemu nei. Ko te mea pai i hiki i o matau na ngakau ko te kai na Justin raua ko Sahinde i tunu. He parakuihi tuturu no Aotearoa! He aniana, he harore, he heki pohi i runga tohi, he tomato, he notinoti. Ahh kua ta te ihu! Ko nga korero kai te rarangi mai he mea whakaatu atu ki te kaipanui he aha ano etehi o nga mahi i whaia e matau i roto i te wiki kua pahemo atu. Mo te nui o te wiki ko maua ko Pihitahi tera e torotoro ana i te taone nei. Ka eke i te Metro (tereina noke), ka hikoi nui, ka hikoi roa e rapu ana i nga moro nui (mall) me nga makete hai hokohoko i nga perehana mo te whakahoki ki te kainga. Posted by koa at 8:22 PM 1 comment: wombat September 23, 2009 at 2:15 PM He rawe matua koa, kua panui matou ko oku karaehe i au tuhinga i roto i enei wiki kua pahure. He pai ki a matou ki te rongo atu i a koutou i haerere haere i runga i te whenua ra. Ko tenei te mihi atu ki a koutou. Kia pai o koutou ra whakamutunga ki Chile. Kua tere pau te wa neha. Hamihi Reply Delete Replies Reply Add comment Load more... Newer Post Older Post Home Subscribe to: Post Comments (Atom) Followers Blog Archive ▼  2009 (9) ▼  September (9) Te Ra Wehenga He rorerore (bbq) ki te kainga o Te Mangai o Aotea... Nga mahi turuhi Ko nga turuhi Maori no Rotorua Te Huritau tekau tau o Pucalan Te Wiki i roto i te Kura o Pucalan Te Kura O Pucalan Katahi te makariri Nga Wharekura o Te Arawa ki Santiago de Chile About Me koa View my complete profile