Te Kura ō Tākaro, Tauranga Moana - Mō Mātou / Information for Parents Kāinga Mō Mātou Mō tō mātou Whānau He Kura Karere He Kohinga Whakaahua Ngā Akoranga Whakapā mai TAIPITOPITO KŌRERO KARAKIA E rua ngā wā ia rā e hui tahi ai te kura katoa ki te tuku karakia hei whakamānawatanga atu ki ngā atua mo ō rātou manaakitanga. Ko ngā karakia o te ata hei te 8.30am, ko ngā karakia o te ahiahi ka tukua hei te 3.30pm. Ā, ka karakia ia karaehe i mua i te tukunga ki te kai. TE NGŪNGURU O TE PŪTĀTĀRA 8.30am ka tangi te pū kia hui ai te kura mo ngā karakia o te ata 10.30am ka tangi te pū hei tohu i te wā kai iti, i te paramanawa 11am ka oreore te pū kia timata ai ngā Akoranga 12.30pm te wā e tangi anō ai te pū hei tohu i te wā kai nui, i te tina 1.30pm e ngūnguru ai te pūtātāra kia hokia ake te akomanga 3.00pm ka tangi te pū, ā, kotahi atu ngā tamariki ki te whakapai i te kura 3.15pm ka rangona te pū whakarauhi i te kura mo ngā pānui o te ahiahi, mo te karakia whakamutunga. TE TAENGA ATU KI TE KURA E rua ngā pahi o te kura hei kohi tamariki, hei whakahoki tamariki anō hoki, ā, he nui anō ngā wēne. No reira ahakoa kei hea i Tauranga koe e noho ana, kaore e kore ka hipa atu tētahi pahi o te kura i tō kāinga, ā, tae rawa atu ki te kura i Pāpāmoa. He whānau ā mātou e noho ana i ngā pito katoa o te moana, ā, puta rawa atu. He whānau ā mātou e tae rawa mai ki te kura atu i • Katikati, Omokoroa, Te Puna, Pēterehema • Hūria, Te Reti, Brookfield • Greerton, Gate Pā, Merivale, Pyes Pā, • Ohauiti, Maungatapu, Hairini, Avenues • Te Tehe, Waimapu • Pāpāmoa, Matapihi • Te Puke, Waitangi, Manoeka, Maketū TŪTOHINGA E wātea ana te tūtohinga o te kura ki te pānui. No reira kia hiahia koe, uia tētahi kaiwhakahaere o te tari kia riro mai ki a koe he tāngā o te tūtohinga. E kore e moe te mahi hanga kaupapa here. Ā, ka pai kia puta ngā whakaaro a te katoa, hei hāpai ake i te kaupapa. UTU Mo te urunga mai ki te kura, kaore he utu pūtea. Heoi, he nui tonu ngā haepapa ka uhia ki runga ki ngā whānau, me manawa kai roke te tangata e pai ai tōna noho mai ki te kura, ā, me kaha tautokona ia e tōna whānau. NGĀ PĀNUI Ia rua wiki ka puta he pānui ki te whānau e kī ana i ngā pūrongo mo ngā mahi o te kura, me ngā kōrero whakamārama mo ngā kaupapa e haere ake ana. KĀKAHU KURA Ka kaha akiakina te tamaiti ki te whai i tōna ahureitanga. No konā, kaore he tikanga ā te kura mo te mau kākahu kura ia rā, ia rā. Heoi, kia kiia ake me mau kākahu kura he mea kaupapa nui kei te haere. Mo ngā tama me mau tarau pango, ā, mo ngā kōtiro me mau panekoti pango. Ka tika kia ōkawa tonu te āhua o ēnei kākahu. Me mau hū pango ōkawa nei hoki te katoa. Mo te toenga o te tinana, ka uhia ki ngā kakahu o te kura, ā, mau tonu ana e te kura. Ina rā he pātai anō āu, whakapā mai Wahi Noho: 1223 Welcome Bay Road, RD7, Te Puke 3187. Pouaka Poutapeta: PO Box 867, Tauranga Moana 3140. Waea: 07 542 1864 Waea Whakaahua: 07 542 1867 Waea Harihari: 0800 KOKIRI (565474) I-meera: tumuaki@kurakokiri.maori.nz Kāinga Mō Mātou He Kura Tangata He Kura Karere He Kohinga Whakaahua Ngā Akoranga Te Kura ō Tākaro, Tauranga Moana 2012 Site - iSCHOOLS Limited