Psalm 48 - Maori Bible - Bibles - BiblePub Mobile

Record:


URL:
http://m.biblepub.com/bibles/mb/19/48
Title:
Psalm 48 - Maori Bible - Bibles - BiblePub Mobile
Identifier:
D00154s318
SiteID:
00154
Status:
2 (status_fetched)
ProtocolStatus:
SUCCESS, args=[]
ParseStatus:
success/ok (1/0), args=[]
CharEncodingForConversion:
utf-8
OriginalCharEncoding:
utf-8

Full Text:



Psalm 48 - Maori Bible - Bibles - BiblePub Mobile Maori Bible Books next back Psalm 48 1 He waiata, he himene ma nga tama a Koraha. He nui a Ihowa, kia nui hoki te whakamoemiti ki a ia i te pa o to tatou Atua, i te maunga o tona tapu. 2 Ataahua ana te tairanga o Maunga Hiona, ko ta te ao katoa e koa ai: kei te taha ki te raki te pa o te Kingi nui. 3 E matauria ana te Atua i roto i ona whare papai hei piringa. 4 Na, huihui tahi mai ana nga kingi haere tahi atu ana ratou. 5 I kite ratou, miharo iho: raruraru ana, hohoro tonu atu. 6 Pa ana te wehi ki a ratou i reira, te mamae, ano he wahine e whanau ana. 7 E wahia ana e koe nga kaipuke o Tarahihi ki te marangai. 8 Rite tonu ki ta matou i rongo ai, ta matou i kite ai i roto i te pa o Ihowa o nga mano, i te pa o to tatou Atua: ma te Atua e whakapumau ake ake. (Hera. 9 I whakaaroaro matou ki tou atawhai, e te Atua, i waenganui o tou temepara. 10 E te Atua, rite tahi ki tou ingoa te whakamoemiti mou, tae noa atu ki nga pito o te whenua: ki tonu tou matau i te tika. 11 Kia hari a Maunga Hiona, kia koa nga tamahine a Hura i au whakaritenga. 12 Taiawhiotia a Hiona, haere, a kopiko noa mai: taua ona pourewa. 13 Maharatia ona pekerangi, tirohia ona whare papai; hei korerotanga ma koutou ki enei ake whakatupuranga. 14 Ko tenei Atua hoki te Atua mo tatou ake ake: ko ia hei kaiarahi i a tatou a mate noa. next back Contact Us - Full Site © 2013 BiblePub