Take 23 Pipiri 2009 / Ngā Pūrongo / Kāinga - Living Heritage

Record:


URL:
http://maori.livingheritage.org.nz/Nga-Purongo/Take-23-Pipiri-2009
Title:
Take 23 Pipiri 2009 / Ngā Pūrongo / Kāinga - Living Heritage
Identifier:
D00160s15
SiteID:
00160
Status:
2 (status_fetched)
ProtocolStatus:
SUCCESS, args=[]
ParseStatus:
success/ok (1/0), args=[]
CharEncodingForConversion:
utf-8
OriginalCharEncoding:
utf-8

Full Text:



Take 23: Pipiri 2009 / Ngā Pūrongo / Kāinga - Living Heritage Skip to content Access keys Kāinga He aha a Taonga Tuku Iho? Ngā kōrero a ngā kura Whai wāhi Ngā Pūrongo Whakapā mai Breadcrumb navigation You are here: Kainga :: Ngā Pūrongo :: Take 23: Pipiri 2009 Take 23: Pipiri 2009 www.livingheritage.org.nz Kia ora, nau mai ki tēnei whakaputanga o te pānui Tikanga Tuku Iho. Kua whakaputaina ētehi kōrero hou o runga o Taonga Tuku Iho. Pānuihia a Wairakei Terraces nā ngā ākonga o Tauhara Primary School me te kōrero e kīia nei ko Ashburton’s Treasures nā ngā ākonga o Tinwald School, ā, ko te mea whakamutunga ko What life was like nā ngā ākonga o Bellevue Primary School. Anō rā, mā te kōrero o te wā, arā, ko Te Hononga O Ngā Wai nā Westmere School e mōhio ai koe te huarahi ka whāia e ngā ākonga o tētehi akomanga teina o te Māori Bilingual Whānau - Ngā Uri O Ngā Iwi, ā, e karangahia nei ko Te Hononga O Ngā Wai, hei whakamōhio atu ki a rātou anō te tikanga o tō rātou ingoa ake. Tirohia anōtia ā rātou mahi toi ataahua. He kaupapa kōrero tā tō koutou kura? I ngā wā katoa rapu ai mātou i ngā kaupapa kōrero hou hei tāpiri atu ki tā tātou kohinga. He rawe kia whakaaturia ētahi kaupapa kōrero hou. Mēnā he whakaaro ōu, he pātai rānei, tēnā whakapā mai ki a mātou. Te Rā Tikanga Tuku Iho 2009 Hei te rā 13 o Ākuhata 2009 ka whakanuia Te Rā Tikanga Tuku Iho ki ngā whare pukapuka huri noa i Aotearoa mō Te Wiki o Te Whare Pukapuka. Whakarewatanga ā-Whare-pukapuka E hiahia ana mātou ki te akiaki i ngā kura ki te whakanui i te whakarewatanga o ā rātou kōrero ā-ipurangi mā te whakatū i tētehi rā whakanui mō te iwi whānui, kei tō rātou ake whare pukapuka ā-rohe. Kua whai wāhi kē te tīma o Taonga Tuku Iho ki tētehi rā whakanui whakaongaonga pēnei, ā, he kupu arataki ā mātou, he tauira hoki (hononga ā-ipurangi) hei āwhina ki te whakarite i tō rā whakanui. Ināianei he wāhanga a Whakarewatanga ā-Whare pukapuka o te whārangi Whai Wāhi o runga o Taonga Tuku Iho. Ko tā te tukanga mō te whakaputa kōrero ā-ipurangi, he whakamōhio atu ki tō whare pukapuka ā-rohe inā kua oti i a koe tō kōrero, kia matua mōhio ai rātou i āu mahi i mua i tō whakapātanga atu ki a rātou e pā ana ki te whakahaeretanga o tō whakarewatanga. Taonga Tuku Iho me Te Ara E whai wāhi atu ana a Te Ara - The Encyclopedia of New Zealand ki ngā huarahi maha hei whai māramatanga i ngā āhuatanga e pā ana ki a Aotearoa. He mōhiotanga ōnā e aro atu ana ki ngā kaupapa pērā i te tangata, te whenua, te moana, te ngahere me te rangi. Kei roto i ēnei kaupapa he kōrero kua takohatia e te tangata noa o ia rā. Hei te mutunga o te tau nei ko te tūmanako ka honohonoa āu kōrero o roto o Taonga Tuku Iho ki ngā kaupapa o Te Ara e hāngai ana. Ko te hua o tērā, arā, ka kitea whānuitia āu kōrero e te tini me te mano hei wāhanga o tētehi kohikohinga rauemi whakahirahira nō Aotearoa. Tirohia a Te Ara mō ētehi mōhiohio e pā ana ki tō rohe o roto o Aotearoa, mō tētehi kōrero poto rānei mō Aotearoa. Tērā pea mā ēnei whārangi koe e āwhina ki te rangahau i ngā kōrero ā-rohe. Taonga Tuku iho me Digital New Zealand Ko te whāinga ā Digital New Zealand kia whakamāmātia te rapu, te tohatoha, te whakamahi hoki i ngā āhuatanga e pā ana ki a Aotearoa. Ka taea te tiki atu i ngā kōrero a Tikanga Tuku Iho i te paetukutuku a DigitalNZ i te mea he kaikoha a Taonga Tuku Iho ki a ia. Anō rā, ko te hua ka whakarahi ake te tirohanga a te tini me te mano o roto o Aotearoa, ā, hei wāhanga o te ahurea pikitia whānui, me te taonga tuku iho kaupapa whakaaro o Aotearoa. I a koe e tirotiro haere ana i a DigitalNZ titiro ki te rauemi a Memory maker . Mā reira ka taea e koe te waihanga i tō ake whakapuakitanga o te tikanga o ‘Te Hokinga mai ki te Kāinga’ e whakamahi ana i tētehi taputapu whakawhenumi whakaataata. He whakaahua, he whakairoiro, he kiriata poto, he puoro hoki ā te paetukutuku nei mai i ngā tau whai muri i te Pakanga Tuatahi o te Ao. Ka taea e koe te whakawhenumi anō aua mea katoa me te tohatoha atu ki te whānau me ō hoa.. Kua tīmata kē koutou ki te waihanga kōrero? Ki te pīrangi āwhina koe mō tō kaupapa mahi, āhea ake rā, tēnā whakapā mai ki a mātou. E ngākau nui ana mātou ki te mahi tahi me ngā kura, ā, e harakoa ana mātou ki te āwhina. Ngā manaakitanga The Living Heritage team Erris Thomson Barbara Baker Curriculum Facilitators Living Heritage livingheritage@cwa.co.nz Kōwhiria ā-Reo Ingarihi Māori Rapua Search text: Pānui Tikanga Tuku Iho List of newsletters Take 29: Poutū-te-rangi 2013 Take 28: Paenga-whāwhā 2012 Take 27: Mahuru 2010 Take 26: Pipiri 2010 Take 25: Whiringa ā-rangi 2009 Take 24: Whiringa ā-nuku 2009 Take 23: Pipiri 2009 Take 22: Here-turi-kōkā 2008 Take 21: Haratua 2008 Take 20: Hui-tangaru 2008 Take 19: Whiringa ā-rangi 2007 Take 18: Whiringa ā-nuku 2007 Take 17: Hōngongoi 2007 Take 16: Kohi-tātea 2007 Waitohu mai Enter your email address He kōrero mō tēnei pae Te Whai wāhitanga Pānui Whaimana me Te Tūmataiti Pae mahere Whakapā mai © Mana pupuri, Tikanga Tuku Iho – Ngā Pānui Mana Pupuri, Tūmataiti me te Whakakape