Te Whakauru Marautanga / Whai wāhi / Kāinga - Living Heritage Skip to content Access keys Kāinga He aha a Taonga Tuku Iho? Ngā kōrero a ngā kura Whai wāhi Ngā Pūrongo Whakapā mai Akoranga pakirehua Te Whakauru Marautanga He whakaaro kaupapa kōrero Rēhita mai Ngā puna pārongo Te mana pupuri me te tūmataiti Whakapūtaina tō kōrero Ngā Pātai Auau Breadcrumb navigation You are here: Kainga :: Whai wāhi :: Te Whakauru Marautanga Te Whakauru Marautanga Tikanga ā-iwi | Te Reo Māori | Pūtaiao | Hangarau Kei te hoatu a Tikanga Tuku Iho i tētahi whāinga wāhi ki te ako e whakaata ana i ngā mātāpono o Te Marautanga o Aotearoa e whai ake nei: te akoranga mutunga kore, motuhake hoki. kia kaingākau atu ki ngā tikanga ā-iwi maha noa o Aotearoa tae atu ki ngā wheako, ki ngā tikanga, ki ngā kōrero tāhuhu me te reo. Ka hoatu a Tikanga Tuku Iho i tētahi ngohe ā-marautanga, he whakauru pārongo, me ngā hangarau whakawhitiwhiti kōrero ki roto ki ētahi wāhanga marautanga, inā rā ētahi: Pūtaiao Tikanga ā-iwi Hangarau Te Reo Māori Waihoki ka whakauru a Tikanga Tuku Iho i ngā pūkenga akoranga e whai ake nei: Te whakaaro Te whakamahi i te reo, ngā tohu, me ngā tuhituhinga Te pāpori, paheko hoki Te auaki Te whai wāhi me te takoha Ka uru pai mai a Tikanga Tuku Iho ki roto i ngā akomanga i te mea: ka taea te whakamahi hei wāhanga o te ICT; ka whakatairanga ia i te pāhekoheko, te mahi kaiakopono me te tohatoha rauemi ki roto i te akomanga, i te kura, i waenga hoki i ngā kura; ka tiaki, ā, ka whakaaturia ngā mahi ā te tauira ki te ao whānui. Ngā whenu hāngai me ngā whāinga whānui mō ia wāhanga marautanga Pēhia ki konei mō ngā tauākī marautanga o Aotearoa. Tikanga ā-Iwi Ngā whenu Te whakaritenga pāpori me te ahurea Te tikanga ā-iwi Te wāhi me te taiao Te ao hurihuri He aha te Tikanga ā-Iwi? I puta ake te wairua o te tikanga ā-iwi i roto i ngā kupu a Te Whatahoro, arā, ko te āta titiro ki ngā āhuatanga huhua o te tangata e mārama ai te ākonga ki tōna ao. Ka tirohia ngā mahi a te tangata hei whakatutuki i ōna matea kikokiko, matea pāpori, matea ngākau, matea wairua hoki. Ka pēnei ai te ākonga mā te whakawhanake mōhiotanga, māramatanga hoki e pā ana ki te hapori tangata. Ka tirohia te: koha o te tikanga ā-iwi me ngā taonga tuku iho ki te tuakiri, me te āhuatanga me ngā tukunga iho o te pāhekoheko tikanga ā-iwi; pāhekoheko o te tangata me te wāhi tae atu ki te taiao, me ngā āhuatanga e mārama ai, e whakamārama ai hoki ia i te wāhi me te taiao; hononga i waenga i ngā tāngata me ngā mea heipū, mā te haere o te wā, me ngā whakamārama o aua whanaungatanga. Ki runga Te Reo Māori Ngā whenu Reo ā-waha Reo ā-tā Reo ā-tinana Ko ngā āhuatanga o te whakarongo, o te kōrero, o te tuhituhi, o te pānui, o te mātakitaki me te whakaatu ka kitea mai i roto i ēnei whenu e toru. Te whaitake o te reo Māori Ko tā te reo Māori he aro ki te mana motuhake o te tamaiti me ōna takenga katoa - takenga reo, takenga tangata, takenga tikanga, takenga wairua. Ko te reo te whakapuakitanga o te whakaaro. Ka nohotahi te whakaaro me te reo. E eke ai te ākonga ki ngā taumata o te mātauranga o ērā atu wāhanga ako, me eke ki te ikeiketanga o te reo. Nō reira, me tino matatau te ākonga ki te whakarongo, ki te kōrero, ki te pānui, ki te tuhituhi i te reo Māori, kia tū pakari ai ia i roto i ōna ao katoa. Ngā whāinga paetae matua: Ko te tuatahi o ēnei whāinga paetae matua e pā ana ki te pūtake me te whai māramatanga o te whakawhitinga whakaaro. Ko te tuarua e pā ana ki te tipu o te puna kupu me ōna āhuatanga katoa, arā, te whakahua, te tikanga me te whakatakoto o te kupu, o te reo tonu. Ko te tuatoru e pā ana ki ngā rautaki reo, rautaki ako reo. Kia whakatutukihia ēnei whāinga ka mahi ngā tauira i te: whakawhanake i ō rātou pakari ki ngā mahi e pā ana ki te whakaputa me te whakautu pai i te reo Māori mā te pānui pukapuka, mā te tuhi, mā te kōrero, mā te whakarongo, mā te titiro me te whakatakoto; whakawhanake i te māramatanga o te huri pēhea o te reo i runga anō i te kaikōrero, te hunga whakarongo me ngā take; whakautu ake, ā, āta whakaaro hoki mō te huinga o ngā momo tuhinga katoa; whakamahi i ngā pūkenga reo kia kitea ai ngā hiahia pārongo, ā, kia kitea, kia whakamahia kia whakawhitiwhitihia ngā pārongo; mārama, ā whakamaioha atu ki ngā taonga tuku iho o Aotearoa mā te kite wheako e pā ana ki te huinga whānui o ngā tuhinga i te reo Māori. Ki runga Pūtaiao Ngā whenu Te Ao Tūroa Ō Ahupūngao Ō Kawekawe Ngā Tautake Pūtaiao me ngā Kōrero o Mua Te whaitake o te ako pūtaiao Kia mātau te ākonga ki ngā pūkenga rangahau, ki te whakamātau, ki te tūhura, ki te whakaoti rapanga. Hēoi anō, he mataara tonu te titiro ki ngā putanga mai i te pūtaiao. Kia pakari te ākonga ki te reo pūtaiao, ki te rongo ā-tinana, ā-wairua, ā-hinengaro. Kia puare ki a ia ngā huarahi hei whakatutuki i ngā taumata mahi o te ao pūtaiao, engari kia pūmau tōna ngākau ki te taiao puta noa. Kia rongo tonu te whatumanawa ki ngā nawe o tōna ao, kia kitea ai ngā huarahi hei whakatikatika. Ka kōkirihia te akoranga pūtaiao mā te: āwhina i te tauira ki te whakawhanake i te mōhiotanga me te māramatanga hoki o ngā wāhanga ora, kikokiko, whairawa, hangarau o tō rātou ao; whakatenatena i ngā tauira ki te whakawhanake i ngā pūkenga hei tirotiro i ngā wāhanga ora, kikokiko, whairawa, hangarau hoki o tō rātou ao me te whakamahi i ngā āhuatanga pūtaiao; whakatairanga i te pūtaiao hei ngohe e mahia nei e te tangata ia rangi; whakatairanga i te pūtaiao hei hātepe, ā, hei wāhanga whakaaro hoki kua hangaia e te tangata hei whakamārama i ngā mea o ia rā me ngā mea tauhou hoki; āwhina i ngā tauira kia hōpara i ngā take me te āta whakatau takohanga e pā ana ki te whakamahi tika o te pūtaiao me te hangarau i roto i te taiao; whakawhanake i te māramatanga i roto i te tauira me pēhea te kawe i te pūtaiao me te hangarau, he pēhea hoki e kawea te tangata e te pūtaiao me te hangarau. Ki runga Hangarau Ngā whenu Āhuatanga matua o te hangarau Te whakaharatau hangarau Te whaitake o te ako hangarau Me whaitake ngā kaupapa hangarau kia kaua e hanga mō te kore noa iho. Mā te hangarau ka tū rangatira ngā ākonga. Kia whakahiato ngā mōhiotanga hangarau, ka tīmata i te ao Māori me tōna hāngai ki te ao hurihuri. Me aro anō ki ngā uara, ngā pūkenga, me ngā mōhiotanga hangarau o te ao e taunga ana i a ia. Te whāinga Kia whakapakari i ngā tauira kia mātau ai rātou ki te hangarau mā te whakawhanake i te: mōhio me te mārama ki te hangarau; āheinga ki te hangarau; mārama me te matatau ki te hononga i waenga i te hangarau me te hapori. Ka whakatutukihia tēnei whāinga mā te: tirotiro, te whakamahi me te mōhio ki ngā taonga hangarau, ngā pūnaha me ngā taiao kua whakawhanakehia i tō rātou hapori; kite me te hōpara i ngā hiahia me ngā mea angitu ka whakatutukihia pea e te mahi hangarau; hoahoa i ō rātou ake rongoā hangarau; mahi i runga anō i ngā tikanga me ngā paearu kua whakaaetia; kite i te hononga i waenga i te hangarau me te hapori - i ngā tau kua hipa, ināianei, ā, hei ngā tau e haere ake nei; whaimana kia tuku koha ki te hapori hangarau nei. Ki runga Kōwhiria ā-Reo Ingarihi Māori Rapua Search text: He kōrero mō tēnei pae Te Whai wāhitanga Pānui Whaimana me Te Tūmataiti Pae mahere Whakapā mai © Mana pupuri, Tikanga Tuku Iho – Ngā Pānui Mana Pupuri, Tūmataiti me te Whakakape