Whakapūtaina tō kōrero / Whai wāhi / Kāinga - Living Heritage Skip to content Access keys Kāinga He aha a Taonga Tuku Iho? Ngā kōrero a ngā kura Whai wāhi Ngā Pūrongo Whakapā mai Akoranga pakirehua Te Whakauru Marautanga He whakaaro kaupapa kōrero Rēhita mai Ngā puna pārongo Te mana pupuri me te tūmataiti Whakapūtaina tō kōrero Ngā Pātai Auau Breadcrumb navigation You are here: Kainga :: Whai wāhi :: Whakapūtaina tō kōrero Whakapūtaina tō kōrero Tēnā pea ka rangahaua tētahi kaupapa kōrero mō Tikanga Tuku Iho e tētahi rōpū ākonga, e tētahi akomanga, e tētahi atu rōpū ā-kura, e te kura katoa rānei. Tukuna te wā i raro i te anga o te mahere pakirehua rangahau kia akona ai ngā pukenga ICT e tika ana mō te whakaputa i te pūrākau. Tēnā pea mā te mahere whakahaere pērā i ngā papa tauira whakatakoto pūrākau e āwhina i te hoahoa me te whakawhanake i ia whārangi kōrero tuihono, me te tīpako i ngā pūkenga ICT e tika ana. Kia whai wā atu tō whakamaheretanga kia taea ai e ngā ākonga te whakanui i ā rātou paetae ako i mua i te aroaro o te iwi kāinga. Kei konei ngā aratohu whānui hei tuhituhi mō te ipurangi me ngā kōrero hangarau e pā ana ki te hanga paetukutuku. Whakamahia te Kete Whakarewa ā-Wharepukapuka hei whakanui i tō pūrākau kātahi tonu ka whakaputaina. He pēnei te tuhituhi pai mō ngā whārangi paetukutuku Ko tā te tuhituhinga ā-paetukutuku, he tuhituhi i te reo e tino mārama ana, engari he paku rerekētanga ki tā te tuhituhinga aronga whānui. He uaua ake te pānui i runga mata rorohiko i te whārangi tuhituhi, nō reira ka titiro whakataua noa iho ngā kaipānui i te tuhituhinga. Kia poto, kia māmā hoki tō tuhituhinga, kia taea ai e te kaipānui te mau ki te ngako o te kōrero. Kia maumahara ki ēnei take matua. Tuhituhingā Kia iti ngā kupu – kia haurua ngā kupu ka whakamahia e koe hei tuhituhinga aronga whānui. Whakarārangitia ki ngā matā, pēnei i tēnei rārangi e pānuitia ana e koe Tuhia ngā rerenga kōrero manahau,ā, hei tauira: “Nā te mōhiohio ā te whare pupuri taonga, mātou i whai hua ai.” Kaua ko: “He tino pai te mōhiohio i whakaratohia e te whare pupuri taonga, hei āwhina i a mātou.” Ko KOE te kaimahi. Ngā Whiti Kia poto ngā whiti – mā ngā wāhi wātea ka māmā noa iho te pānui i runga i te mata rorohiko. Whakamahia ngā kupu matua motuhake poto e hāngai tonu ana ki ngā kōrero o te whiti. Whakauruhia te ariā matua i roto i te rerenga kōrero tuatahi, ā, whai atu ko tana whakamāramatanga. Rerenga Kōrero Kia poto ngā rerenga kōrero Kia māmā te reo Kia iti ngā kupu-āhua Te āta pānui/whakatikatika Tukuna ki tō hoa kia kite ai e whai tikanga ana te tuhituhinga, ā, mō te pūnga kupu me ngā tohu ā-tuhi hoki. Tēnā pea, mā te pouako, mā tētehi ākonga tuakana rānei te tirohanga whakamutunga e mahi. Ataata Wehewehea te whārangi ki ngā ataata e hāngai ana. Mā ngā tohu whai take e whakamanea ai i te kaipānui ki tāu ataata Me whakamahi koe i ngā ‘alt tag’ mō ngā ataata (he tohu HTML tēnei e whakaahua ana i tētahi ataata. Ka puta te ‘alt tag’ i te wā ka tohua te ataata e te kiore rorohiko. He whiringa anō tēnei mō te hunga waimaero ā-whatu) Mōhiohio Hangarau Kia whai wāhi atu ki tō mahere akomanga ngā akoranga ICT me ngā pūkenga e tika ana mō ngā ākonga hei whakaatu i ā rātou pakirehua ako mā te ipurangi. Ka ako ngā ākonga ki te hanga whārangi paetukutuku, te rapu mā te ipurangi, te whakamahi kāmera ataata, kāmera ā-mati hoki hei whakatakoto i ā rātou mahi rangahau. Mā te papa tauira tuihono mō ngā pūrākau e hoatu ki ngā ākonga ngā taputapu tuku ake i ngā kōnae tuhituhi, ngā whakaahua, ngā ataata, me ētahi atu āhuatanga hei whakatikatika i ā rātou whārangi pūrākau. Tīkina ake tēnei pūrongo tautoko hangarau hei āwhina i a koe ki te whakaputa i ō kōrero. Hei whakamahi i te tauira Tikanga Tuku Iho.doc 562.00 kB Me takiuru koe hei waihanga i tō paetukutuku Te Kete Whakarewa ā-Whare Pukapuka Whakanuia te whakaputanga o tō pūrākau hou mā te whakatū i te whakarewatanga tūmatanui i tō whare pukapuka ā-rohe. Ka whakarato ngā tuhinga e whai ake nei i ngā aratohu āwhina i a koe i tēnei kaupapa. He Rārangi Āwhina mō te Whakarewatanga ā-Whare Pukapuka.doc 505.50 kB He Hōtaka mō te Whakarewatanga ā-Whare Pukapuka.doc 511.00 kB He Pōwhiri ki te Whakarewatanga ā-Whare Pukapuka.doc 510.00 kB He Tiwhikete Tikanga Tuku Iho.pdf 3.57 MB He Pānui Tikanga Tuku Iho.pdf 4.66 MB He māma noa iho te whakarerekē i ēnei tuhinga kia hāngai atu ai ki tō ake kura, whare pukapuka hoki. Ka taea te tiki ake, te tā hoki kia māmā ai te whakamahinga. Kōwhiria ā-Reo Ingarihi Māori Rapua Search text: He kōrero mō tēnei pae Te Whai wāhitanga Pānui Whaimana me Te Tūmataiti Pae mahere Whakapā mai © Mana pupuri, Tikanga Tuku Iho – Ngā Pānui Mana Pupuri, Tūmataiti me te Whakakape