Po Po | Ngati Porou ki Poneke Home About Us The story of Ngati Porou Events News Our Waiata Our Stories Contact Us Select Page Po Po Na Ta Apirana Turupa Ngata Po! Po! E tangi ana tama ki te kai mana! Waiho, me tiki ake ki te Pou-a-hao-kai, Hei a mai te pakake ki uta ra, Hei waiu mo Tama Kia mauria mai e to tipua, e Uenuku Whakarongo! Ko te kumara ko Pari-nui-te-ra, Ka hikimata te tapuae o Tangaroa, Ka whaimata te tapuae o Tangaroa, Tangaroa! Ka haruru! Ka noho Uru ka noho i a Ngangana Puta mai ki waho ra ko Te Aotu, Ko Te Aohore, Ko Hinetuahoanga Ko te Whatu o Poutini e! Kei te kukunetanga mai o Hawaiki ko te ahua ia, Ko Maui-wharekino ka noho ia Pani, Ka kawea ki te wai o Monariki Ma Onehunga, ma Onerere, Ma te piere, ma te matata Te Pia tangi wharau, ka hoake Ki runga ra, te Pipi-wharauroa Na Whena koe, e Waho e! Tuatahi, e Waho e! Tuarua, ka topea i reira Ko te Whatanui, ko te Whataroa, ko te tihaere Na Kohuru, na Paeaki, Na Turiwhatu, na Rakaiora Ko waiho anake te tangata i rere noa I te ahi rara a Rongomaraeroa Ko te kakahu no Tu, ko te Rangikaupapa Ko te tatua i riro mai Ia Kanoa, ia Matuatonga Tenei te manawa ka puritia Tenei te manawa ka tawhia Kia haramai tona hokowhitu i te ara Ka kia e Paikea Ruatapu i te tama meamea, Ka tahuri Te Huripureiata Ka whakakau tama i aia Whakarere iho ana te kakau o te hoe Ko Maninikura, ko Maniniaro Ka tangi te kura, ka tangi wiwini! Ka tangi te kura, ka tangi wawana! Ko Hakirirangi ka u kei uta Te kowhai ka ngaora ka ringitia te kete Ka Manawaru, ko Araiteuru Ka kitea e te tini, e te mano Ka Makauri anake i mahue atu I waho i Toka-ahuru Ko te peka i rere mai ki uta ra Hei kura mo Mahaki; Ko Mangamoteo, ko Uetanguru, Ko te koiwi ko Rongorapua. Waiho me tiki ake Ki te kumara ia Rangi Ko Pekehawani ka noho ia Rehua Ko Ruhiterangi ka tau kei raro, Te Ngahuru tikotiko-iere Ko Poututerangi Te matahi o te tau, Te putanga o te hinu, E tama! Reference: (Ngata AT. ‘Nga Moteatea’, Part II, p.152). Ngati Porou ki Poneke  Wellington, New Zealand  info@ngatiporoukiponeke.org.nz  027 202 9220 Follow Follow Quick Links About Support Us News Events Contact Sign up for our newsletter Subscribe Here Website Created by Grow My Business © 2019 Ngati Porou ki Poneke