he korero rupahu - engari naku noiho nga korero :-) <$BlogRSDUrl$> he korero rupahu - engari naku noiho nga korero :-) TE BLOG A PIRIPI Saturday, January 31, 2004 Ka matakitaki ano ahau i te mea ra, ara, Te Whale Rider. I te kitenga tuarua, kua ahua hurihuri ake whakaaro, a, inaianei kei te ahua rangirua. Ko etahi o nga ahuatanga he tino pai rawa atu, ara: te mita o te reo a Hemi, me te whakaaturanga a te koroua ra, a, Rawiri Paratene. Tino ataahua tona ihi me tona wehi. Ko nga kakahu o nga iwi kainga - he tino tuturu Coastie te ahua! LOL - Ka mau te wehi. Kua ahua tumeke ki te rongo i nga karakia-a-mate i karangahia atu ai e te kuia no Ngati Porou. He reka te whakarongo ki te waiata "Paikea" i te mutunga atu. Kahore he rakuraku, nga reo noiho, a, he reka te whakarongo atu. Heoi ano, ko nga mea kaore i te pai. Ko te kotiro matua, me te korero a Paikea e whakamaramahia mai ana e nga kai-hanga o TWR. Ehara etahi o era korero i te tika, i te pai, i te pono ranei. Engari ko te mea tino he, ko te whakapuaki i te mita o te reo he rite tonu ki nga iwi Maori ake, ara, ko nga mea e kitekitea ana, ia ra ia ra, a, ko te mita o te reo e rangona noa ana ia ra ia ra. Heoi ano, e ai ki te whakatauki, "Mauria aku painga, waiho aku wheru" A, koina. // posted by Philip @  9:00 pm Inanahi ra ka matakitaki i te mea ra "Te kai-matakitaki i nga wera". Kaore he pai. Ki taku nei titiro he tino rangirua nga korero mo Paikea mo Porourangi hoki. I te mutunga mai ka mapu! Ka aroha! He moumou taima nohio! I te ra nei, ka kite te korero mo Tariana Turia me tona wawata kia kaua e poti 'ae' mo nga ture ka whakaturia e tona ropu e pa ana ki te moana me te takutai. Tona whakaritenga: me nohopuku noa, a, kaua e poti 'ae' ranei 'kao' ranei! Mo te aha tena kuwaretanga? Ko te ahua nei, ka toa nga pakeha, a, ka whakarerea mai tatotu te iwi Maori. "Papaki taku uma, ka mapu ka aroha ki te iwi...." // posted by Philip @  1:09 pm Friday, January 30, 2004 I te po nei ka kite i te korero mo te moteatea ra, ara, mo te waiata e kiia ai 'A tatou korero hoki ra e..' Ka hoki aku whakaaro ki te wa e wananga ai aua tumomo waiata ki Turanga, a, ka maumahara ki a Wayne raua ko Georgina e whakaako ana i a matou. A, he pai era ra. Tena, pea, kei te tipu ano te kakano i ruia mai ki roto i ahau ano. // posted by Philip @  12:54 am Monday, January 26, 2004 Ki a au nei na, ko te tuhituhi i roto i te poraka nei e orite tonu ki te whakapapa. A, ka whakatakotohia te korero i runga i a ia ano. A, kei te tipu mai nga korero mai te timatanga. A, ko taua timatanga koira te mea tino tawhito. He whakaaro noiho noku tenei :-) Ka Pai a Peter Jackson! Kia ora rawa atu! Tona mea "Te Hokinga Mai o te Kingi" ka whiwhi i nga Golden Globes e wha! Tumeke! He autaia! // posted by Philip @  10:40 pm Katahi ano, ka mutu te mahi nanakia ra, ara, taku mahinga ture. Ki au nei, ekore au e whiwhi i nga tohu pai. Hei aha? Ko te mea ke, KA MUTU. Inaianei, kei te tatari mai i a Ripkea e haramai ana me on "koha" :-) He nui aku moemoea kino i nga ra kua pahure ake nei. Inapo, ka moemoea he wahine toa (te tuahine a Xavier Rush) e tumeke atu i nga tane. Tena pea, he tino raruraru-a-hinegaro aku (he raruraru wairua, pea?). Atu i tena, kei te hoihoi tonu nga tamariki, kei te haututu hoki, a, kei te hoha. Kei te penei tonu :-) // posted by Philip @  12:41 pm Saturday, January 24, 2004 Katahi ano ka whakapaohotia whanuitia (ki runga Huriana) te korero mo te raruraru e pa ana ki te moana me te takutai. Kei te whakaaro au ki ahau ano, "koinei te timatanga mai o te mutunga atu o te roopu Reipa," ara te kawanatanga a Herena. Koinei hoki te whakapono, koinei hoki te tumanako. Kei te inoi atu au me tino whawhai tatou, nga iwi o te motu, nga hau e wha, ki tenei tahae-whenua nui. A, hei te potitanga nui a tera tau. E Maori ma! Whakarere atu i nga nanakia o Reipa! Tena, koira noiho aku wkakaaro iti noa nei. E tino kino ana au ki te pouaka whakaata, ki nga pitopito korero ake, ki a Tiwi Toru, ki a Tahi hoki. "Kia tupato i te tangata maaminga !!!" Ka whakamatau ratou ki te tinihanga i a tatou, nga iwi whanui. A, ka tutuki! Koira te ahuatanga pouri. Kei te pupu ake te riri ki roto i ahau!! Aue! Aue! Aue, ha!! // posted by Philip @  8:11 pm Kei te whakaroaroa tonu mai mo te whakamutu i taku mahi ture ra. Aue! Hei apopo pea ka timata? ka mutu? hei awhea? Me whakapakari te tinana Me whakapaipai te hinengaro Me whakaoraora te wairua I enei wa, kua ahua mauiui, ahua ngenge, kua pau ke te hau. Ma te aha? Ma tera "Hatana Tawhito" ano ********************** Akuni ka tu to tataou hui whanau ki Turanganui. He aha aku whakaaro mo tena? ........ Au! Hei aha? Ehara au i te tino harikoa. Kua hoha ke. ...ka aroha... // posted by Philip @  1:20 am Friday, January 23, 2004 Nga kiianga nui a Howard Dean. "...YeeeaaaAAAHHH!!!!!" Tino LOL Ka aroha ki a ia. Ekore e tae atu ki te taumata. Hei aha! Ko te mea ke, kei te puroto tonu tona ahua :-) he nui oni moni hoki :-) :-) // posted by Philip @  2:44 am Kua tureiti ano te tono atu i taku mahi kura, te mea ture na. Hika ma! Me tino get-my-sh*t-together ahau! Ko te tumanako, ka ngawariwari noa te kaiako, a, ka tino awhina.... pea - LOL Kei te katakata tonu mai au mo te haparangi tino rongonui a Howard Dean i Iowa ra. E orite ki te tangata e onioni ana, a, ka mutu, ka haramai. LOL // posted by Philip @  2:36 am Wednesday, January 21, 2004 Me mutu aku haututu ma runga i te ipurangi (mo te wa), a, me tino mahi au i taku mahi kura ---- ahakoa he tino hoha rawa atu. Atu i tena, kei whea ke a Ripkeka? Kia tere! Hrrrmmpphh! // posted by Philip @  5:09 pm "Tihore mai te rangi, tihore mai, mao mao mao te ua, whiti mai te ra..." Te ua e kore e mutu, me te makariri hoki! Tino kino ke te ahuahtanga o te rangi i enei ra. I ahatia ki tenei mea "Te Raumati"? Brrrrrr...... // posted by Philip @  3:17 pm Tuesday, January 20, 2004 Me tino hoko au i te tikinare Maori. Te hoha hoki te whaiwhai haere me te titiro ki runga i te mea ipurangi nei. Hokona! (hei tera wiki pea - kua pohara ke au inaianei - LOL) // posted by Philip @  4:26 pm Ka oho ake au i te poututanga-o-te-ra i tenei ra. Ka waia atu i a Ripeka, a, hei akuni ka haramai a ia ki taku whare me te tiki atu ano i te mea ra moku. Ahakoa katahi ano au ka kii, ekore au e kai te mea ra - LOL // posted by Philip @  12:30 pm Monday, January 19, 2004 Hmmm, he ahua awangawanga ano aku. Kei te ahua hurihuri haere etahi o nga kupu ki runga i te wharangi nei, ara, ka tuhituhi kupu, ka kite kua takoto pai, a, ka tono kia whakapaaho atu. Engari, ka hoki ki te wharangi ra, kua rereke te whakatakoto o nga kupu. Hmmm, tino rereke! ????? Tino rereke rawa atu! Hmmm, tena pea, "Kei te matakitaki mai i a Tungane Nui ki ahau!" LOL // posted by Philip @  11:24 pm I runga i tera atu korero, kua kai ke i aku kaipaipa whakamutunga! Pea? :-) // posted by Philip @  11:21 pm Me tino 'tarai' hoki kia kaua e kai tarukino i nga ra kei te haramai. Me kaha ki te mahi i aku mahi kura, a, me tino whakapakari i taku tinana hoki. Ko te tumanako, ka whai hoki te hinengaro :-) // posted by Philip @  11:04 pm He honore he kororia ki te Atua He maungarongo ki runga i te whenua He whakaaro pai ki nga tangata katoa Amene ............, a, Ko Hikurangi te Maunga Ko Waiapu te Awa Ko Ngati Porou te Iwi Tihei Mauriora! A, ka timata ano ahau ki te kohikohi aku whakaaro nei i runga i te mea nei. I tenei wa, me tino 'tarai' au ki te u ki te tino hapai ki te kaupapa........ ia ra, ia ra :-) Kia ora ano Tatou Katoa! // posted by Philip @  10:50 pm Links The Holy Bible Maori Dictionary Folk songs Maori History links L.com (American news-site) Email Me ARCHIVES 01/01/2004 - 02/01/2004 02/01/2004 - 03/01/2004 03/01/2004 - 04/01/2004