he korero rupahu - engari naku noiho nga korero :-) <$BlogRSDUrl$> he korero rupahu - engari naku noiho nga korero :-) TE BLOG A PIRIPI Wednesday, February 25, 2004 Kiko Kiko kiko tirohia, kei whea te taunga? O te titiwaitorea parepare mai ra koe te tirairaka. Ahhh... he tino pai rawa atu tera waiata ki au - reka ana te whakarongo atu. Ko te tino pitopito korero o te ra nei ki Amerika ko ta President Bush korero, ara, kia mau tonu ki to ratou mea ra te " constitution " nei kia kaua e taea ai nga takataphui, tane ranei wahine ranei kia marenahia. A, kei te whakaae au i tera korero, ka pai! Ma te Atua e manaaki tera ariki! " God bless President Bush! " He autaia! // posted by Philip @  9:02 pm Saturday, February 21, 2004 Kua pau ke te hau. Kaore ano au kia moe mai inanahi ra i taku ohonga ake i te ata. Heoi ano, ehara ahau i te hiamoe. I te ra/po nei ka peka mai a Tipene -- te matua o aku iramutu -- me taku wawata kia homaitia he mea ka waihotia ki roto i te 'korokoro' na. Aue, kaore ia i whakamohio i taku tohu ngoikore. Ko te raruraru tenei, kua pau katotia taua mea ki roto i te rohe o te Whanganui-a-Tara nei. Ka pehea? Ka pehea? :-( Me pehea nei? Tena, ka kii au ki a au ano: "Kia kaha! Kia manawanui!" ..... ne? E ai ki te whakatauki: "Ahakoa he uaua, kia manawanui!'' Aue, he tino reka he tino hohonu aua kupu ki au. Me mau me u ki te whakaaro o roto. I te ra nei, ka tae nga pepa i tonoa ai mai i Te Hiranga Tangata. Nga mea ra mo te whai mahi moku. A, ka pataitia, "he rongomau tangata-hara aahau?'' Hmmmm..... (titiro ki runga ra, ara, te korero "Me pehea? Me pehea?") Tena! Hei aha era! Ma te Atua tatou e manaaki e tiaki i nga wa katoa! He tino whakaaro tena! Hei korero apiti, inanahi ra ka utua he pire mai i te kemihi mo aku niho mamae. He tino kaha aua rongoa, ka pai! Koira noiho mo tenei wa - ka kite. Kia pai, kia harikoa :-) // posted by Philip @  9:31 pm Ae, e tata tonu au ki te wareware. Kua tae te rongo, ka tu mai a Ripeka i te aroaro o te kooti i tera atu morena, i te Turei. A, ka panuitia e te tiati te whiu mona he whaina. Ka tae te puputanga, kotahi rau nga taara. Ko taaku, kua ahua waimarie a ia. Ka pai. // posted by Philip @  2:22 am He kaha aku mahi ina noa nei te whaiwhai haere i nga mea pai ki au, ara, nga mea momona ma runga te ipurangi. Kua ahua rangirua aku whakaaro mo era tumomo mahi. I te tuatahi, he mahi noa tena e homai hari ai ki ahau ano, engari ano ra ia, tena pea kei te ahua kororirori? Kaore au i te tino mohio! Tena, e kiia ana te whakatauki: "Whaia te iti kahurangi, ki te tuohu koe, me he maunga teitei" - Otira he mea tino whakahirahira te matakitaki ki nga whakaahua o nga 'paikea' nei? Tena, hei aha! Ka taea, no reira, ka mahia! - LOL A, ka whakamanangia aku mahi katoa i runga i tera whakaaro. Kei te (ahua) kino, ne? :-D // posted by Philip @  2:09 am Thursday, February 19, 2004 I kitea e au kei roto i te nupepa he turanga watea mo nga kaimahi kei WINZ. Ko au tena? Pea? Kua whakaritea me whai mahi (me nga moni) moku, a, waiho nga mahi kei te kuratini - he moumou taima noiho era mea. Katahi ano ka matakitaki au i te whakaari mo te mea nei "te ataahuatanga" ma runga te pouaka whakaata. Ko te korero tino pai ki au, ko te nama hirahira, ara, 1:1.618 - e kiia ana ko te 'hau koura' Ki au nei, he whakaaro tino whakamere tena. // posted by Philip @  1:03 am Saturday, February 14, 2004 KA MAU TE WEHI!!! I rangona te rongo pai i te ahiahi nei. Ki ta te karere korero, kua hiki atu te roopu National ki nga pooti-o-te-wa. He korero rawe tera! Taku tumanako, ka wini a to ratou rangatira i te mea o nainanei hei tera pootitanga! - Ae, kei te mohio kua ahua he te whakatakoto o aku kupu, engari, hei aha? :-) Ka Pai! ;-) :-) :-D // posted by Philip @  9:00 pm Thursday, February 12, 2004 Aue! Kei te tuaruatia (pea?) nga mahi me nga korero e pa ana ki aku tangata tupu? I te po nei ka auau nga kuri o tera whare me te whakahoha ano ki ahau. Ka haere ki te taiepa ra, a, ka whiua he toka nui kia whakamataku ai i a raua me taku haparangi ano, "Turituri ko korua nga tama(kuri?)meamea!" Ka puta mai te wahine o tera atu whare me tona patai, tona kangakanga, "He aha hoki to mahi?" Ka whakautu atu "Hei aha mahau?" A, ka tatari kia karangahia nga pirihimana me a ratau pataitai ki au mo era mahi. Engari kei te tataritari tonu mai. Tena pea, hei apopo ka haramai nga poaka, peka mai ki taku whare nei? Hika ma! Ko taku tino tumanako e kore tena e whakaritea, ara, te pekapeka atu ki te whare pirihimana, te tuhituhi reta ki tera ki tera o nga apiha o te kooti me nga kaimahi kei te whare pirihimana, aku turanga kei mua i te kaiwhakawa kei te kooti, me te mau herehere, te mea te mea... Hei apopo, hei nga ra kei muri mai, ka kitea......... // posted by Philip @  10:27 pm Tena, kua hoki atu ki te kainga mai i te huinga whanau i Turanga, a, ka mau te wehi o tera hui. He pai ke kia kitekite i nga whanaunga maha o tera o tera moka o te motu me Ahitereiria. Engari ra, i taku ohonga i te ata nei, ka mohio kua wareware au ki te tono atu i nga pepa rehita o te kuratini mo te tau kei te heke mai nei. Aue! Taku kuare hoki! Inaianei kua whakaritea kia whai mahi moku. Kei te tino pirangi au i nga moni. Kua hoha ke ki te noho rawakore, kua hoha hoki ki te mahi i nga mahi moumou taima noiho e whakaakona ki te kuratini ra. He rupahu ke! Tena, kei whea ke he mahi pai moku? A, me whaiwhai tonu ahau. Ko te tumanako ka kitea, a, ma te Atua nui i te rangi ahau e tiaki pai mai, a, mana hoki e arahi mai. // posted by Philip @  4:41 pm Wednesday, February 04, 2004 Hei apopo ka haere atu tatou ki Heretaunga, a, hei tera ra kei muri atu ka hoki atu ki Turanga. Kaore au e tino pirangi kia haere, kua hoha katoa i nga haerenga roroa ma runga waka. Ko te ahua o te whenua e kitea ana ki tera ki tera moka o te motu, he orite tonu. Engari, ka hoki mai ana, ka rawe, ne! - LOL I te ra nei, ka tae mai a Rei. Tona wawata kia haere mai ki te Tonga tiki atu i a tona tama. I tona taenga atu ki Pahiatua, ka rongo kua wehe ke atu a Ueiri. Aue, hika ma! Heoi ano, kua wareware kia whakarongo mai ki ona karere korero ki runga waea :-) I te po nei ka kite au i a Ripeka me tona whaea me tona hoa rangatira. Hei apopo me puta mai ia ki te kooti. Aroha atu ki a ia. // posted by Philip @  11:10 pm Monday, February 02, 2004 Kua tae te rongo kua mauhereheretia a Ripeka e nga pirihimana. Tona mahi kino, he kawe i te taru kino ki roto i te whareherehere. Tona kuare hoki! Hei apopo ka haere au ki te kite i a ia. Hei te Taite kei te heke mai nei, ka haere ngatahi (pea?) ki te kooti hei awhina hei tautoko mona. Ko te tumanako, kaore a ia i korero ki nga pirihimana i te wa e mau ai ia e ratou, a, ka tumanako hoki kaore ia i tuhituhi, i haina ranei i etahi pepa i wawatia ai e nga "poaka" ra. // posted by Philip @  9:33 pm Links The Holy Bible Maori Dictionary Folk songs Maori History links L.com (American news-site) Email Me ARCHIVES 01/01/2004 - 02/01/2004 02/01/2004 - 03/01/2004 03/01/2004 - 04/01/2004