Pūtake: Ki te kaha rawa te pā o ngā iraruke hihi-katikati (UVR) o te rā, ka puta te mate tīkākā, he mate kiri rānei, me te piki o te mōrea o te pā o te matepukupuku kiri. I te taha o Ahitereiria, ko Aotearoa tētahi motu kei te taumata teitei rawa atu mō te puta o te mate tonapuku, huri noa i te ao. Kua kitea, ka piki te mōrea o te pā o te tonapuku ka pakeketia ana mehemea i mate tīkākā te tangata mō te wā kotahi, e rua rānei i a ia e tamariki ana, taiohi ana rānei. Ka hāngai tēnei kaupapahere ārai-rā ki te wāhanga tuatahi me te wāhanga tuarua o ngā wāhanga kura, (tae noa ki waenganui i ngā hāora 10 i te ata, ki te 4 karaka i te ahiahi). Heoi anō rā, ka piki haere ngā kōeke UVR mai i te tīmatatanga o te marama o Mahuru, te wā noho roa ake ai ngā tamariki ki waho nā ngā mahi hākinakina. He moumou noa iho te whakarite ārai-rā i ngā marama o te makariri. Ka whakatauhia tēnei kaupapahere mai i te rā (DATE) kia āraitia ai ngā tamariki e haere ana ki te kura o (school name) mai i ngā hihi iraruke UV o te rā. Hei wāhanga o te rautaki SunSmart whānui, anei ngā wharitenga o tā mātou kura i te wā o te wāhanga 1 me te wāhanga 4, ki waenganui i ngā hāora 10 i te ata ki te 4 karaka i te ahiahi: Whanonga  Te māu i ngā tamariki he pōtae whānui te peha (kaua e iti ake i te 7.5 henimita), he pōtae legionnaire, pōtae bucket rānei (kaua e iti ake i te 6 henimita te peha me te karauna hōhonu) inā kei waho rātou (pērā i te wā: paramanawa, tina, hākinakina, ngā haerenga me ngā ngohe) i ngā wāhanga kura 1 me te 4.  Te whakarite pōtae ake hei mino mā ngā tamariki mehemea e tika ana.  Te whakatakoto kaupapahere “Kore Pōtae, Tākaro i ngā Wāhi Marumaru.” Me whakarite kia tākaro ngā tamariki kore pōtae i ngā wāhi marumaru, ki roto rānei.  Te mahitahi me te hapori kura whānui ki te whakatairanga i te whakamahia o te rongoā ārai-rā SPF 30+ broad-spectrum e ngā tamariki. (Ehara i te mea ko te Rongoā Ārai-Rā anake te momo rongoā mō ngā mahi ārai i te rā.)  Te whakatenatena i ngā tamariki ki te whakamau kākahu ārai i te kiri mai i te rā (pērā ki ngā hāte mau ringaringa, hāte mau kara hoki).  Te whakatenatena i ngā kaimahi ki te whakatauira atu i ngā whanonga SunSmart, tae noa ki te whakamahi pōtae hāngai, i roto i te kura, i ngā wā e whai ngohe kura ana ki waho.  Kia kaha te pānui me te taunaki i te kaupapahere SunSmart , tērā pea, mā ngā pānui kāinga, mā ngā huihui me ngā mātua, mā ngā ngohe ākonga, pouako hoki.  Whakamāramahia ake te Kaupapahere SunSmart ki ngā mātua i te wā whakauru ai ā rātou tamariki, tae noa ki te mau pōtae tika, ngā kākahu pai, ārai-rā SPF 30+, me te whakatenatena i ngā mātua kia whai anō hoki rātou i ngā whanonga. Marautanga  Me kōkuhu ngā ngohe me ngā mātauranga SunSmart ki ngā koeke katoa i ngā wā whakaako i te marautanga. Taiao  Me hāngai te mahi ki te whakatū whakamarumaru, ki te whakapai ake rānei i ngā wāhi marumaru, tae noa ki ngā wāhi whakamine ai ngā ākonga. Ka taea te hanga whakamarumaru, ka taea hoki te whakamahi ngā wāhi whakamarumaru (pērā ki tētahi wharau kua hangaia, ki ētahi atu rākau rānei kua tū noa atu).  Mehemea ka taea, whakaritea he ngohe o waho me etahi mahi hākinakina i mua i te 11 karaka i te ata. (E tūtohu ana te Kāhui Matepukupuku, kia puta moata ngā haerenga i te rā, hei whakaiti ake te pā o ngā hihi iraruke UV. Rapua ngā wāhi nui te marumaru, me whakarite rānei i tōu ake marumaru mā te hari hāmarara, tēneti rānei.)  Whakaritea kia tū ngā ngohe o waho ki ngā wāhi e nui ana te marumaru, mēnā rā ka taea. Whakaūtanga me te arotakenga  Whakaritea he aromatawai haere tonu o ngā whanonga SunSmart; me whakarite wāhi marumaru e hāngai ana ki te marautanga.  Arotakea te kaupapahere SunSmart a te Poari Whakahaere me te Tumuaki i mua i te paunga o te 3 tau. Kua whakaritea te kaupapahere e:________________________(Ingoa, taitara rānei, arā Mema Poari) i te rā _________________ Kua whakaaea te kaupapahere e:_______________________(Ingoa, taitara rānei, arā Mema Poari) i te rā __________________ Ka whakahoungia te kaupapahere i te rā ______________________