Me pēhea e tū ai hei Kura SunSmart Home About Us Contact Us Students Schools Teachers Parents Kura Information Kura Ngā Kura Me pēhea e tū ai hei Kura SunSmart Aratohu Pōtae Home > Kura > Me pēhea e tū ai hei Kura SunSmart Me pēhea e tū ai hei Kura SunSmart He aha te take me tono tō kura hei kura SunSmart Whaimana? Ngā Huanga   l  Me Pēhea e tū ai hei Kura SunSmart Whaimana   l  Whaimanatanga   l  Ngā itinga paearu mō te Whakamanatanga Kura SunSmart   l  Te anga whakamua ki te whakatutuki i ngā paearu mō te whaimanatanga Kura SunSmart    l  Me Pēhea te Whanake Kaupapahere Ārai Rā SunSmart    l  Ko wai e āhei ana ki te āwhina i taku kura ki te mahi i tēnei?    l   Arotakenga o tō kaupapahere ārai rā   l   Ngā Huanga  Ka whakaritea e koutou tētahi kaupapahere ārai rā matawhānui hei whakaiti ake i te pānga kino o ngā hihi iraruke UV ki ngā ākonga me ngā kaimahi. Mā te huri hei Kura Whaimana SunSmart e whakaatu ki tō hapori tā koutou paihere ki te hauora o nāianei, i ngā rā ki mua hoki, o ā koutou ākonga. Ka whiwhi koutou i te Tiwhikete Kura SunSmart me tētahi papa tohu Kura SunSmart mō waho. Ka whiwhi whakaputanga pāpāho koutou hei tuku ki tō niupepa ā-rohe.  Me Pēhea e tū ai hei Kura SunSmart Whaimana Me whakakī i te puka tono ā-ipurangi ka tāpae atu i te kaupapahere SunSmart o tō kura,  me whai rānei i ēnei: Tikiake i te pukatono tā. Me tāpiri tō kaupapahere ārai rā o nāianei.  Me tuku tō puka tono me tō kaupapahere ki te Kāhui Matepukupuku i tō rohe mā te ī-mēra, mā te pōhi rānei. Ngā kōrero whakapānga.  Whaimanatanga Whai muri i tō tono, ka whakapā atu Te Kāhui Matepukupuku mehemea he wāhanga kei roto i tō kaupapahere hei whakatikatika, hei whakauru ake rānei, e āhei ai tō kura ki te whaimanatanga.  Ka whai wā hoki koe ki te mahi i ngā whakarerekētanga ki tō kaupapahere. E wātea ana te Kaiwhakatairanga o Te Kāhui Matepukupuku ki te whakawhanake, arotake rānei i tō kaupapahere. Ka mutu ana te aromatawai a te Kaiwhakatairanga Kāhui Matepukupuku i tō kaupapahere ki te titiro mēnā kua tutuki ngā paearu e tino hiahiatia ana mō te whakamanatanga, ka whakapā atu rātou ki te whakamōhio i a koe mō te whiwhinga o te kura i te whaimanatanga. Oti ana te mahi whaimanatanga, ka whiwhi tiwhikete Kura SunSmart koutou, tae noa ki tētahi tohu Whaimanatanga Kura SunSmart, me tētahi pānui pāpāho hei tuku ki tō niupepa ā-rohe.    Ngā itinga paearu mō te Whakamanatanga Kura SunSmart Ka whakatinanatia te kaupapahere i te wā o ngā wāhanga 1 me te 4 o te tau, te wā e kaha ana ngā taumata iraruke hihi katikati. Ka whakamōhiotia ngā mātua/ngā kaitiaki rānei ki te kaupapahere ārai rā me ōna whāinga e whakaarotia ana. Ka mau pōtae whānui te tapa (e 7.5 henimita te itinga o te tapa), he pōtae legionnaire, he pōtae pākete rānei (e 6 henimita te itinga o te karauna) inā kei waho. Ka tākaro ngā tamariki kāore i te mau pōtae ki ngā wāhi maru kua whakaritea. Ka whakatenatenahia tet whakamahia o te rongoā ārai rai SPF 30+. Ka whakatenaenahia te mau kākahu ārai rā (pērā ki ngā hāte māu ringa me te kara). Ka whakatenatenahia ngā kaimahi ki te tū hei tauiratanga whanonga mā te whakamahi i ngā whanonga SunSmart. Ka whakaurua ngā hōtaka mātauranga SunSmart ki roto i ngā koeko katoa o te marautanga, i ia tau. Ka whakaatatia te kaupapahere ārai rā i roto i ngā whakamaheretanga o ngā kaupapa o waho (pērā ki ngā mahi hōpuni, ngā mahi haereere, ngā mahi hākinakina). Ka whakarārangitia anō ngā ngohe o waho mehemea ka taea, hei whakaiti ake i te wā ki waho, ki waenganui i ngā hāora 10 i te ata ki te 4 karaka i te ahiahi. Kei te whai wāhi marumaru te kura, kei te whakarite rānei kia nui ake ngā rākau me ngā hanga whakamaru i runga i ngā papa whenua o te kura. Ka arotakea e ngā kaitiaki o te Poari me te Tumuaki te kaupapahere ārai rā i ngā wā katoa, tae noa ki te hoatu whakaaro mō te whakapai ake, i ia toru tau.  Te anga whakamua ki te whakatutuki i ngā paearu mō te whaimanatanga Kura SunSmart Kua tutuki kē te kaupapahere ārai rā o ētahi kura i ngā paearu o te whaimanatanga SunSmart. Me huri ētahi atu kura ki te arotake i tō rātou kaupapahere ārai rā kia tutuki ai ngā itinga paearu, me whakawhanake kaupapahere hōu rānei mehemea kāore ā rātou kaupapahere. He mea nui kia whakauru atu te katoa o te hapori kura ki te whakawhanaketanga o te kaupapahere nei kia puta ai te paiheretanga. Tērā pea ka roa tonu te wā mō ētahi kura ki te whakawhanake i tētahi kaupapahere e ea katoa ai ngā wāhanga nui o ngā paearu. Ehara i te mea, kua whakaritea he wā me matua puta te whaimanatanga ki tētahi kura.  Me Pēhea te Whanake Kaupapahere Ārai Rā SunSmart Me Whai te Kaupapahere SunSmart i ēnei: me waihanga i te taha o te hapori kura katoa, tae noa ki te Poari Kaitiaki, ki ngā kaimahi, ki ngā ākonga, ki ngā mātua me ngā kaitiaki tamariki. me whakatakoto he whakaritenga mō te āhua o tā te kura whakamarumaru i ngā ākonga me ngā kaimahi mai i ngā pānga o te hihi iraruke UV. me tutuki ngā itinga paearu mō te Whakamanatanga Kura SunSmart e pā ana ki te arotakenga o ngā whanonga, o ngā marautanga, o te taiao me ngā kaupapahere. E hāngai ana tētahi kaupapahere ārai rā matawhānui ki ēnei wāhanga e whā: Whanonga – te whakaiti i ngā pānga iraruke UV mā te whakamahi pōtae rā, whakamau kākahu tika, me te whakamahi i te rongoā ārai rā SPF 30+. Taiao - te whakatairanga i te whai wāhi atu me te whakamahia o te maru, me te whakarārangi anō i ngā ngohe. Marautanga - te whakaako i ngā mātauranga ārai rā me te ārai matepukupuku kiri. Arotakenga kaupapahere – te whakahaere arotakenga ia toru tau. Hei āwhina i a koutou ki te whaneke kaupapahere Ārai Rā, kua whakaritea mai he tauira kaupapahere hei tikiake.  Tauira Kaupapahere Whaimana Kura SunSmart mā ngā Kura Tuatahi me nga Kura Takawaenga  (Word 209 kB) Tauira Kaupapahere Whaimana Kura SunSmart mā ngā Kura Tuatahi me nga Kura Takawaenga (PDF 96 kB)  Ko wai e āhei ana ki te āwhina i taku kura ki te mahi i tēnei? E āhei ana te tari/pokapū ā-rohe rānei ki te āwhina i a koutou ki te whakawhanake kaupapahere e tutuki ai ngā itinga paearu mō te Whaimanatanga Kura SunSmart.  Arotakenga o tō kaupapahere ārai rā Ko tā te Rōpū Matepukupuku, he whakatenatena, he āwhina hoki i ngā kura kia noho haumaru i te rā, ehara ki te whakawā, ki te whakataurite rānei i ngā kaunekenga. Mā te puka tono me te kaupapahere ārai rā o tō kura e āwhina te Kāhui Matepukupuku ki te aromatawai i ngā rautaki ārai rā o te kura o nāianei, e taea ai te āwhina i tō kura kia whiwhi i te whaimanatanga. Ehara i te mea me uru katoa ngā rautaki kei roto i tō koutou puka tono ki roto i tō kaupapahere. Ka hāngai te aromatawai ki te itinga o ngā paearu mō ngā Whaimanatanga Kura SunSmart . Ka whakapā atu te Kaiwhakatairanga Hauora o tō Kāhui Matepukupuku ā-Rohe ki tō kura, ki te whakamōhio atu mehemea he wāhanga anō hei whakauru ki roto i tō kaupapahere, kia tareka e tō kura te whiwhi i te whaimanatanga.  © 2019 The Cancer Society all rights reserved Site Map Accessibility