TE AO HOU [electronic resource] Search Te Ao Hou Advanced Search | Help Home | About | Browse Issues | A-Z Authors | A-Z Subjects | Contact Us No. 1 (Winter 1952) Previous Section | Table of Contents | Next Section – 46 – View Image [continued from here]   taea te mahi kia whaihua i runga i te mahi ahu whenua. Mehemea i whakaritea e te riihi me utu kapenehaihana mo nga whakapainga me pupuri e te Kai-Tieki Maori te hawhe o nga moni reti, haunga ia nga moni komihana me etahi atu taumahatanga, ka whakaputu haere hei utu i nga kapenehaihana a te paunga o taua riihi. Ko te whakarapopototanga, ko te ture o 1950 he whakahounga noa i nga ture o nga tau kua taha engari ko nga mea nui ko te aruaru haere i nga mahi takahi i te hunga whai paanga me te mana motuhake hoki o aua whenua. Ko te mea nui o te ture hou nei e awangawanga nuitia ana e te Maori ka riro o ratou whenua i te tangata ke. He tika ra tera engari ki te kore e peneitia ka takoto noa aua whenua i te wa kei te hamama nga waha o nga iwi o te ao i te mate kai. Ko te whakaaro o te Kawanatanga me mahi nga mahi ahuwhenua ki nga wahi e tika ana. Home | About | Help | Contact us | Legal statements | National Library