TE AO HOU [electronic resource] Search Te Ao Hou Advanced Search | Help Home | About | Browse Issues | A-Z Authors | A-Z Subjects | Contact Us No. 1 (Winter 1952) Previous Section | Table of Contents | Next Section – 47 – View Image Ko nga whainga Whakaaro me nga Mahi a te Tari Maori INA ETAHI KORERO purakau na tetahi tangata Maori Pakeha ranei raua ko tetahi o nga apiha o te Tari Maori. E patai ana taua tangata i pau ki te aha nga moni e whakaputaina ana ki te Tari Maori, a he aha nga whakaaro e whaia ana e taua Tari kia tutuki. Kaua e pera rawa atu te uhupoho mo nga whakautu a te Apiha o te Tari Maori; ehara tana i te whakapuaki i nga whakaaro o te Kawanatanga. Ko te putake nui o enei korero he whakapuaki i nga mahi a te Tari Maori. Ko Te Patai : He aha te putuke o nga mahi a te Tari Maori? Ko Te Whakautu : Ko te putuke nui o nga mahi a te Tari Maori he awhina i runga i nga awhina e taea e te Tari Kawanatanga i te iwi Maori kia piki ki nga taumata e taurite atu ai ki te Ao Pakeha. He aha te take i kore ai e taea e te Iwi Maori aua awhina mana ano? He tika ano tena ma te Maori ano ra te nuinga. Ka mutu ano ta te Kawanatanga he hoatu i nga awhina. I tenei wa i te Ao Pakeha he mahi uaua rawa atu te piki o te iwi tokoiti penei me te Maori ki nga taumata teitei i te nui o te utu o nga kura, o te hanga whare o te aha o te aha a ma wai e punga enei moni mano mano noa atu. Ka mutu ano te ropu e taea te whakapau te nui o te moni mo nga tikanga penei ko te Kawanatanga. [text continues here]   Home | About | Help | Contact us | Legal statements | National Library