TE AO HOU [electronic resource] Search Te Ao Hou Advanced Search | Help Home | About | Browse Issues | A-Z Authors | A-Z Subjects | Contact Us No. 1 (Winter 1952) Previous Section | Table of Contents | Next Section – 59 – View Image HE HUI NUI WHAKAHARAHARA NA TE ROPU WAHINE TOKO I TE ORA Ka mutu pea i te hui a Te Ropu Wahine Maori Tako i te Ora i tu ki Akarana i te 1 ki te 3 nga ra o Aperira 1952. Katahi ano ka kitea iho ka tipu tenei taonga hei taputapu. E rua nga mea kua honea e tana ropu hei mahi mana ko te whai i nga mahi whanui mo te painga o te iwi a ko te pupuri i te wairua o nga taonga a te Maori i te whakairo, i te haka i te waiata. I pau te nuinga o taua hui ki te whakairo i te kaupapa mo nga mahi whanui a taua ropu. E rima nga tino take korero hei whiriwhiri-tanga ma nga Komiti ririki a hei whaikorerotanga ma etahi tangata rawaho, ko nga take whare, ko nga mahi e tipu ai nga tamariki, ko nga take mo te ora tinana, ko nga korero mo te rapu i te matauranga o te Pakeha, a ko nga mahi oranga ma te tangata. I ata whiriwhiritia aua take a ko nga kaupapa mahi i takoto ara noa atu, mahi ake nei, mahi ake nei te ropu wahine kia it pai ai aua take. I takoto nga inoi a taua ropu ki nga Tari Kawanatanga kia awhinatia a ratou kaupapa mahi, Ko te kotahitanga tenei o te reo o nga wahine Maori ki te whakaohooho i nga mahi. I tu tenei te tuarua o nga hui a te Ropu Wahine Maori toko i te Ora ki te whare o te kotahitanga o nga iwi o Akarana i Halsey St. I neke atu pea i te 300 te hunga i tae ki taua hui. Ko Whina Cooper te Perehitene o taua ropu. I te taenga atu o Te Honore E. B. Corbett ka tu mai te kapa haka o nga wahine ta te Maori tana manaaki. Na Te Kani Te Ua te whakatau ki te Minita. I te tunga mai o te Minita ki te whakautu ki nga manaaki ki a ia ka mea ia katahi ano ka kitea ka whai hua te Ropu. Ka riro ma nga wahine e wero nga Komiti-a-Iwi o nga tane a e hoatu he hauora hei whakahihiko i nga mahi a aua komiti. Ko te whakatupato atu a te Minita kia mau te Ropu ki te ingoa Te Ropu o Nga Wahine kaua e whakarerea nga kupu ‘o Nga Wahine’. Me noho wehe tonu to ratou na ropu kauaka e whakahanumi ki nga Komiti-a-iwi kei te noho motuhake tonu nga mahi ma te wahine he tieki i te kainga me te whanau, te kaupapa, te poutokomanawa o te iwi. ‘Ka mutu pea tenei hui’ e ki atu ana te Minita. ‘Ka penei koutou me te mihingare, ka takihokihoki koutou ki o koutou kainga tena ki tena ahi kai, tena ki tana ahi kai. Ko koutou nga whaea o te iwi Maori. Ka nui te kaha o te iwi Maori ki te whawhai ki nga whakawainga o te ao hou. Kia mau ki nga taonga a o koutou tipuna.’ KO NGA HUA O TE HUI Katahi ano ka whaka kaupapa mo nga mahi a Te Ropu Wahine Maori. Kua ata tatautia nga hikoinga mahi a ma a nga wahine me te wa a muri atu. Me nui nga mihi ki nga mangai o nga peka o te Ropu mo to ratou manawanui ki te ata whakakaupapa i nga mahi. Kua whai kaha kua whai wairua taua Ropu hei mahi i nga mahi hei hiki i te iwi a hei pupuri i te Maoritanga. Ko nga apiha mo te Ropu i kowhiria i te hui ko:— Te Perehitene: Mrs Whina Cooper; Ko Nga Whaihi Perehitene: Mrs P. Paki raua ko, Mrs P. Tahiwi; Te Hekeretari Mo te Motu: Mr M. R. Love; Te Heketari Awhina: Miss Mira Petricevich; Te Kaitieki Moni: Miss F. Mitchell; Te Mangai o Te Tari Maori: Mrs R. Wright. Ko Mrs F. Moss te mangai hou mo te Waipounamu. Home | About | Help | Contact us | Legal statements | National Library