TE AO HOU [electronic resource] Search Te Ao Hou Advanced Search | Help Home | About | Browse Issues | A-Z Authors | A-Z Subjects | Contact Us No. 2 (Spring 1952) Previous Section | Table of Contents | Next Section – 22 – View Image [continued from here]   hamama te waha, ka pukana ake ki te rangi, ka pukana iho ki te whenua. Kua puta a Tupeteka noho ana i runga i tana atamira raua tahi ko Parewhete. Ka kite i a Tamatehura e mawhiti ana nga karu i runga i raro. Ka patai ki a Parewhete, ‘Ko to tane tera?’ Ka kiia atu e te wahine, ‘E hara’. Ko Tamatehura te kai whakahau i nga haka katoa. Ka mutu te haka a Tamatehura, ka puta ko Upokoiti, e tataki ana i tana haka, ‘Ko Te Aea o ia Rangi’. Ka patai ano a Tupeteka, ‘Ko to tane tera?’ Ka whakahokia mai, ‘E hara’. Ka puta ko Pipito. Ka patai ano a Tupeteka, ‘Ko to tane tera?’ Ka ki atu ano te wahine, ‘Kahore ano kia puta’. Te mutunga o te haka a Pipito, ko te putanga o Wairangi. Te putanga mai i te whare e mawhiti ana nga karu, ko Kopu ki te rangi, ko Wairangi ki raro ki te whenua. Ka rere ano te patai, ‘Ko to tane tera?’ Ka whakahokia e te wahine, ‘Ae! koia tera’. Katahi ka haere iho a Tupeteka, me tana wawae haere i te tangata, a ka puta ki mua tonu ki e aroaro o te haka. Takoto tiraha ana i reira ki te matakitaki. Ka tahi ka timataria e Wairangi. ‘Tahi ka riri, toru ka wha.’ Ko nga patu poto a te hokowhitu nei i huna ki muri i nga tuara, i titia iho ki roto i nga tatua kotara. Te taenga ki nga kupu whakamutunga o te haka a Wairangi ‘ A te ’—kua mau nga ringa ki nga patu, ‘ a ta ’, kua maunu mai— a tau , kua huaki te ope, kua patu i te tangata. Te tangata tuatahi tonu ko Tupeteka, i mate i a Wairangi. Ka patua te iwi o Te Aea, ka hinga tera pa i te ope a Wairangi. Ko etehi i patua ki roto i te wai. Ko nga rauwhare me nga wawa i rukea ki roto i te awa. E toru nga piko e toe ana, ka eke eke ai te iwi o Hauraki. Ka tutaki i te toto, i te rauwhare, i te wawa o te pa, kua mohio kua hinga te pa, ka whati. Ko Parewhete i piki ki runga ki te tuanui o te whare, ka ora. Ka riro mai i a Wairangi tana wahine, ka hoki ki tona kainga ki Rurunui. Home | About | Help | Contact us | Legal statements | National Library