TE AO HOU [electronic resource] Search Te Ao Hou Advanced Search | Help Home | About | Browse Issues | A-Z Authors | A-Z Subjects | Contact Us No. 2 (Spring 1952) Previous Section | Table of Contents | Next Section – 47 – View Image [continued from here]   Kaitieki o nga Tari o Nga Rohe ma ratou e whiriwhiri e tuku ki Poneke me a ratou kupu tautoko. I ki ake ra au kaore he rereketanga i nga ahuatanga o mua ake nei motemea i tukua katoa nga tono awhina moni ma te Poari Mo Nga Take Maori i Poneke e whakatau. E pai ana ra tena. E mohio ana au ki te Perehitene o Te Poari Whenua Maori o toku rohe engari ko Te Kaitieki Maori nei ko wai ia? Ko Tipi Ropiha, ko ia te Tumuaki o Te Tari Maori a Te Kaitieki Maori hoki. Ko tenei tuunga ko Te Kaitieki Maori no te tau 1921 i whanau ai i te rironga mai o te mana whakahaere o nga take Maori ko te Kaitieki mo Te Katoa ra te kai whakahaere i mua atu i taua wa—penei i nga whakahaere mo nga whenua Rahui Maori penei i etahi a nga whenua o Taranaki. Mo tetahi wa roa noa atu he tari motuhake te Tari o Te Kaitieki Maori engari no 1934 ka whakakotahitia ki te Tari Maori. No 1946 ka whakaratotia nga mahi a Te Kaitieki Maori ki nga Tari Maori i nga rohe. Apiti atu ki nga mahi kua riro mai nei i te Poari ko etahi o nga mahi a Te Kaitieki Maori he tieki i nga rawa a te hunga kei raro iho i te 21 tau te pakeke, te hunga kei nga whare porangi, nga rawa a te hunga mate kore wira a ko te whakahaere hoki me te utu i nga moni reti o nga whenua rahui Maori. Ko tau korero ahakoa kua whakakorea nga Poari Whenua Maori kaore noa iho he rereketanga ki te iwi Maori. A he aha i whakakorea ai aua Poari? Ko te tima tanga mai o nga Poari nei no te tau 1900 a i huaina i tera wa ‘Ko Nga Kaunihera Mo Nga Whenua Maori’ i whakaturia hei riihi hei hoko ranei i nga whenua i tukua ki aua Poari. Ko etahi o nga mema o aua Poari he Maori he mangai no nga iwi me te Perehitene na te Kawanatanga i whakatu. I roto o nga tau ka ririri nga iwi mo o ratou mangai ki runga i aua Poari a nawai ra a i te tau 1913 ka whakakorea atu nga mangai Maori o nga iwi ka noho ko nga Tiati o nga Kooti Whenua Maori me nga Kai-Rehita anake ki aua Poari. No konei tonu ka timata mai nga amuamu kia whakakorea atu nga Poari rokohanga ka tu he Kawanatanga ke a ko etahi atu ahuatanga ka haere tonu aua Poari. He whai take tonu ra nga Paori a i oti nga mahi i roto o nga tau. No te timatatanga o nga mahi ahuwhenua me nga mahi hanga whare a te Tari Maori ka tukua ma nga Poari era mahi ki nga rohe. Kaore he whakawa i oti pai aua mahi a e haere tonu nei. Ko te tino take i whakakorea ai nga Poari he whaka whaiti i te mana whakahaere o nga mahi a Te Tari Maori. Ka tau inaianei te ( Kei te wherangi 50) Home | About | Help | Contact us | Legal statements | National Library