Te Whanake - Te Mahuri sample pages Te tikanga mahi 1 Tapatapahia ngä pëkana kia pakupaku ngä maramara. Pïhorea te riki, kätahi ka tapatapahi ai. Purua ki roto i te köhua. 2 Uhia ki te paratiki angiangi. Taona ki roto i te umu tira mö te rima meneti, engari, ko te kaha o te tao kia rima tekau paiheneti o te umu tira. 3 Kïnakihia ki ngä rïwai, ki ngä känga, ki te wai wera, ki te paura heihei hoki. Köroriroriria. 4 Uhia anö te köhua ki te paratiki angiangi, ka tao ai ki te katoa o te kaha o te umu tira mö te tekau meneti. 5 Kaurorihia anö. Kïnakihia ki te heihei. Uhia anö te köhua. 6 Taona anö mö te rima meneti ki taua wera anö, arä, te rima tekau paiheneti o te umu tira. 7 Tangohia te köpani o te köhua. Taona anö mö te rima meneti. Kia rima tekau paiheneti anö te kaha o te tao. 8 Ringihia te miraka me te pähiri ki roto. Köroriroriria. Kainga. Te wähanga tuarua —41 166—Te wähanga tuaiwa Te kü Ko te tinana o tënei taonga he pirita, he kareao ränei ki wëtahi. Ka tïwhanatia te pirita, kätahi ka herea ngä pito e rua mä te au kia noho köpere tonu ai te pirita. Märö tonu te au hai katokato, hai raraku ränei, ä, hai päkuru ränei mä tëtahi toko räkau. Ko tëtahi pito o te kü ka noho ki roto i te waha. Mä te whakahämama o te waha me te whakamärörö i te au e tangi ai. Inä te rite o töna reo ki töna ingoa, kü, kü, kü, kukü. E ai ki te tohutohu koinei te taonga hai äwhina i ngä tauira e ako pätere, tauparapara, haka ränei kia mau ai ki te hinengaro. He hoa anö hoki mö ngä karakia. Kei te taha mauï e päkuruhia ana te päkuru e Richard Nunns, ä, kei tëtahi taha e whakatangitangi ana a Hirini Melbourne i te kü. Te tumutumu He taonga tënei nö tua whakarere. He köhatu, he köiwi, he räkau ränei i kitea, ä, i tukitukia hei hoa mö te karakia, mö te takutaku atua. Te päkuru E rua ngä toko poroiwi o tëneki taonga. Ko tëtahi he toko nui he mea tiki atu i ngä rara o te upokohue. Ko tëtahi he toko iti. Mä te mea iti e päkuru te mea nui kia puta ai te tangi. Ka maua tëtahi pito o te toko nui ki roto i te ringa, ko tëtahi pito ki roto i te waha. Ki te köwhakiwhakihia te toko nui i te wä e päkuruhia ana ka püwakawaka te rangi o töna tangi. Te tökere Ko te tökere he rite ki ngä whakapäkökö a ngä Päniora. Ko ä te Mäori he mea hanga mai i te räkau, i te poroiwi, i te kotakota ränei o te kuku, o te tupa, o te toheroa ränei. Ka honoa tëtahi pito, ä, pupuri ai ki roto i ngä ringa, mä te küwhera i te könui me te köroa e hämama ai te tökere änö he ngutu rakiraki.