Tiriti o Waitangi - Tangata Ingoa Nui - Ngā Kaihautū o te Ao Māori Kāinga Pānuitia te Tiriti Wātaka Orokohanga Raumei Whakataunga Tiriti Ngā Take Mahere Pae Reo Pākehā   Tāngata Ingoa Nui Kupu Ake He Mapi Rerenga Ngā FAQ Whakamārama Kei tĒnei wĀhanga English version of this page TĀngata Ingoa Nui NgĀ Kaiwhakanoho me ngĀ Mihingare  George Clarke (Te Karaka) George Clarke Image: Private collection of Brian Shroff, ATL © Image copyright conditions   Nā te mihingare kaiāwhina nei nā George Clarke (Te Karaka) (1798-1875) i akiaki kia whakapiria a Aotearoa hei taiwhenua mō Ingarangi, kia taea ai te iwi Māori te tiaki. I te marama o Mei 1840, i te mea i mōhio pai ia ki te kōrero Māori, ā, he kaiahuwhenua i Waimate, ka whakaae ia kia noho ia hei “Kaitiaki Matua mō te Tangata Whenua”, ka noho hoki hei kaiwhakahaere mō tētahi tari itiiti, me āna kaitiaki o raro, tae atu ki āna tama tokorua. Ko tā rātou mahi he tiaki i ngā whāinga tika o te iwi Māori, ā, kia tino mōhio te iwi e kore ā rātou tikanga e takahia, hāunga "ngā tikanga kei te hē, ki te titiro a te nuinga o ngā iwi whai whakaaro o te ao”. Ko tētahi hiahia o te Kāwana kia huri ngā kaitiaki ki te takawaenga i ngā hokohoko whenua Māori. He tangata mōhio a Te Karaka ki tana mahi, engari kāore i paingia e ōna whanaunga Pākehā, i te mea i hinga tonu ia ki te tautoko i te taha Māori, ā, kāore hoki i kakama rawa āna tikanga karokaro i ana hoariri, pēnei i te Kamupene o Niu Tīreni. He tika ngā matapae a Te Karaka, ka noho ngā mahi tango whenua a te Karauna i te iwi Māori hei take raruraru nui. He rite tonu tana tono kia hangaia he rēhita mō te whenua, kia kaua ai he whenua e hokona mehemea e tautohe ana te mana pupuru o taua whenua. Ka noho hoki ia hei takawaenga i ngā tautohetohe i waenga i te Māori me te hunga whakanoho whenua, i waenga anō i ngā iwi Māori, engari he iti āna rawa hei tiaki i ngā whāinga tika o te iwi Māori, kia rite ki tāna i whakahau ai. I te tau 1846 ka turakina ia e te Kāwana hou e Hori Kerei , ka whakakorea hoki te Tari Kaitiaki, ā, ka whakamutua tana mahi mō te CMS, i runga i ana hoko whenua. I muri, i ngā tau 1850, ka pōtingia a Te Karaka hei mema o te Kaunihera Porowini o Tāmaki-makau-rau. Nō te tau 1865 ka whakatūria ia hei kaiwhakawā mō te Kōti Whenua Māori, engari kāore kau he take i whakawākia e ia. William Colenso (Te Koroneho) William Colenso. Image: ATL 1/2-005028-F © Image copyright conditions Ka tae mai a William Colenso (Te Koroneho) (1811-1899) ki Pēwhairangi hei kaitā pukapuka mō te CMS i te marama o Tīhema 1834. Ko ētahi o āna pukapuka rongonui i tā ai, ko te Whakaputanga o te Rangatiratanga o Niu Tīreni (he mea tā i te tau 1836), te katoa o te Kawenata Hou i te reo Māori (1838), ngā whakapuakitanga a Te Hopihona me te Tiriti o Waitangi ki te reo Māori (ēnei katoa i te tau 1840). I reira tonu ia i te hainatanga o te 6 o Pēpuere, ā, i ngā tau i muri mai ka tāia e ia tāna pukapuka mō ngā mahi o ērā rā, ko te ingoa, The authentic and genuine history of the signing of the treaty of Waitangi (1890) . Ko te pukapuka pono rawa tēnei o ngā mahi o te hainatanga, i takea mai ai i āna tuhinga o aua rā. I noho hoki ia hei kaiwhakamāori i ētahi wā mō ngā āpiha, ā, ka tāia e ia ngā whakapuaki o te mana o te Kuini i te marama o Mei 1840. I tāia hoki e ia te kāheti kāwanatanga tuatahi rawa. Kua roa hoki ia e wawata ana kia tohia ia hei Minita, na, ka tohia hei rīkona i te tau 1844, i mua i tōna tononga atu ki Ahuriri. Engari ka raruraru tana haere i te tau 1852 i tana pūremu ki tētahi pononga wahine Māori i tōna kāinga, me te whānautanga mai o tā rāua pēpi. He tino waewae takahi whenua ia, he kaihuaota rongonui, ā, ka hou atu ia ki ngā mahi tōrangapū hei Mema mō Nepia. Ka ora tonu a Te Koroneho mō te hia tau, mate atu tōna reanga ka mahue ko ia anake. I te mutunga o ōna rā, i te tau 1894, ka tukua ia kia hoki mai anō ki te kāhui minita o te hāhi Mihingare. James Cowan James Cowan Image: ATL 0_1/1-018597 © Image copyright conditions I pakeke a James Cowan (1870-1943) ki Waikato, i runga i ngā whenua Māori i raupatutia. I roto tētahi wāhanga o te pae o te riri o Ōrākau i tō rātou pāmu ko tōna whānau. Koinei te pakanga ka puta i a Rewi Maniapoto tana kupu ki ngā hōia o Peretānia, “Ka whawhai tonu mātou, Ake! Ake! Ake!” Nā ōna wheako i tōna tamarikitanga a Cowan i ruruku ai ki ngā hītori o te koroni. I ngā tekau tau tōmua o ngā 1900, neke atu i te 30 ngā pukapuka, tae atu ki te hia rau tuhinga i tuhia e Cowan e pā ana ki te hītori o Niu Tīreni, te takenga mai o te Māori, tae atu ki ana tirohanga i ana haerenga. He whānui ōna mātauranga. I nui tōna awe ki te tirohanga o te taupori o Aotearoa ki tō rātou ake hītori. Ko ana tuhinga nui ko ana pukapuka New Zealand Wars: A History of Maori Campaigns and Pioneering Period (1922-23). Tatū rawa ki ngā tau tata kua taha, koia nei te hītori o ngā pakanga o Niu Tīreni i manakotia nuitia, ā, kei runga rawa atu tonu tōna tūranga. Ko tētahi mea nui o ana pukapuka, i rapuhia e Cowan ngā hītori ā-waha mai i te Māori me te Pākehā, kāpā i te taha Pākehā anake. Ka mate a Cowan i te tau 1943. T. S. Grace (Te Kerēhi) T. S. Grace Special Collections, Auckland City Libraries (NZ) 4-8122 © Image copyright conditions Nō te tau 1844 ka uru atu a Te Kerēhi (1815-1879) ki te Rōpū Hāhi Mihinare (CMS). Kāore i roa ka whakawahia ia hei rīkona. Nō te tau 1850 ka tau ia ki Aotearoa, ka tīmata i ana mahi mihinare i waenga i te Māori. Ka tīmata ana mahi ki Tūranga-nui-a-Kiwa. Kāore ia e rite ki ētahi atu mihinare arā, he hiahia nō rātou kia nunumi te Māori ki roto i te Pākehā. Ko tāna kē, he whakatenatena i ngā Māori kia tū motuhake i roto i ngā kaupapa ōhanga, me te pupuri ki ō rātou whenua. Kāore i rata ngā tāngata whai ki a ia me āna kōrero. I te tau 1855 ka whakatūria e Te Kerēhi tētahi mīhana ki Pūkawa i Taupō. Ka tuwhera tōna kura hei ako i ngā kaupapa ahumahi; ka whakatairanga ia ki te whakatū pāmu hipi, ka whakarite ia kia haria mai ētahi mīhini whatu kākahu i tāwāhi. I te tau 1856 ka rere ngā whakapae mōna, nāna i āwhina, i whakatū tonu rānei te Kīngitanga. Ka whakahē ia i ēnei kōrero; heoi, ka kawa ngā tāngata whai ki a ia i mua, kātahi ka kino rawa atu rātou. I te pakarutanga mai o te riri ki Waikato, ka whai atu ētahi o te iwi o Taupō i te Kīngitanga. Kātahi ka raruraru rawa atu te noho i tēnei rohe. I te tau 1863 ka whakaaro a Te Kerēhi he pai atu kia wehe i Pūkawa. Koinei ka tīmata tana haere i te motu ki te kauhau i te rongopai. Ka hipa te rua tau, ka mauherea rāua ko tētahi atu mihinare, a Te Wākana (C. S. Volkner) e ētahi Pai Mārire (Hauhau) i Ōpōtiki i Te Tai Rāwhiti. Ko te whakapae a ngā Hauhau, he hari kōrero nā Te Wākana ki te kāwanatanga. Ka whakamatea rā a Te Wākana; heoi, nā te mea he tūranga tō Te Kerēhi i roto i te ao Māori, kāore i pā he ringa ki a ia. Tatū rawa ki tōna matenga i te tau 1879, ka ngana a Te Kerēhi kia nui atu te wāhi ki te Māori i roto i ngā whakahaere a te hāhi. Ka tono ia kia whakatūria tētahi pīhopa Māori (kia hipa te 50 tau kātahi anō ka tutuki tēnei), tētahi kura ki te ako i ngā kaiārahi Māori mō te ao hou i ngā mahi a te tangata me ngā mahi a te hāhi. Bishop Octavius Hadfield (Te Harawira) Bishop Octavius Hadfield Image: ATL PAColl-6348-44 © Image copyright conditions I whānau mai a Te Harawira i te takiwā o te tau 1814. Nō te tau 1837 ka kuhu atu ia ki te Rōpū Hāhi Mihinare (CMS). I te tau whai muri, ko ia te minita tuatahi kia whakawahia ki Aotearoa. Ka ako a Te Harawira i te reo Māori i te wā e mahi ana ia ki Waimate i te Raki. I te tau 1839, ko ia te mihinare a CMS ki te rohe o Kapiti. Kia tae ki te tōmuringa o te tau 1841, e 7000 pea te nui o ngā Māori kei raro i tōna minitatanga kei ngā taha e rua o Te Moana o Raukawa, ka mutu, 18 ngā teihana. Ka noho ko ia tonu ki te whakatau riri i waenganui i ngā Māori; nā tēnei, ka teitei tōna tūranga i roto i te rahi o te tangata. I tautokona ana mahi e Te Rauparaha , heoi, kore rawa te tipua rā mō te hāhi Karaitiana. Ka kake haere te rahi o ngā tāngata whai, ā, ka piki haere ngā tohenga hei whakatikatika mā Te Harawira. Nā te raruraru i Te Wairau i te tau 1843, tāpiri atu ki ana mahi tohutohu i a Kāwana Pitiroi , ka taumaha rawa atu ōna kawenga. He rite tonu te haere atu a Hōri Kerei, te kāwana whai i a Pitiroi, ki te whai i ōna whakaaro mō ētahi take. He nui ngā kōrero whai take i tukua e ia e pā ana ki te whenua Māori me te iwi; ko tāna i whakahau ai, kia tika ngā hokonga whenua, kia mārama hoki te katoa ki ngā nekeneke. Ka wawata ia mō tētahi kotahitanga o te iwi Māori me te iwi Pākehā, i runga i te aronga pai, tētahi ki tētahi, me te rite o ngā tika a tēnā, a tēnā, a tēnā. Taihoa ā, ka whiua te kōrero mō Te Harawira he “minita tōrangapū”, mō tana whakahau i te Māori kia pōti. Ka tino riri ngā tāngata whai ki a ia mō tana tautoko i a Wiremu Kīngi Te Rangitāke , rangatira o Taranaki i whakahē rā kia hokona te whenua. Ahakoa tana whakarongo ki ngā tohutohu a Te Harawira, tē whāia e Thomas Browne , te Kāwana i taua wā. Ka ngana a Browne kia haere tonu ngā hokonga whenua i Waitara, me te aha, ka mura mai ngā ahi o te riri ki Taranaki. Ka tukua tikahia e Te Harawira tana kupu whakahē tūmatanui ki te Hēkeretari o ngā Koroni, te Tiuka o Newcastle; hei tāna he mahi kino tēnei i mahia ki ngā iwi Māori o Taranaki. Ka whakapae ētahi Pākehā, nā te kaikaiwaiū ēnei mahi a Te Harawira. Kia ahatia, ka mau tonu a Te Harawira ki tāna. I te tau 1870 ka eke ia hei Pīhopa mō Te Whanga-nui-a-Tara. I te tau 1890 ka pōtitia ia hei pīhopa matua tuatoru o te Hāhi Mihinare ki Aotearoa. Ka noho tonu ia ki tēnei tūranga ā rihaina noa ia i te tau 1893. Nō te tau 1904 ka mate ia. Samuel Marsden (Te Mātenga) Samuel Marsden. Image: ATL G-620 © Image copyright conditions Ko te minita nei a Samuel Marsden (Te Mātenga) (1765-1838), te Tiaparani mō New South Wales, nāna i ārahi ngā mahi whakatū teihana mihingare i Aotearoa i ngā tau tuatahi o te rau tau tekau mā iwa. I whānau ia i Ingarangi, ā, ko tonoa mai ia ki New South Wales. He mema ia nō te Church Missionary Society (CMS). Nā tā rātou mahi ko ana mihingare ka piki te whakapono o ngā rangatira Māori ki te hāhi, i tukua ai te Karauna o Ingarangi kia whakatū i ana āpiha ki roto o Aotearoa. I puta i a Te Mātenga ana whakahē ki ngā mana o Ingarangi mō ngā hoko mokomōkai Māori, mō te urunga o Ingarangi ki ngā whawhai a ngā iwi, me te noho ture kore o Kororāreka. Nā Te Mātenga tonu ētahi o ngā amuamu ki te Kāwana o New South Wales, i tahuri ai ia ki te whakatū Rēreneti o Ingarangi i Aotearoa, hei whakaara i te mana o te ture i ngā kāinga Ingarihi i noho ture kore rā. Koirā pea tētahi o ngā mahi i tahuri ai a Ingarangi i roto i ngā tau ki te whakawhānui i tōna mana ki runga o Aotearoa. Bishop J. B. F. Pompallier (Pīhopa Pomaparie) Bishop J. B. F. Pompallier Image: Special Collections, Auckland City Libraries (NZ). A4017 © Image copyright conditions I whānau mai a Pīhopa Pomaparie ki Lyons i Wīwī i te tau 1801. Ka whakawahia ia hei Pīhopa mō te Uru o Te Moana-nui-a-Kiwa (tae rawa ki Aotearoa) i te tau 1836. Ka tau ia ki Aotearoa i te tau 1838. Kia tae ki te pokapū o te tekau tau atu i 1840, kua whakatūria e ia ētahi mīhana Katorika. E ai ki ngā mīhana Wīwī, tatū ki te 1843, e 45,000 ngā Māori kua kuhu ki te hāhi Katorika. Mōrearea te noho o ngā mīhana Wīwī ki Aotearoa. Kāore i te pai te āhua i waenganui i a Peretānia me Wīwī; weriweri hoki te āhua o ngā tāngata whai o Peretānia ki a rātou; kua piki haere hoki te kaha o te Rōpū Hāhi Mihinare. Tāpae atu ki tēnei raruraru ko te tawhiti, te kore rawa, ngā whakararu mai o ngā pakanga. Ka hinga te nuinga o ngā mīhana Wīwī – hāunga anō te raki, i tau te hāhi Katorika ki reira. Pukuaroha a Pomaparie ki ngā āwangawanga o te iwi Māori. Me kī, he tangata ia i mārama ki ngā tikanga a te Māori. I Waitangi ia i te hainatanga o te Tiriti i te 6 o Pēpuere 1840. I reira ka tono ia ki a Rūtene Kāwana Hopihona kia tiakina te whakapono Katorika. Kīia ai tēnei oati e ētahi, ko te “ritenga tuawhā”, te ritenga tē tuhia, o te Tiriti. E mea ana te kōrero, koinei te ritenga manaaki i ngā whakapono nui o te Pākehā, tae rawa ki ngā tikanga a te Māori. Pīhopa G. A. Selwyn (Te Herewini) Bishop G. A. Selwyn Image: ATL PUBL-0148-front © Image copyright conditions I whakaakongia a Te Herewini (1809-1878) ki te whare wānanga o Cambridge, i reira eke ai tana tohu paerua i ngā kaupapa onamata. Nō te tau 1833 i whakawahia ai ia hei rīkona. I te tau 1841 ka whakatūria ia hei Pīhopa o Aotearoa, ā, nō te tau i muri mai ka tau ia ki Aotearoa. Ka ako a Te Herewini i te reo Māori, ka huri haere ia ki ngā kāinga tawhiti kauhau ai. Tū kaha ia mō te Tiriti o Waitangi me ngā tika a te Māori, ka arohae ia i te koronga mutunga kore o ngā tāngata whai ki ngā whenua o te Māori. Whai anō ka kino ngā tāngata whai ki a ia, ko tā rātou i whakapae, kāore ia i te pūmau ki te Karauna. Hāunga tērā, nā tana whai wāhi ki te huakitanga o te Waikato – hei minita mō te ope taua hōia o Tianara Cameron – ka heke tōna tūranga me te tūranga o te hāhi i te tirohanga a te Māori. Ka hoki ia ki Ingarangi i te tau 1868.  Richard Taylor Richard Taylor Image: ATL 1/2-008075-F © Image copyright conditions I te tau 1829 ka whakawahia a Te Teira (1805-1873) hei pirihi o te Hāhi Mihinare. Nō muri ka tohungia ia hei mihinare mō te Rōpū Hāhi Mihinare (CMS). Kia tae ki te tau 1839 kua tau ia ki Pēwhairangi. I te marama o Hānuere i te tau 1840 ka riro mai i a ia he whenua rahi i te hiku o te ika – tae atu ki Te Reinga, ki Kapowairua – mai i te rangatira a Nōpera Panakareao. Te āhua nei i te ngana a Te Teira kia wehea mai tētahi whenua motuhake mō te iwi o Te Aupōuri; whakahēngia ai ia e te hunga kāore i te tino mārama he aha ana whāinga. Ka whai wāhi a Te Teira ki ngā kōrerorero mō te Tiriti i Waitangi i te Pēpuere 1840, i reira hoki ia i ngā hainatanga i Te Hokianga, i Kaitāia. I te tau 1843 ka tonoa ia ki Wanganui. He nui rawa atu tōna rohe, tae rawa atu ki Taupō i te tuawhenua. Ka pau te wā ki a ia ki te takahi i ngā muka o tōna rohe ki te kauhau i te Rongopai me te whakatau i te rangimārie i waenganui i ngā Māori tētahi ki tētahi, i waenganui hoki i ngā Māori me ngā tāngata whai. Kāore i tino pai tōna reo Māori, heoi, nui tōna tūranga i waenganui i ngā iwi. Kia tae ki te tōmuatanga o te tekau tau atu i 1850, e rua hautoru pea o ngā Māori i tōna rohe kua iriiria hei Karaitiana; he maha ngā whare karakia i hangā. Ka whakatenatena ia kia tū tonu ngā tikanga a te Māori e pā ana ki te ture, kia tipu te Māori i āna anō kai, kia whakatūria e te Māori ōna mira wīti, aha atu. Piri tata a Te Teira ki a Kāwana Kerei me ētahi atu pērā i a Te Mākarini rāua ko Rutene-Kāwana Eyre . Ka kuhu ia ki ngā mahi kei waho i te hāhi, pērā i te hoko whenua Māori me te tono hōia ki Wanganui i te tau 1845. Nā te tukituki o ōna tūranga kaihāpai i te Rongopai, takawaenga, kaitohutohu kāwanatanga, ka iti haere tōna mana i te ao Māori. Ka kimi huarahi ia mō ngā raruraru i Taranaki; hauwarea. Whāia, ka tukua e ia ngā whakahaere o tōna mīhana i Wanganui ki tana tama a Basil.  Edward Wakefield Edward Gibbon Wakefield. Image: ATL A-042-023 © Image copyright conditions   He tangata atamai, he tangata wairua taurangi, nā Edward Gibbon Wakefield (1796-1862) i hua ngā tikanga mō te whakanohonoho i te tini o te tangata tauhou mai i Ingarangi ki Aotearoa. He tangata i whai wāhi nui tonu i roto i ngā mahi whakanohonoho i ngā whenua hou o Ahitereiria ki te Tonga, me Kānata. Ka toko ake ōna whakaaro mō ngā tikanga whakanohonoho whenua hou i a ia i te Whare Herehere o Newgate. Ko tana hara he kāwhaki, he mārena hoki i tētahi puhi whai rawa nei. Ahakoa i manene tonu tana noho i ngā huinga rangatira o Ingarangi, arā anō ōna hoa whai mana. I te tekau tau mai i 1830, ka whakatūria e ia te Kamupene o Niu Tīreni, he kamupene arumoni, i whakatūria hei whakataki i te whakanohonga iwi ki Aotearoa (otirā kia puta ai he hua mō te hunga haumi moni). I haere mai tana teina a William ki Aotearoa hei kaihoko whenua mō te Kamupene i te mutunga o te tau 1839. I oti ana hoko o ngā whenua nui i te hautoru waenga o Aotearoa i mua tata atu i te terenga mai o ngā kaiwhakanoho whenua i tonoa mai ai kia nohonoho whenua hou i Pōneke. Nā te Kamupene anō i whakatū ngā tāone o Niu Pāremata, o Nelson me Whanganui, ā, i whai wāhi a Wakefield ki te mahi whakanoho whenua ki Ōtautahi me Ōtākou. Ahakoa rā, i whakakāhoretia te nuinga o aua hoko whenua i te wherawheratanga e ngā mana o te koroni. Nō te tukunga o te mana kāwanatanga ki te Whare Pāremata o ngā kaiwhakanoho e te Kāwanatanga o Ingarangi, i te tau 1852, ka uia a Wakefield mō ōna whakaaro mō te tuhinga kaupapa taketake mō te whenua o Aotearoa. I taua tau anō i haere mai ia ki Pōneke, ka pōtitia hei mema pāremata mō te Awakairangi. Nāna tētahi wāhi nui o te mahi whakatū kāwanatanga manapori mō Aotearoa, i te mea nāna i whakahau kia riro tētahi wāhi o te Kāwanatanga i te hunga kua pōtitia, kaua mā ngā māngai o te Kāwana anake e whakahaere.  Henry Williams Henry Williams. Image: ATL 1/2-052461-F © Image copyright conditions   Ko Henry Williams (Te Karuwhā) (1792-1864) tētahi rūtene nō te Roera Nawi i mua, i tae ki te mura o te ahi i te Riri o Naporiono. Kua huri ia hei minita mō te hāhi Mihingare, ā, i te tau 1823 ka tohua ko ia hei tumuaki mō te mīhana CMS ki Aotearoa. He tangata whai mana ki te whakarongo atu, ā, i raro i ana whakahau, ka tīmata te piri a te hia mano o te iwi Māori ki te hāhi, ā, ka toro te whakapono ki te nuinga o Te Ika a Māui. Kia tae ki ngā tau whakamutunga o ngā 1830, i pēnei te nuinga o ngā mihingare me tāpiri a Aoteaora hei taiwhenua mō Ingarangi, me pēnei anake ka taea te iwi Māori te tiaki i ngā Pākehā ture kore nei. I te tautoko hoki ngā mihingare i ngā whakaritenga ārai atu i ngā hoko tinihanga, pēnei i te aukati i te hokonga whenua e te tangata takitahi, me te wherawheratanga o ngā hoko kua oti kē. I te 4 o Pēpuere 1840, ka tae mai te tono ki a Te Karuwhā rāua ko tana tama, a Eruera, kia noho rāua ki te whakamāori i te reo, reo tohunga nei, o te tuhinga tuatahi o te Tiriti nā Te Hopihona rāua ko Te Pūhipi i whakatakoto, ka mutu, kia oti tēnei i roto i te pō kotahi. I riro anō nā Te Karuwhā tētahi wāhi nui o te mahi whakamārama i te Tiriti ki ngā rangatira i tūtaki ki a Te Hopihona i Waitangi i te 5 o Pēpuere 1840. I muri i amio haere i te tonga o Te Ika a Māui me ngā Tini Moutere o Arapawa ki te kimi hainatanga. Kāore e kore nā tōna mana nui ka kawea te ngākau o te tini rangatira kia haina rātou. I kupu kinotia ia i muri i te weranga o Kororāreka i te tau 1845, ā, ka whakakinongia hoki ia mō ngā whenua i riro i a ia. I muri i te tau 1845, ka werohia a Te Karuwhā e Kāwana Hori Kerei mō tana taitara ki ngā whenua kua hokona e ia i te takiwā o Paihia, ahakoa kua oti aua hoko te wherawhera, te whakamana hoki. Ka noho tēnei hei take whakamā mō te hāhi, ā, ka whakahekea ia i tōna tūranga hei tumuaki mō te mīhana o te CMS. I muri ka whakahokia anō ia ki tōna tūranga. Ka eke hei Ātirīkona mō Te Waimate, ā, ka noho ia ki taua tūranga, ā, mate noa. Kimi KIMI MĀRIRE Kāore e arohia ngā tohutō i roto i ngā mahi kimi. NGĀ HONO E HĀNGAI ANA • Tāngata Ingoa Nui • Te Puni Kokiri • Archives New Zealand Ngā Kaiwhakanoho me ngā Mihingare Clarke, George Colenso, William Cowan, James Grace, T. S. Hadfield, Octavius Marsden, Samuel Pompallier, J. B. F. Selwyn, G. A. Taylor, Richard Wakefield, Edward Williams, Henry Ngā Kaihautū Māori 1840-1900 Carroll, James Heke Pokai, Hone Wiremu (Hone Heke) Kahutia, Riperata Kaihau, Henare Kawiti, Te Ruki Mangakahia, Hamiora Mangakahia, Meri Te Tai Maniapoto, Rewi Manga Matua, Henare Nene, Tamati Waka Ngapua, Hone Heke Ngatata, Wiremu Tako Niniwa-i-te-rangi Nireaha Tamaki Ormsby, John Parata, Wiremu Te Kakakura Pere, Wiremu Pomare II Taiaroa, Hori Kerei Taiwhanga, Hirini Rawiri Takamoana, Karaitiana Taonui, Aperahama Taraia Ngakuti Te Tumuhuia Tawhai, Hone Mohi Tawhiao, Tukaroto Matutaera Potatau Te Hapuku Te Heuheu Tukino III , Iwikau Te Heuheu Tukino IV, Horonuku Te Kawau, Apihai Te Kooti Arikirangi Te Turuki Te Pahi Te Rangihiwinui, Te Keepa Te Rangi-puawhe, Te Keepa Te Rangitake, Wiremu Kingi Te Rauparaha Te Waharoa, Wiremu Tamihana Tarapipipi Te Wheoro, Wiremu Te Morehu Maipapa Te Wherowhero, Potatau Te Whiti-o-Rongomai III, Erueti Te Whiwhi, Henare Matene Tiramorehu, Matiaha Titokowaru, Riwha Tohu Kakahi Tomoana, Henare Topeora, Rangi Kuini Wikitoria Tuhaere, Paora Wahanui Huatare Wahawaha, Rapata Ngā Kaihautū Māori 1900-1975 Balneavis, Henare Te Raumoa Huatahi Buck, Peter Henry Carroll, Heni Materoa Carroll, Turi Cooper, Dame Whina Henare, James Clendon Tau Herangi, Te Kirihaehae Te Puea Kenana, Rua Koroki Te Rata Mahuta Tawhiao Potatau Te Wherowhero Mahuta Tawhiao Potatau Te Wherowhero Mawhete, Rangiputangatahi Mitchell, Henry Taiporutu Te Mapu-o-te-rangi Ngata, Apirana Turupa Paikea, Paraire Karaka Pomare, Maui Wiremu Piti Naera Rata, Matiu Ratana, Tahupotiki Wiremu Rickard, Eva Te Heuheu Tukino VI, Hoani Tirikatene, Eruera Tihema Te Aika Ngā Kāwana Browne, Thomas FitzRoy, Robert Gipps, George Grey, George Hobson, William Ngā Kaitōrangapū, Ngā Tiāti, me ngā Āpiha Ballance, John Bell, F. D. Bryce, John Buick, T. L. Bunbury, Thomas Busby, James Coates, Joseph Gordon Eyre, E. J. Fenton, F. D. FitzGerald, J. E. Fox, William Fraser, Peter Glenelg, Charles Grant Grey, Henry George (Earl) Gorst, John Hanan, Josiah Ralph Herries, William Herbert Hunn, Jack Kent Kirk, Norman Eric Lewis, T. W. Mair, Gilbert Maning, F. E. Mantell, Walter Martin, William McLean, Donald Nash, Walter Normanby, Constantine Henry Phipps Prendergast, James Rees, W. L. Richmond, J. C. Rusden, G. W. Russell, H. R. Savage, Michael Joseph Seddon, Richard Sewell, Henry Sheehan, John Spain, William Stephen, James Stout, Robert Vogel,Julius Weld, Frederick Whitaker, Frederick © 2005 - 2006. Kāinga | Pānuitia te Tiriti | Wātaka | Orokohanga | Rauemi | Whakataunga Tiriti |  Ngā Take | Mahere Pae Reo Pākehā | Tāngata Ingoa Nui | Kupu Ake | He Mapi | Rerenga | Ngā FAQ | Whakāmarama Me mātua whakaae te rangatira me te kaipupuri manatārua i mua i te whakamahinga anō o ētahi whakaahua o te pae tukutuku nei. Me mātua whakaae te Whare Pukapuka o Alexander Turnbull, Te Puna Mātauranga o Aotearoa, i mua i te whakamahinga anō o ā rātou whakaahua. Kia kitea ai te roanga atu o ngā kōrero mō ngā whakaahua a ATL, whakatakotoria te kiore ki runga ake i ngā whakaahua.