Orokohanga o Tiriti o Waitangi - Te wahanga tuatahi o te rautau rua tekau Kāinga Pānuitia te Tiriti Wātaka Orokohanga Raumei Whakataunga Tiriti Ngā Take Mahere Pae Reo Pākehā   Tāngata Ingoa Nui Kupu Ake He Mapi Rerenga Ngā FAQ Whakamārama KEI TĒNEI WĀHANGA Kōrero Poto Kupu Whakataki A Aotearoa i ngā tau o ngā 1830 Te hanganga o ngā kaupapa-here a Ingarangi Te Whakaputanga o te Rangatiratanga o Nu Tīreni (1835) Ngā tau i mua tata atu i te Tiriti Ngā kaupapa-here a Ingarangi me te Tiriti Te Hainatanga o te Tiriti Ngā kōrero ake o te Tiriti Ngā rerekētanga i ngā tauira e rua o te Tiriti Ngā take i haina ai ētahi, i kore ai ētahi e haina Ngā mahi whakaoti Nga Kaupapa-Here Tōmua A Te Karauna Te Paheke atu ki te Pakanga Te Kōti Whenua Māori Ngā Kaupapa-Here "Whakakotahi" me ngā Urupare a te Māori Te Wāhanga Tuatahi o te Rautau Rua Tekau Ka Tipu Haere te aro ki te Tiriti Te Neke ki ngā Tāone me te Tīmatanga Hou Ngā Taukumekume mō te Tiriti English version of this page Ko Te HĪtori o Te Tiriti Te wĀhanga tuatahi o te rautau rua tekau I te ekenga o te rautau, kua raru tonu te āhua o te noho a te tokomaha o te iwi Māori. I puta tūmanatanui anō i te Pirimia, i a Richard Seddon , tana mānukanuka kei noho te tokomaha o te iwi Māori whenua kore hei “pīkaunga nui mā te Motu”. He mea whakatū ngā Kaunihera Māori i te tau 1900 hei tirotiro me pēhea e riro ai mā te Māori anō a ia e whakahaere, hei whakapai ake i te hauora Māori. He ngarangara noa te moni i tohua mā rātou, he iti anō tō rātou mana hei whakatutuki i ngā mahi inati tonu kei mua i a rātou. Ka takahē ētahi i roto i ngā tau torutoru, engari ko ētahi i oke ururoa tonu. Ngā kaiārahi hou E ara ake ana he whakatupuranga kaiārahi Māori hou i tēnei wā, me tā rātou whai kia toitū tonu ngā tikanga Māori mā roto tonu i te hāpai i te ao hou. Tērā te Young Māori Party, he kāhui i eke ki ngā taumata mātauranga, he mōhio ki te tārai kōrero, pakari ana tērā tā rātou tū i ngā ao e rua. He wāhi nui tōna i roto i ngā mahi whakaora ake i te iwi Māori. Ko te ara riuroa tā rātou i takahi ai, kaua ngā ara e tū mana motuhake ai te iwi Māori pērā i ērā i takahē i ngā tau o ngā 1890. Ko Timi Kara o Ngāti Kahungunu te Māori tuatahi kia whakatūria ki tētahi tūru whānui (tūru Pākehā) i te Whare Pāremata (i te tau 1893), te Māori tuatahi kia whakatūria hei Minita mō ngā Take Māori (i te tau 1899), ā, hei Pirīmia Rangitahi (mō tētahi wā poto i te tau 1909 me te 1911). Ko tana tino whakapono, ka pai noa te tū a te Māori i te ao Pākehā ki te tautokona anō rātou. Ahakoa kāore a Kara i whai wāhi tika atu ki te Young Māori Party, koia tonu pea te mātārere. He kākano rua hoki a Kara, ā, i whakaataria tēnei i roto i ōna whakaaro. Ko tana tino whakapono, ka pai noa te tū a te Māori i te ao Pākehā ki te tautokona anō rātou. Ko tana tū hei kaitōrangapū i te Rōpū Liberal e whakatauira ana i tēnei whakapono ōna. I roto a Māui Pōmare rāua ko Te Rangihīroa i te Young Māori Party, ā, hei whakamaunga atu mā rāua a Timi Kara. I ngā tau tuatahi o ngā 1900 me kore ake rāua i pai ake ai te hauora Māori me te āhua o ngā whare e nohoia ana e te Māori. Tērā anō a Āpirana Ngata , te mema pāremata mō Te Tai Rāwhiti mai i te 1905 ki te 1943 (ko ia anō te Māori tuatahi kia whiwhi tohu mātauranga i tētahi whare wānanga o Aotearoa) i whakawhiwhia ki tana tohu kaiaka mō ana whakapaunga kaha tautini ki te whakapai ake i te noho a te iwi Māori ki te porihanga whānui o Aotearoa.   Mai i ngā 1920, ka whakaritea e Ngata, me te tautoko mai anō a te Minita Māori, a Gordon Coates, ētahi kaupapa hei ahuahu i ngā whenua Māori kia tū hei pāmu. Nōna ka tū hei Minita Māori, ka whakatakina e ia ngā kaupapa ahuwhenua Maōri rahi tonu. Arā ētahi pūtea kāwanatanga hei āwhina i ēnei tūmomo kaupapa whakapakari i te iwi Māori, hei whakatatū hoki i ngā kerēme mō Taupō-nui-a-Tia me ngā roto o Rotorua.    Te rongoā i ngā nawe: ngā 1920 ki ngā 1940  I te tau 1921 ka tautokona e tētahi Komihana Take Whenua Māori ngā whakahē a Ngāi Tahu mō ā rātou kerēme whenua. I tētahi atu uiuinga (te Komihana a Sim) i te tau 1927, ka tirohia ngā nawe o ngā iwi i raupatutia ō rātou whenua i muri i ngā pakanga o ngā 1960; i kitea hoki he take tonu tā ētahi. Engari nō ngā tau rawa o ngā 1940 i whakaritea ai he whakataunga mō ēnei take e rua, arā, he utu ā-tau ka utua ki ngā poari kaitiaki o ētahi iwi, ka mutu, kāore i pērā rawa te nui o te utu. Kāore ngā iwi i whakaae kua ea tūturu ā rātou kerēme i ēnei whakataunga. Nō muri ka whakaaetia kāore i rawaka ēnei whakataunga mō te wāhi ki ngā iwi i whiwhi, me te nui anō o te moni i whakaritea. Kāore ngā iwi i whakaae kua ea tūturu ā rātou kerēme i ēnei whakataunga. Heoi, mā te aha anō i te tahuri ki te whakapai ake i ngā ngarangara whenua e puritia tonutia ana e te Māori, me te utu moni paremata (i ētahi wā) i ngā wāhi i whakaae te Karauna i hē te āhua o tana tango i ngā whenua me ētahi atu rawa. Ko te whakaaro pea o ētahi, tērā tonu ka pai ake te haere kōtui ki ngā māngai o te Karauna i ngā ra kei te heke iho. Tēnā kia pere te titiro ki Waikato, te rohe i ārahina ai e Te Puea Hērangi te kaupapa whakahē i te urunga atu o te Māori ki te Pakanga Tuatahi o te Ao. I reira anō ka pai ake ngā hononga ki te Karauna. Ka whakaae te kāwanatanga ki te tirotiro i ngā take tautini o Waikato- Tainui mō te huakanga me te raupatutanga o ō rātou whenua i ngā 1860. Nā Te Puea, me te tautoko mai a Āpirana Ngata, ka whakapūmautia te tūāpapa o te Kīngitanga ki Ngāruawāhia. Me kore ake a Te Puea i whakatāiritia ai te kaupapa o te Kīngitanga hei aronga mā te motu whānui. Kimi KIMI MĀRIRE Kāore e arohia ngā tohutō i roto i ngā mahi kimi. Kia ngāwari, kia horo ai te pānui Haere ki te hītori poto   NGĀ HONO E HĀNGAI ANA • Tāngata Ingoa Nui • Te Puni Kokiri • Archives New Zealand Te Kaunihera Māori o Aotea, i te takiwā o te tau 1910.  Image: ATL 1/1-003126 © Image copyright conditions Ko Māui Wiremu Pōmare, he ākonga kei Battle Creek College i Michigan, i Amerika, i te tau 1899.  Image: ATL 1/1-012109-G © Image copyright conditions Ko Peter Henry Buck, arā, te Rangihīroa, i ōna kākahu whare wānanga, i te takiwā o te tau 1904.  Image: ATL 1/2-037931-F © Image copyright conditions   Ko ngā mema o te Native Affairs Committee i te Rūma mō ngā Take Māori i te Whare Pāremata, i te Whanga-nui-a-Tara, 1922. Image: ATL F-56429-1/2 © Image copyright conditions © 2005 - 2006. Kāinga | Pānuitia te Tiriti | Wātaka | Orokohanga | Rauemi | Whakataunga Tiriti |  Ngā Take | Mahere Pae Reo Pākehā | Tāngata Ingoa Nui | Kupu Ake | He Mapi | Rerenga | Ngā FAQ | Whakāmarama Me mātua whakaae te rangatira me te kaipupuri manatārua i mua i te whakamahinga anō o ētahi whakaahua o te pae tukutuku nei. Me mātua whakaae te Whare Pukapuka o Alexander Turnbull, Te Puna Mātauranga o Aotearoa, i mua i te whakamahinga anō o ā rātou whakaahua. Kia kitea ai te roanga atu o ngā kōrero mō ngā whakaahua a ATL, whakatakotoria te kiore ki runga ake i ngā whakaahua.