Wātaka - He Wātaka Whānui 1800-1849 Kāinga Pānuitia te Tiriti Wātaka Orokohanga Raumei Whakataunga Tiriti Ngā Take Mahere Pae Reo Pākehā   Tāngata Ingoa Nui Kupu Ake He Mapi Rerenga Ngā FAQ Whakamārama Kei tĒnei wĀhanga Kupu Whakataki Tauira Flash Ngā Āhuatanga i Pā - Te Tiriti 1800 - 1849 1850 - 1899 1900 - 1949 1950 - Ngā Āhuatanga i Pā - Aotearoa Whānui 1800 - 1849 1850 - 1899 1900 - 1949 1950 - English version of this page WĀtaka HE WĀTAKA WHĀNUI 1800-1849 Te taenga mai a te MĀori He whakaahua o te pakiwaitara mō te hekenga mai a te Māori, e whakaatu ana i Hawaiki, te wā kāinga taketake ake o te Māori. Image: ATL PUBL-0088-095 © Image copyright conditions I te hekenga nui a te Māori i Poronihia, ka takahia te nuku o Te Moana-nui-a-Kiwa kia tae mai rātou ki Aotearoa nei. Kāore i roa i muri i te ūnga mai, kua marara haere ki ōna tōpito o te motu. Ko Hawaiki te wā kāinga taketake o te Māori i roto i ngā kōrero tuku iho, engari kāore i te āta mōhiotia kei hea ake tēnei kāinga. E ai ki ngā kōrero, nā te wahine a Kupe (ko Kupe tētahi o ngā kaitoro tuatahi i tēnei whenua), nā Hineteaparangi i tapa te motu nei ko Aotearoa. Heoi anō, ki tā ētahi karu hītori, nō te takiwā o te tau 1840 i ara ake ai tēnei ingoa, kāore i mua atu. 1642 Abel Tasman Abel Tasman. Image: ATL A-044-006 © Image copyright conditions I te 18-19 Tīhema 1642, i a ia e rapu haere ana i te whenua rahi ki te tonga, ka ū mai tētahi kaipōkai moana Tatimana ko Abel Tasman te ingoa ki Te Tai Tapu. Whakatangihia ana e te iwi kāinga te pū tohu riri, ehara, whakautua ana e ngā pū tuku oro a Tasman. Ka whakaekea e ētahi o ngā Māori te kaipuke o Tasman, i muri mai ka pakō ko ngā pū tuku matā a Tasman. Kātahi ka whakarerea e Tasman te whanga nei, me te tapa ki te ingoa te Whanga Kaikōhuru. 1769 KĀpene Kuki Kāpene Hēmi Kuki. Image: ATL C-051-015 © Image copyright conditions I rere tuatahi mai a Kāpene Hēmi Kuki mā runga i te HMS Endeavour. Ka kite ia i Te Tai Rāwhiti i Tūranga-nui-a-Kiwa, ka ū ki uta i Tūranganui i te 9 Oketopa 1769. He aha rā, ka pōhēhē ana heramana he kakari kei te haere, ka pupuhi i ētahi o ngā Māori. Nō te 10 Oketopa ka whakarārea e Kāpene Kuki a Tūranganui, engari ka haumiri tonu i te Te Tai Rāwhiti, he rapu kai, he rapu ō te kaupapa. Kāore ia i āta taunaha i Aotearoa mā Peretānia Nui Tonu i runga i te tikanga ‘kitenga tuatahi’. Mēnā i pērātia, i raro i ngā ture o te ao i ērā wā, kua riro tonu atu i te Karauna o Ingarangi te mana o te whenua. 1827 NgĀ teihana tohorĀ tuatahi He kaipatu tohorā i Kaikōura. Image: ATL 1/2-026954-F © Image copyright conditions Mai i te tau 1791 kua noho ko te whaiwhai tohorā tētahi tino umanga i ngā moana o Aotearoa. Engari kāore i whakatūria he teihana patu tohorā ki uta kia tae rawa ki te tau 1827. Mai i te Āperira ki te Oketopa i ia tau, ka noho ngā puni nei hei wāhi e tangohia ai te wā me ngā wheua o te tohorā. Ko ngā kaihokohoko o Ahitereiria ngā taituarā taha moni o te nuinga o ngā teihana nei. Nō te ekenga o ngā 1830, kua tū mai ngā teihana e 30 pea, ko te nuinga i Te Tairāwhiti me te pito whaka-te-tonga o Te Waipounamu. He rerekē te rahi o tēnā o tēnā. Arā tētahi, ko tā Weller, i Ōtākou, e 80 rawa ōna whare i tētahi wā, 120 ngā kaimahi. Ka mutu, ko tētahi hauwhā o ngā tāngata nei, he Māori. I ērā wā ka noho ngā kaipatu tohorā Pākehā hei manuhiri mā te iwi kāinga, ā, ka moe wahine Māori hoki ētahi. 1834 Te haki tuatahi o Aotearoa Ētahi Māori tokorua mau pū, i raro i te pouhaki me te Haki Mā, ca 1834. Image: ATL MS-1550-120 © Image copyright conditions Tērā tētahi kaipuke i hangaia i Aotearoa, ko te Sir George Murray te ingoa. I te tau 1830, ka mauheretia te kaipuke nei e te Tari Taupare i Poihākena. Ko tōna hara, ko te tere haere me te kore haki, te kore rēhita rānei. He takahi hoki tēnei i ngā ture reremoana o Ingarangi. I te mea kāore anō a Aotearoa kia riro hei koroni nā Ingarangi, kāore i whakaaetia kia whakairia te haki o Ingarangi. Engari ki te rere kore haki tonu, ka mauheretia ngā kaipuke hokohoko, tae atu ki ngā utanga uara nui o runga. I te 20 Maehe 1834, ka hui tahi a Busby (Te Pūhipi) ki ētahi rangatira o Te Tai Tokerau me ētahi āpiha taua moana o Ingarangi – e 25 pea tō rātou tokomaha. Ko te kaupapa, he whiriwhiri i tētahi haki mō runga i ngā kaipuke o Aotearoa. Kua maha haere hoki ngā kaipuke o Aotearoa i ērā wā. E toru ngā hoahoa i tāpaea e Te Pūhipi rāua ko te mihingare CMS, a Henry Williams (Te Karuwhā) ki te aroaro o te hui. Ko te mea i pīrangitia e te nuinga, ko tētahi e whakamahia kētia ana e te Church Missionary Society. Ka ono tau te haki nei e pīwari ana hei tohu mō Aotearoa, tae noa ki te hainatanga o te Tiriti i te tau 1840. 1839 Te nŪpepa tuatahi Samuel Revans, ca 1860. Image: ATL 1/2-038720-F © Image copyright conditions Tērā tētahi tangata matatau tonu ki ngā mahi tā pukapuka ko Samuel Revans te ingoa, e mahi ana mā te Kamupene o Niu Tīreni i Rānana. Nōna ka whakatau ki te neke mai ki Pōneke noho ai, ka tono pūtea taurewa ia i ngā kaihokohoko ko rātou ngā taituarā o te Kamupene, kia pai ai tana hoko i ngā taputapu me ērā atu pānga e hiahiatia hei whakatū wharetā. I puta te putanga tuatahi o tana nūpepa, te New Zealand Gazette (i te Akuhata 1839) i te tari o te Kamupene i Rānana, i mua i te rerenga mai o ngā kaipuke tuatahi o te Kamupene ki Petone. Nō te tau 1844 i kati ai tana pakihi tā. 1840-41 Ka riro a Aotearoa hei koroni tŪturu Te Whare Kāwanatanga, i Tāmaki-makau-rau, i ngā 1840. Image: ATL E-216-f-015 © Image copyright conditions Nō te 16 Noema 1840 ka tāia ngā Kupu Whakamana e kī ana kua tū a Aotearoa hei koroni motuhake, kua kore i noho tonu ki raro i te maru o Poihākena. Nō te 24 Noema i pānuitia ai tēnei āhua hou. Engari i te mea ko te kaipuke anake te manu kawe i ngā karere katoa i ērā wā, nō te 30 Āperira 1841 ka pā te rongo ki a Hopihana. Taka mai ki tērā wā, kua noho tonu ia hei Rūtene-Kāwana mā Kāwana Gipps, Kāwana o New South Wales. 1847 Te pŪrongo kutĒtĒ kau tuatahi He kau e ā haerehia ana i te takiwā o Niu Pāremata, i waenga i te 1842 me te 1845. Image: ATL E-070-016 © Image copyright conditions Nō te takiwā o te 1815 i tīmata ai ngā mahi kutētē kau i Aotearoa. Koirā hoki te wā i mauria mai ai e Samuel Marsden (Te Mātenga) ngā kau tuatahi, mō tana mīhana i Te Tai Tokerau. Engari i roto i te 30 tau, i te kaha hiahia o te hapori Pākehā ki te miraka me ērā atu kai ka ahu mai i te miraka, kua noho te kutētē kau hei mahi tūturu i Te Ika a Māui me Te Waipounamu. Ka tae ki ngā 1840, kua kaha tonu te puta o ngā kai he mea mahi ki te miraka. Arā ētahi kāhui i Horomaka e kutētēhia ana hei mahi pata me te tīhi hei tuku atu ki Pōneke me ētahi o ngā puni tohorā huri i te motu. I te pai o te haere o ngā pāmu nei, mai i te tau 1847 ka tukuna atu anō hoki he tīhi ki Ahitereiria. Ko te pai o te tīhi, kāore e tere kino, ā, mā te rumaki i te pata ki te wai tote, ka pērā anō tērā. Kimi KIMI MĀRIRE Kāore e arohia ngā tohutō i roto i ngā mahi kimi. NGĀ HONO E HĀNGAI ANA • Tāngata Ingoa Nui • Te Puni Kokiri • Archives New Zealand © 2005 - 2006. Kāinga | Pānuitia te Tiriti | Wātaka | Orokohanga | Rauemi | Whakataunga Tiriti |  Ngā Take | Mahere Pae Reo Pākehā | Tāngata Ingoa Nui | Kupu Ake | He Mapi | Rerenga | Ngā FAQ | Whakāmarama Me mātua whakaae te rangatira me te kaipupuri manatārua i mua i te whakamahinga anō o ētahi whakaahua o te pae tukutuku nei. Me mātua whakaae te Whare Pukapuka o Alexander Turnbull, Te Puna Mātauranga o Aotearoa, i mua i te whakamahinga anō o ā rātou whakaahua. Kia kitea ai te roanga atu o ngā kōrero mō ngā whakaahua a ATL, whakatakotoria te kiore ki runga ake i ngā whakaahua.