Wātaka - He Wātaka Whānui 1950- Kāinga Pānuitia te Tiriti Wātaka Orokohanga Raumei Whakataunga Tiriti Ngā Take Mahere Pae Reo Pākehā   Tāngata Ingoa Nui Kupu Ake He Mapi Rerenga Ngā FAQ Whakamārama Kei tĒnei wĀhanga Kupu Whakataki Tauira Flash Ngā Āhuatanga i Pā - Te Tiriti 1800 - 1849 1850 - 1899 1900 - 1949 1950 - Ngā Āhuatanga i Pā - Aotearoa Whānui 1800 - 1849 1850 - 1899 1900 - 1949 1950 - English version of this page WĀtaka HE WĀTAKA WHĀNUI 1950 - 1950 Ka whakakorehia te Kaunihera Hanga Ture Te hui whakamutunga a te Kaunihera Hanga Ture, Tīhema 1950. Image: ATL 1/2-019120-F © Image copyright conditions Taka mai ki te tau 1950, he Whare o Runga tō Aotearoa, i tua atu i te Whare Māngai ka pōtihia. Ka kīia te Whare o Runga nei ko te Kaunihera Hanga Ture, ā, he mea āta kopou ngā tangata o runga. I te tau 1950, ka whiriwhiria e te Kāwanatanga Nāhinara hou ētahi mema hou e 25, katoa rātou e kī taurangi ana ka pōti rātou ki te whakakore i te Kaunihera. Ehara, i te 18 Akuhata 1950, ka pōti te Kaunihera ki te whakakore i a ia anō, e 26 ngā mema i whakaae, e 16 i whakahē. Nō te 1 Hanuere 1951 i whakatinanatia ai te whakatau nei. Mai i tērā wā kua noho whare kotahi te pūnaha tōrangapū o Aotearoa. 1951 Te mautohe i ngĀ tumu herenga waka Ngā kaipuke i Te Whanga-nui-a-Tara, i te wā o te mautohe wāpu i te tau 1951. Image: ATL 1/4-020602-F © Image copyright conditions I te 9 Pepuere, i te kaha hē haere o ngā hononga ahumahi i ngā wāpu, ka puta te whakatau a te Uniana Kaimahi Tahamoana kia kaua rātou e mahi i ngā hāora tāpiri i ngā tumu herenga waka katoa o te motu. Kua mahi hoki ō rātou rangatira ki te whakawhāiti i ngā painga e puta ana ki ngā kaimahi, ā, koinā i pērā ai te mahi a te Uniana. Ki tā ngā rangatira, he rite tēnei ki te kore e whakaae ki te mahi, ā, ka whakatārewatia te mahi a ētahi o ngā kaimahi. Ko te auē a ngā kaimahi i konei, kua rakaina rātou ki waho. Ka inati tonu te aro atu a te kāwanatanga ki tēnei raruraru. Ka mea ake rātou kua pā he mate whawhati tata, ā, ka tīkina atu ngā ope a Tū ki te rongoā i te mate. Nō te 15 Hūrae rawa i tatū ai te raruraru. Hui katoa, 1157390 ngā rā mahi i moumou. Koinei te taukumekume ahumahi nui katoa i Aotearoa i roto i ngā tau. 1962 Ka whakatŪria he poungaio Tā Guy Powles. Image: ATL C-025573-1/2 Crown copyright: National Publicity Studios Collection, Archives New Zealand. © Image copyright conditions Nō te 7 Hepetema 1962 ka whakatūria te tari o te Poungaio hei tirotiro i te maha haere o ngā nawe e puta ake ana i te marea mō te kaha whīwhiwhi o ngā tikanga whakahaere o te kāwanatanga. Nā Tā Guy Powles i whakarite tētahi pūnaha whaitake tonu kua takoto hei tauira mō ētahi atu whenua manapori o te ao. 1971 Ka kĪia ngĀ mahi aukati Ā-iwi he mahi takahi i te ture Hiwi Tauroa, Kaiwhakawhanaunga ā-Iwi mai i te 1980 ki te 1986. Copyright: New Zealand Herald © Image copyright conditions Ko tētahi whakahau a te Ture Whakawhanaungatanga ā-Iwi, kia kaua te tangata e āhei te aukati i tētahi atu i runga anō i te āhua o tana iwi, o te tae rānei o tana kiri, i te huhua tonu o ngā wāhi tūmatanui, tūmataiti hoki. Nā tēnei ture anō ko te Kaiwhakawhanaunga ā-Iwi. 1977 Ka tiakina ngā whĀinga tika a te tangata Te waitohu o te Kāhui Tika Tangata. Image: Human Rights Commission © Image copyright conditions He tautoko tonu tā te Ture Komihana Tikanga Tangata i te ture whakawhanaunga ā-iwi. Nā tēnei o ngā ture, kāore e whakaaetia te aukati a te tangata i tētahi atu i te mea he wahine, he tāne rānei a ia, kua moe tāne, wahine, pēhea kē rānei, i runga rānei i te āhua o tana whakapono, o ana whakaaro matatika rānei. Ka whakatūria anō te Kāhui Tika Tangata (te Komihana Tikanga Tangata i mua) hei whakatairanga i ngā whāinga tika a te tangata, me tētahi Taraipiunara Whakaōrite Whiwhinga Mahi hei tirotiro i ngā nawe ka ara ake. 1981 Te haerenga mai a ngĀ Springbok He pānui whakaahua nā te New Zealand Public Service Association e akiaki ana kia aukatihia te haerenga mai a ngā Springbok. Image: ATL Eph-C-RACIAL-1981-03 Copyright: PSA and Murray Webb © Image copyright conditions   Tūturu ka tōtara wāhi rua a Aotearoa i te haerenga mai a ngā Springbok, te tīma whutupōro o Āwherika ki te Tonga. He tokomaha ngā tāngata i whakauru ki ngā hīkoi whakahē i ngā kaupapa-here wehewehe ā-iwi a Āwherika ki te Tonga. He nui anō ngā pirihimana i tukuna ki te ātete i te hunga mautohe, pakaru mai ana te riri i waenga i ngā taha e rua. I whakakorehia anō hoki tētahi o ngā kēmu a ngā Springbok. 1982 Te whakawĀtea i ngĀ pĀrongo Te rūma pānui, i te Whare Pukapuka Tūmatanui o Pōneke, i ngā 1930. ATL: 1/1-015495 © Image copyright conditions I te hāpainga ake o tētahi kaupapa-here e whai ana kia matanui ake ngā mahi a te kāwanatanga, ka puta ko te Ture Pārongo Whaimana 1982, i āhei ai te hunga tūmatanui ki ngā momo pārongo kāwanatanga maha tonu, hāunga ētahi momo pārongo torutoru ka tohua kia noho tapu tonu. Nā te Ture nei ka huripokina te hā o te Ture Muna Whaimana, i te mea ko tā te mea hou ake i kō ai, me wātea ngā pārongo ki te mātinitini (hāunga ētahi kōrero whakapāwera). Ko te Tari o te Poungaio kei te whakataki i te Ture nei. Ko tētahi wāhanga nui o ngā mahi a te Tari, he tirotiro i ngā tono i runga i te Ture Pārongo Whaimana kāore e whakaaetia. Kimi KIMI MĀRIRE Kāore e arohia ngā tohutō i roto i ngā mahi kimi. NGĀ HONO E HĀNGAI ANA • Tāngata Ingoa Nui • Te Puni Kokiri • Archives New Zealand © 2005 - 2006. Kāinga | Pānuitia te Tiriti | Wātaka | Orokohanga | Rauemi | Whakataunga Tiriti |  Ngā Take | Mahere Pae Reo Pākehā | Tāngata Ingoa Nui | Kupu Ake | He Mapi | Rerenga | Ngā FAQ | Whakāmarama Me mātua whakaae te rangatira me te kaipupuri manatārua i mua i te whakamahinga anō o ētahi whakaahua o te pae tukutuku nei. Me mātua whakaae te Whare Pukapuka o Alexander Turnbull, Te Puna Mātauranga o Aotearoa, i mua i te whakamahinga anō o ā rātou whakaahua. Kia kitea ai te roanga atu o ngā kōrero mō ngā whakaahua a ATL, whakatakotoria te kiore ki runga ake i ngā whakaahua.