Wātaka - He Wātaka Mō Te Tiriti 1900-1949 Kāinga Pānuitia te Tiriti Wātaka Orokohanga Raumei Whakataunga Tiriti Ngā Take Mahere Pae Reo Pākehā   Tāngata Ingoa Nui Kupu Ake He Mapi Rerenga Ngā FAQ Whakamārama Kei tĒnei wĀhanga Kupu Whakataki Tauira Flash Ngā Āhuatanga i Pā - Te Tiriti 1800 - 1849 1850 - 1899 1900 - 1949 1950 - Ngā Āhuatanga i Pā - Aotearoa Whānui 1800 - 1849 1850 - 1899 1900 - 1949 1950 - English version of this page WĀtaka HE WĀTAKA MŌ TE TIRITI 1900-1949 1916 Ka mauheretia a Rua Kenana Rua Kenana i te tau 1908. Image: ATL 1/2-007800 F © Image copyright conditions I te wā o te matenga o Te Whiti i Parihaka, ka tū anō tētahi kāinga mō ngā mōrehu i Maungapōhatu, i te Urewera. Ko te tangata whenua ko ngā kaitautoko a te poropiti o Tūhoe nei, a Rua Kenana. Ka piri ētahi tāngata ki tēnei hapori, arā, he tāngata pukuriri ki ngā tikanga a te Pākehā. Ka tū te ātete whakamutunga a te iwi Māori mau pū i Maungapōhatu. Ko te mahi a Te Rua he whakakāhore i te rapu tangata hei hōia mō te Pakanga Tuatahi o te Ao, ā, ka takahia e ia ngā ture whakakore waipiro, i tana mahi hoko waipiro. Ka haere tētahi ope nui, ko te Kaikomihana o ngā Pirihimana te kāpene, ki te Urewera. Ka pakū ngā pū, ka mate te tama a Rua, ka mauheretia te poropiti. Ka whakaatatia i roto i ngā kōrero a Justice Chapman i te whakawā ngā whakaaro o te tini o te iwi Pākehā, i kī ai ia, ko te mauheretanga o Rua mō te 18 marama, "hei tohu ki tō iwi kia kaua e hoki ki ngā mahi pēnei i muri i tēnei whakawā". 1918 Te hĀhi RĀtana a Tahupōtiki Wiremu Rātana e whakatairanga ana i te hāhi Rātana i Taupō. Image: ATL 1/2-089569-F © Image copyright conditions I te tau 1918 i te toronga o te rongo o T.W. Rātana, ka whakatūria e te hāhi Rātana tētahi tari tūtata ki Whanganui. I haria e te hāhi Rātana ētahi o ngā tikanga tū pakari o Parihaka, engari ka whakangāwaritia tōna huri tuarā, tū wehe hoki. Ko te tino kaupapa matua ko te whakapono Karaitiana me te whakaora tangata. Ko ētahi o ngā whāinga o ōna kaihautū i pā ki te taha ōhanga, ki te whakahou hoki i te noho o te iwi. I te tekau tau mai i 1920 ka whakatūria e Ratana tana wāhanga tōrangapū, ā, mai i te tau 1935 ka oti tētahi kirimana mā rāua ko te rōpū Reipa. I raro i taua kirimana ka riro tonu mā te Rōpū Reipa e tohu ngā kaiārahi o te hāhi Rātana hei mema mō te Reipa i ngā rohe pōti Māori. Kia tae ki te tau 1943, kua wikitōria ngā tāngata Rātana/Reipa i ngā tūru Māori e whā, nā reira hoki kua kaha ake tō rātou reo i ngā hōro kāwana o Aotearoa. Ka whai kiko i konei te tū o ngā mōrehu o te Hāhi Rātana kia "whakamanaia" te Tiriti, arā, i te urunga atu o ngā mema hou ki te kapa Mema Pāremata o te taha Reipa. 1921 Ko Tūrangawaewae te kĀinga o te kīngi MĀori He tatau whakairo e whakaatu ana i te waitohu o ngā Kīngi Māori (Te Paki o Matariki) i Te Mahinarangi, te wharenui i Tūrangawaewae Marae, Ngāruawāhia. I whakaahuatia i te 18 Maehe 1939. Image: ATL 1/2-025440-F © Image copyright conditions Ka noho ko Tūrangawaewae i Ngāruawāhia te kāinga tūturu o te Kīngi Māori, arā, ngā whenua i hoki mai i muri i ngā pakanga me te muru raupatu o ngā tau 1860. 1926 Te komihana a te Kuini mŌ ngĀ muru raupatu Tā Māui Wiremu Pōmare, i te tau 1923. Image: ATL 1/1-019098-F © Image copyright conditions I runga anō i te pikinga o te pōti Rātana ka whakamanawatia a Tā Māui Pōmare, tētahi atu kaitōrangapū, kia whakahau ia kia haere tētahi uiuinga ki ngā muru raupatu o ngā 1860. Ka inoi a Pōmare ki ngā kaiahuwhenua miraka kau Māori kia koha moni mō tētahi uiuinga, ā, ka akiaki ia i a Pirīmia Gordon Coates ki te tautoko i taua whakaaro. Ka whakatūria te Komihana a te Kuini, ahakoa he pāpaku ana pūtea, he poto te wā mō te rangahau, he whāiti hoki ngā whakaritenga mō te mahi. Ka whakahau te Komihana kia tukua he kapiheihana mō ētahi o ngā raupatu i kīia ai e ia he taumaha rawa. I whakaae ngā iwi o Taranaki ki tētahi pūtea £5,000 mai i 1931, engari tērā anō ngā take raupatu i whakatārewatia ngā whakawhitiwhiti kōrero, taea noatia te tau 1944. Ka ara ake te mahi e kīia nei ko te Muru Raupatu, ko tāna he whai i te kapiheihana mō ngā whenua i ngaro, i muri i ngā mahi a Pōmare. 1929 Ka whakatūria ngĀ kĪma whakawhanake whenua MĀori Apirana Turupa Ngata, ca 1905. Image: ATL 35mm-00181-f-F © Image copyright conditions Ka whakatūria te kaupapa ahuwhenua Māori tuatahi e te Minita Māori, e Tā Apirana Ngata. Ka hoatu e te Kāwanatanga ētahi pūtea mō te whanaketanga o te whenua Māori, ā, i ētahi wā ka horaina he whenua Karauna itiiti mō ngā kīma. Ahakoa i whiria ngā kaipupuri whenua, kāore i tino tōtika te whakahaere a ētahi o ngā kaiahuwhenua Māori i ēnei kīma. Nā te kore i tino pai o ngā whakahaere a te Karauna i ētahi o aua kaupapa, ka piki ngā nama, i te mutunga ka tau ngā taumahatanga ki runga i ngā iwi anake. I ētahi wā, inā koa te Kaupapa Ahuwhenua o Ngāti Manawa, nō nakuanei te nama i ea ai. Ka tīmata te heke atu o te iwi Māori i te whenua ki ngā tāone, i ngā tekau tau mai i 1930, ā, nā te Pakanga Tuarua ka tino kaha kē ake tēnei āhua. 1934 Te whakanui tuatahi o te RĀ o Waitangi a Apirana Ngata e tātaki ana i te haka i te Rā o Waitangi, 1940. Image: ATL 1/2-029794-F © Image copyright conditions E rua tau i muri i te takohatanga o te whare o James Busby (Te Pūhipi) i Waitangi ki te whenua o Aotearoa e te Kāwana Tianara, e Lord Bledisloe, kātahi anō te Rā o Waitangi ka whakanuia, i te wāhi tonu i hainatia ai te Tiriti. Ka whakaingoatia te kāinga o Pūhipi ko te “Whare o te Tiriti” e te marea, ā, ka hangaia he whare rūnanga i te taha. I oti te whare rūnanga Māori i mua i te Huri Rau Tau o te tau 1940, i whakanuia ai te hainatanga o te Tiriti, hei āhuatanga taketake mō Aotearoa. 1944 E toru Ēnei whakatau Eruera Tihema Te Aika Tirikātene, ca Oketopa 1949 Image: ATL PAColl-6388-26 © Image copyright conditions Ka puea ake he Ture Whakatau Take, i muri i te Komihana a te Kuini o te tau 1926 me ētahi atu tirohanga. Nā ēnei Ture ka whiwhi kapiheihana ētahi iwi nunui, mō ngā whenua i raupatutia i te rau tau tekau mā iwa. Ko ngā whakatau matua e toru ko: Ngāi Tahu (£10,000 i te tau mō te 30 tau), ko Waikato-Maniapoto (£6,000 i te tau) me Taranaki (£6,000 i te tau mō te 50 tau, ka heke ki te £5,000 i ngā tau o muri). He mea whakarite ēnei e Tā Eruera Tirikātene MP, e Te Puea Hērangi, me Tā Maui Pōmare. Ka whakairia atu he kape o te Tiriti o Waitangi i ia kura, i ia kura, i ia marae, i ia marae, i te tau 1945. Kimi KIMI MĀRIRE Kāore e arohia ngā tohutō i roto i ngā mahi kimi. NGĀ HONO E HĀNGAI ANA • Tāngata Ingoa Nui • Te Puni Kokiri • Archives New Zealand © 2005 - 2006. Kāinga | Pānuitia te Tiriti | Wātaka | Orokohanga | Rauemi | Whakataunga Tiriti |  Ngā Take | Mahere Pae Reo Pākehā | Tāngata Ingoa Nui | Kupu Ake | He Mapi | Rerenga | Ngā FAQ | Whakāmarama Me mātua whakaae te rangatira me te kaipupuri manatārua i mua i te whakamahinga anō o ētahi whakaahua o te pae tukutuku nei. Me mātua whakaae te Whare Pukapuka o Alexander Turnbull, Te Puna Mātauranga o Aotearoa, i mua i te whakamahinga anō o ā rātou whakaahua. Kia kitea ai te roanga atu o ngā kōrero mō ngā whakaahua a ATL, whakatakotoria te kiore ki runga ake i ngā whakaahua.