Ngā Whanaketanga Rumaki Māori / Kāinga - TMOA Te Kete Ipurangi Navigation: Te Kete Ipurangi Communities Schools Search TKI Search all of TKI Te Kete Ipurangi user options: Navigate in: te reo Māori Close Search community Searching ...... Tāhia Kāinga Ngā Whanaketanga Rumaki Māori Ngā Whanaketanga Rumaki Māori   Te Ahunga Whakamua – Te whakakore i Ngā Whanaketanga Rumaki Māori   HE K Ō RERO MĀ NGĀ KURA ME NGĀ KAIAKO   E ngā mana, e ngā reo, e ngā mātāwaka o te motu, tēnei te mihi atu ki a koutou katoa. Ka mahi tahi Te Tāhuhu o te Mātauranga ki te rāngai, ki ngā mātua, ki ngā whānau ki te whakakore i Ngā Whanaketanga Rumaki Māori . Tō mātou hiahia kia arotahi ki te whakahohoro i te ahunga whakamua o te tamariki i āna akoranga, tutukinga hoki, puta noa i te marautanga whānui, engari ka maumahara tonu he mea taketake tonu te reo matatini me te pāngarau. Me mātua ako te tamariki ki te kōrero, ki te pānui, ki te tuhituhi me ngā pūkenga pāngarau hei urutomo ki tētahi marautanga whānui, whai kiko hoki. Mō te roanga ake o ngā kōrero tīkina ake te pānui i raro iho nei.  Te Ahunga Whakamua – Te whakakore i Ngā Whanaketanga Rumaki Māori (42.50 kB) Kia Mataara: E wātea ana ētahi pukaiti mō ngā whānau He aha Ngā Whanaketanga Rumaki Māori ? Ko te whakatakoto i tā tātou marautanga ā-motu te aronga mō ngā whakaakoranga me ngā akoranga i roto i ngā kura o Aotearoa i roto i ngā tuhinga e rua:  Te Marautanga o Aotearoa , te marautanga mō ngā kura me ngā akomanga rumaki reo Māori, me  The New Zealand Curriculum  mō ngā kura reo Ingarihi. E tautoko ana Ngā Whanaketanga Rumaki Māori i  Te Marautanga o Aotearoa  mā te whakapūmau i ngā whāinga mārama, ōrite hoki mō nga pūkenga me ngā mōhiotanga kōrero, pānui, tuhituhi me te pāngarau hei ako mā ngā ākonga tau 1-8 i ngā wāhanga rerekē o ā rātou akoranga i te kura. He tohu i ngā take hiranga hei tirotiro, hei ārahi hoki i ngā mahinga whakaakoranga, akoranga me te aromatawai. E pēnei ana kia whai wāhi ai nga ākonga ki ngā wāhanga katoa o te marautanga me te hiki ake i ngā whakatutukitanga e puta ai ngā ihu o ngā tamariki ina wehe rātou i te kura me te whiwhi hoki i ngā tohu e hiahiatia ana e rātou. Kei roto i  Ngā Whanaketanga Rumaki Māori  ko te whakawhanake i tētahi pūrongo reo māmā ki ngā mātua me ngā whānau, te whakawhanake i ngā rauemi aromatawai tatau me te pānui pukapuka mō te rumaki reo Māori, me ngā kaupapa whakapakari kaiako, tumuaki me ngā mema o te poari. Ko ēhea ngā paerewa hei whakamahi mā ngā kura me ngā akomanga ? E tautoko ana  Ngā Whanaketanga Rumaki Māori  i ngā mahi whakaako me te ako i te reo me te pāngarau puta noa i  Te Marautanga o Aotearoa , ā, ka tautoko Ngā Paerewa ā-Motu i ngā whakaakoranga me ngā akoranga tatau me te pānui pukapuka puta noa i te  New Zealand Curriculum.  Ko te tikanga ko ngā kura whai akomanga rumaki reo Māori me te reo Ingarihi kei te whakamahi i te  New Zealand Curriculum  me  Te Marautanga o Aotearoa.  Ko te mahere ako a te ākonga ka noho i raro i te marautanga kotahi anake, kaua ngā mea e rua. Me whakarite anō ngā kura me ngā akomanga reo rua ko tēhea o ngā marautanga ka whai ki te whakatakoto i te aronga akoranga mō ā rātou ākonga. Ko ngā kaiako o ngā ākonga whai hōtaka akoranga e pā ana ki  Te Marautanga o Aotearoa  ko te tikanga me whakamahi rātou i  Ngā Whanaketanga Rumaki Māori  ki te whakamahere hōtaka akoranga me te pūrongo i te anga whakamua me te whakatutukitanga o ngā ākonga. Ko ngā kaiako o ngā ākonga whai hōtaka akoranga e pā ana ki te  New Zealand Curriculum  ko te tikanga me whakamahi rātou i Ngā Paerewa ā-Motu ki te whakatakoto i te aronga hei ārahi i te anga whakamua me te whakatutukitanga o ngā ākonga. He aha ngā mea ka taea e ngā rōpū kaiārahi o te kura ki te takatū mō te whakatinana i NWRM ? Whakamāramahia atu ki tō hapori ko tēhea te tauākī marautanga, ko  Te Marautanga o Aotearoa, ko  The New Zealand Curriculum  rānei, ka whakatakoto i te aronga o ngā akoranga mō ngā ākonga i roto i tō kura, i ngā akomanga rumaki reo Māori rānei. Whakamaheretia ka pēhea te whakamahi a tō kura, akomanga rumaki reo Māori rānei i  Ngā Whanaketanga Rumaki Māori  mai i te wāhanga 1 2011. Tohua mai ngā matea ako o ngā mema o te poari, ngā kaiārahi o te kura me ngā kaiako, ā, ka waihanga mahere e whakaatu ana i tō whakaurunga atu ki ngā awheawhe a te Tāhuhu mō  Ngā Whanaketanga Rumaki Māori  i tō rohe. Tīkina ngā kōrero me ngā tautoko mō  Ngā Whanaketanga Rumaki Māori  me ngā whai wāhitanga o ngā kaupapa whakapakari kaiako mai i te paetukutuku a te Tāhuhu,  www.tmoa.tki.org.nz . Me whakapā atu rānei ki te tari ā-rohe o te Tāhuhu. He Aratohu mā te Pouako Tāuta ka tā i ngā aratohu kaiako mō Te Reo me te Pāngarau a Ngā Whanaketanga Rumaki Māori. He Aratohu mā te Pouako Māori   Ngā Whanaketanga Rumaki Māori me Ka Hikitia  He mea waihanga, whakatinana hoki Ngā Whanaketanga Rumaki Māori nō roto mai i tētahi hōtaka mahi whānui ake ki te whakakaha i te mātauranga rumaki reo Māori. Ngā Whanaketanga Rumaki Māori me Ka Hikitia   Te Hoahoa i Ngā Whanaketanga Rumaki Māori He whakamārama i te aronga o te whakawhanaketanga me te whakatinanatanga o Ngā Whanaketanga Rumaki Māori. Te hoahoa i  Ngā Whanaketanga Rumaki Māori Te Waharoa Ararau Ko Te Waharoa Ararau he mea whakawhanake e Te Tāhuhu o te Mātauranga ki te āwhina i ngā mahi kohi i ngā kōrero whakatutukitanga ākonga e hāngai ana ki te  Ngā Whanaketanga Rumaki Māori  – Pāngarau me Te Reo Matatini.    Te Waharoa Ararau Ngā Pānuitanga Ngaio Kei tēnei wāhanga ko ngā pānuitanga ngaio whānui e tautoko ana i  Ngā Whanaketanga Rumaki Māori . Ngā Pānuitanga Ngaio Ngā kōrero o mua mō  Ngā Whanaketanga Rumaki Māori Kua tukua ētahi o ngā kōrero o mua mō  Ngā Whanaketanga Rumaki Māori ki te whārangi o Puna Mahara. Nō reira mēnā koe e hiahia ana kia pānui i aua kōrero me whai atu i te toronga ipurangi ki raro iho nei.  Puna Mahara Ka Hikitia Te Marautanga o Aotearoa New Zealand Curriculum Ngā Whanaketanga Rumaki Māori Mātaiako Te Mātānuku Taumata Mātauranga ā-Motu ka Taea Mātauranga Māori Rauemi PĀNUI : Tuhia mai to īmēra kia whiwhi pānui koe. | Kāinga | Te Marautanga o Aotearoa | Whānau | Ākonga | Kura | Tāhuhu | Puna Mahara | Mātaiako | Taumata Mātauranga ā-Motu Ka Taea / Ngā Whanaketanga Rumaki Māori | Ngā Whanaketanga Rumaki Māori me Ka Hikitia – Accelerating Success 2013–2017 | Te Marautanga o Aotearoa | Te Hoahoa i Ngā Whanaketanga Rumaki Māori | He Kōrero mō ngā Kura me ngā Akomanga Rumaki | He Aratohu mā te Pouako | Ngā Pānuitanga Ngaio | Ngā Awheawhe | Ngā pakiwaitara rokiroki mō NWRM | He pukaiti mō ngā whānau | Te Mātānuku | Rauemi Whānui | Karere Hou | Pakiwaitara Marau | Rangahau Whakapā mai ki: Sitemap RSS feeds Footer: TKI - Te Kete Ipurangi About this site | Contact TKI | Help | Feedback Accessibility | Copyright and privacy | Copyright in Schools | Search New Zealand Government © Crown copyright.