91026 Apply numeric reasoning in solving problems Tau Putanga Whārangi 3 o te 4 Paerewa Paetae Aronga Te Reo Rangatira 1.1 Ingoa Te whakapuaki whakaaro hei kōrero whakamōhio Kaupae 1 Whiwhinga 3 Aromatawai Ā-roto Marau akoranga Te Reo Māori Kokonga akoranga Mana rēhita Te rā i mana ai Te rā e arotakengia ai Te rā i puta ai Te Hononga ki te Marautanga I ahu mai tēnei paerewa paetae i te Taumata 6 o Te Marautanga o Aotearoa , i whakaputaina e Te Pou Taki Kōrero i te tau 2008. Whāinga Paetae ā-Waha, Āheinga Reo: 2. Ka whakapuaki whakaaro mō ngā kaupapa, mō ngā ariā matua hoki o aua kaupapa, kia pai ai te whakatakoto tohetohenga, taunakitanga rānei hei whakaū i te whakaaro. ā-Waha, Puna Reo: 3. Ka whānui tonu ngā kupu me ngā momo rerenga e tika ana mō ētahi momo kōrero, pēnei i te matapaki, i te tuku pūrongo, i te taupatupatu, arā atu, arā atu. ā-Tinana, Āheinga Reo: 3. Ka hāngai te reo ā-waha me te reo ā-tinana ki te kaupapa. E hono ana ki te Papa Whakaako mō Te Reo Māori kei te pae ipurangi nei: [website details to be inserted] Te Hononga ki ngā Tikanga Aromatawai Kei tēnei pae ipurangi ngā Tikanga Aromatawai mō tēnei paerewa paetae: [website details to be inserted] Paerewa Paetae Paetae Te whakapuaki whakaaro hei kōrero whakamōhio Hei tohu i te paetae: · Ka mārama te aronga o te ākonga. · Ka whakaraupapa i ngā whakaaro kia tatū te kaupapa i ngā whakaaro. · Ka hāngai ngā nuka reo me te reo ā-tinana ki te whakapuakitanga. Kaiaka He kaiaka te whakapuaki whakaaro hei kōrero whakamōhio Hei tohu i te kaiaka: · Ka ū te aronga o te ākonga. · Ka āta whakaraupapa, ka taunaki i ngā whakaaro kia rata atu te hunga whakarongo ki te aronga o te ākonga. · Ka hāpai ngā nuka reo me te reo ā-tinana i te kaupapa. Kairangi He kairangi te whakapuaki whakaaro hei kōrero whakamōhio Hei tohu i te kairangi: · Ka whakamahi huarahi kē atu kia kitea te aronga motuhake o te ākonga, arā: · te tohe i te kaupapa. · te raupapa me te taunaki o ngā whakaaro. · te āta whakamahi i ngā nuka reo me te reo ā-tinana hei whakatairanga i ōna whakaaro. Kōrero Āpiti Kia taunga te ākonga ki ngā tikanga e whai wāhi mai ana: 1. E whai ake nei ko te whakamāramatanga o ngā kupu whai take, kīanga rānei: nuka reo He tikanga motuhake hei kawe whakaaro, hei kawe kōrero. Ko ngā nuka reo i tēnei paerewa ko te pepeha, ko te kīwaha, ko te whakataukī, ko te whakatauākī, ko te kupu whakarite, ko te whakatangata, aha atu rānei. reo ā-tinana Ko ngā nekenekehanga, ko ngā mahi ā-ringa, ko te āhua o te kanohi, ko te whakatautau, ko te ihiihi o te kōrero. 2. Me hāngai te aromatawai ki ngā Whāinga Paetae o runga. 3. Ko te aronga matua o te paerewa nei, ko te kaha o te whakapuaki whakaaro i roto i te kōrero whakamōhio. 4. Me hāngai, me raupapa, me whaihua te kōrero kia tatū te kaupapa, kia aro mai te hunga whakarongo. 5. Me hāngai te reo ki ngā tikanga o te kōrero whakamōhio. Me whai te ākonga i ngā tikanga o te momo kōrero whakamōhio kua kōwhiria kia hāngai ki te horopaki, te hunga whakarongo, te pūtake o te kōrero, te aha atu, te aha atu. Ina kōwhiria tētahi take reo Māori ake nei (pēnā i te whaikōrero, i te karanga rānei) hei whakapuaki i ōna whakaaro, me hāngai ki ngā tikanga o taua momo reo. Kāore ngā kāri whakamahara e whakaaetia. 6. He whānui ngā momo reo whakamōhio ka taea: he matapaki, he reo pāoho, he kauhau, he taukumekume, he uiui, aha atu rānei. I roto i ngā kōrero, ahakoa te momo reo whakamōhio, me āta kite ngā rautaki whakamōhio me ngā rautaki whakapakepake i te hunga whakarongo. 7. I roto i ngā mahi aromatawai, kia rite te ākonga ki te whakatakoto whakaaro hei reo whakamōhio, ki te whakawhiti whakaaro, ki te whakahoki pātai, ki te whakaoti kaupapa rānei. Kuputaka: nuka reo literary device tikanga kōrero speaking (oral text) conventions whakapakepake persuade whakatautau dramatic gesturing He Kōrero mō te Whakakapi Koinei hei whakakapi i te paerewa xxxx Tātari Kounga 1 Me mātua whakamana ngā Kaituku Akoranga me ngā Whakahaere Whakangungu Ahumahi e te Mana Tohu Mātauranga o Aotearoa ka rēhita ai i ngā hua ka puta mai i ngā aromatawai ki ngā paerewa paetae. 2 Ko ngā Kaituku Akoranga me ngā Whakahaere Whakangungu Ahumahi kua mana, ā, e aromatawai ana i ā rātou hōtaka ki ngā paerewa paetae, me uru rātou ki ngā pūnaha whakarite e tika ana mō aua paerewa paetae. Ko te tohutoro ki te Mahere Whakamana, Whakaōritenga hoki 0233 SYMBOL 211 \f "Symbol" New Zealand Qualifications Authority 2013