I Taum ata 2- 3 o Te Mara utang a o Ao tearo a He Ang A Ako mā T e PouA ko He Ang A Ako mā T e PouA ko II Kaituhi: Wawaro Te Whāiti Kaiataata: Wiremu Grace Imagin8tive Productions Ltd Kaitirotiro ataata: Teanau Tuiono Kaihoahoa: Elaine Nicholas www.nicelines.co.nz Mana pupuri © Te Tāhuhu o te Mātauranga 2016 Mana pupuri i ngā tuhinga © Core Education 2016 Mana pupuri i ngā tānga © Core Education 2016 ISBN 978-0-473-35739-9 Te kohinga rauemi Ringa Auaha - He Anga Ako mā te Pouako hei tauira Ringa Auaha, Ringa Tōhau Nui - He ataata Kua rāhuitia ngā tika katoa. Kāore e whakaaetia kia hangaia houtia tētahi wāhanga o tēnei rauemi ahakoa pēhea te huarahi whakaputa, kia whakaaetia rawatia rā anō e te hunga nō rātou te mana tā. He mIHI Kei ngā ringa tōhau o te ako, ngā kaihāpai o te tuku ihotanga o ngā mātauranga taketake, o ngā mātauranga wā tonu, tēnei te mihi nui ki a koutou e whakapeto ngoi ana, e whakamahiti korou ana mō ā tātou tamariki puta noa, puta noa. Koinei tētahi rauemi hei hāpai i ngā mahi whakamahere i te ako. E rua ngā rauemi matua, he rauemi taunaki hoki. Ko He Anga Ako mā te Pouako tēnei, ko Ringa Auaha He Anga Ako mā te Pouako hei tauira tērā atu, ā, koia hoki te tauira hei whai mā ngā pouako e hiahia ana ki te whakamahi i te anga ako hei whakamahere i ngā mahi ako. E whā ngā ataata hei rauemi taunaki e whakaatu ana i ngā mahi me ngā pūnaha hanga auahatanga a ngā ringa auaha tokowhā. Ko Ringa Auaha, Ringa Tōhau Nui te ingoa o tēnei kohinga ataata. Kei ngā taumata 2-3 o Te Marautanga o Aotearoa e noho ana. I te whakarewatanga o tēnei rauemi, mokori anō kia whakamānawatia te huinga kahurangi nā koutou ngā mātauranga i homai, nā koutou hoki ngā kupu i tārai, tae atu rā ki a koutou i whai wāhi i roto i ngā mahi hoahoa. He mea whakaputa tēnei rauemi mō Te Tāhuhu o te Mātauranga e CORE Education Ltd Pouaka Poutāpeta 13 678 Ōtautahi 8141 Aotearoa www.core-ed.org 1 IhirangiIhirangi He kuPu WHAkATAkI 2 Te Marautanga o Aotearoa 3 Te Reo me ōna Tikanga 3 Mātauranga Whai Take 3 ngā kAIHāPAI 4 Ākonga 4 Pouako 4 Hapori 4 ngā ArA Ako 5 Rautaki 5 Ngohe 5 Hurihanga Pakirehua 6-7 He AngA Ako HeI TAuIrA 8 kuPu TAkA 14 ngā PŪTAukI 14 rAuemI 14 2 Ngā Whakaaro Matua: 1. NGĀ MĀTĀPONO HEI TūĀPAPA 2. NGĀ KAIHĀPAI 3. NGĀ ARA AKO Ngā Mata (i raro i ngā Whakaaro Matua): 1. Te Marautanga o Aotearoa 2. Te Reo me ōna Tikanga 3. Te Mātauranga Whai Take i raro i te rōpū ngā mātāpono hei Tūāpapa. 4. Ākonga 5. Pouako 6. Hapori i raro i te rōpū ngā kaihāpai. 7. Rautaki 8. Ngohe 9. Hurihanga Pakirehua i raro i te rōpū ngā Ara Ako. He kuPu WHAkATAkI Ko te whāinga o tēnei rauemi, o He Anga Ako mā te Pouako, ko te whakatakoto i tētahi huarahi e pai ai tā te pouako whakamahere ako mō te hunga Tau 4-6 kei ngā arareo mātauranga Māori puta noa. Kei te taumata 2-3 o Te Marautanga o Aotearoa te aronga mō tēnei rauemi. Ehara i te mea he anga noa iho nei hei whakakī mā koutou, karekau. He anga, he tūāpapa ōna, he ngako ōna, he kōrero ōna hei hāpai i ngā mahi whakaemi whakaaro, whakatakoto huarahi, whakawhanake mōhiotanga ka mutu ko te whakamahere i te ako. Ko te hoahoatanga kei runga ake nei, koia hei hoahoatanga o te anga me ōna mata katoa. E 9 ngā mata whānui e noho ana ki raro i ngā whakaaro matua e toru. Kei ngā whārangi ka whai ake nei te whānuitanga o ngā kōrero. Hurihanga Pakirehua ngohe rautaki HAPorI ākongA Te reo me ōna Tikanga mātauranga Whai Take PouAko Te marautanga o Aotearoa 3 Ko Te Marautanga o Aotearoa, he anga: hei whakawhanake kaupapa here ā-motu, hei tautoko i ngā ratonga mātauranga mō ngā kura reo Māori; hei tautohu i ngā mātāpono me ngā rautaki aromatawai; hei tautohu i ngā arotakenga ā-kura me ngā putanga ako o ngā ākonga; hei whakamōhio i ngā whare wānanga, ngā kura whakapakari kaiako hoki; hei āwhina i ngā mātua kia mārama ai rātou ki te marautanga ako o te kura; hei whakamana i ngā kaupapa ako o te kura. I a koe ka whakamahere i ngā mahi ako me whai wāhi Te Marautanga o Aotearoa ka mutu, te marautanga ake o tō kura e whai tūāpapa ai ngā mahi ako. E tika ana kia tohua i konei te horopaki ako e mārama ai te kaipānui ki te hanga o te mahere ako, ngā whāinga, ngā putanga ako me ngā tū aromatawai. Ko te reo Māori hei waka kawe i ngā mahi ako, heoi anō, e tika tonu ana kia whakaakona hoki te reo e eke panuku ai te ako, e mātanga ai te ākonga ki tāna e ako ana. Me motuhake te wāhanga ki te reo me ōna tikanga i roto i āu mahi whakamahere i te ako. Ia te wiki he kupu ka tāraia hei urupare i ngā panonitanga o te taiao e noho nei tātou. Ko ā tātou tamariki ēnā e tārai kupu ana, ko tātou hoki tēnā e waihanga kupu ana. Ehara i te mea he kupu hou ngā kupu katoa, engari kua whai horopaki hou ētahi e hāngai ai ki te ao e tipu nei ā tātou tamariki. Kua hia papakupu reo Māori kua tāngia ā mohoa nei, ā, he papakupu wāhanga ako ēnei pēnei i tērā mō te Pāngarau, i tērā mō te Pūtaiao anō hoki? Ākōake nei ka puta hoki tētahi wāhanga o te papakupu Ngā Toi. He tohu katoa ēnei ki te ao ako i te mātotoru o ngā kupu o te reo Māori e whanga ana kia wahaina e ā tātou tamariki i ngā horopaki e tika ana. Ko tā tātou he āta whiriwhiri i ngā kupu, ngā kīanga, ngā kīwaha, ngā kupu whakarite, ngā whakatauāki hoki e hāngai ana ki ngā mahi ako kia rangatira ai te reo, kia rangatira hoki te ako o te reo i ngā mahi ako katoa. Kei te whārangi Te Mātauranga Whai Take 9 o te puka aratohu nei tētahi tauira. Ko te Mātauranga Whai Take e kōrerohia nei ko tērā e hāngai pū ana ki ngā whakaaro o te Māori, ki ōna kawa, ki āna tikanga, ki ōna whakapapa, ki tōna taiao anō hoki ka tahi. Ka rua, ko ngā mātauranga e hāngai pū ana ki te wāhanga e whakaakona ana. Me ko te Pūtaiao tērā, me whakaaro koe ki ngā mātauranga Māori e hāngai ana ki te Pūtaiao, me whakaaro hoki koe ki ngā mātauranga Pūtaiao e hāngai ana. E mārama ana te whakaaro ‘e rua, e rua’ ēnei tūmomo ‘mātauranga’, heoi anō, kei te horopaki o te ako, o te kaupapa ako me ngā ara whakaako e ata mai ana te rerekē. Hei tauira, i ētahi wā ka tōia mai he whakaaro i ētahi mātanga pūtaiao hei taunaki, hei tohe hoki i ngā mātauranga Māori kua oti kē te whakatakoto. Ko aua whakaaro ka tōia ki ngā mahi ako he mātauranga whai take, he mātauranga nō tauiwi me te aha, nō ahurea kē. Kei te whārangi 9 o te puka aratohu nei tētahi tauira. Te mātauranga Whai Take Te reo me ōna Tikanga Te marautanga o Aotearoa ngā māTāPono HeI TŪāPAPA E toru ngā mātāpono matua o te tūāpapa ako mō tēnei anga ako e takoto ana i tēnei wāhanga o te puka aratohu nei. E tika ana kia whakaarohia ēnei i a koe e whakarite ana i ō mahere ako. 4 HAPorI ākongA PouAko Ko te ākonga me ōna āhuatanga huhua te pūtake o ngā mahi ako, e kore tēnei e rerekē. He wā ōna ka riro mā ngā matea ako o ngā ākonga te tohu ka pēhea te whakamahere i te ako me te tika hoki. He wā hoki ōna ka riro mā ngā hiahia me te pākiki o ngā ākonga e tohu. Hui katoa ko ngā ākonga ngā kaiārahi i te ako. Kei te whārangi 10 o te puka aratohu nei tētahi tauira. Pouako mā, kei ō koutou ringa te whakamaheretanga o ngā mahi ako e ai ki ngā matea ako, ngā hiahia, me te pākiki hoki o ngā ākonga. He nui te wāhi ki a koe me tō mōhio ki ngā āhuatanga ako, ngā rautaki, ngā ngohe, ngā huarahi ako anō e tutuki ai ngā whāinga o te ako. E tika ana kia whakaarohia ngā wāhanga katoa o tēnei anga ako i a koe e whakarite ana ki te whakamahere me te whakaako kia whai take ai. Kei te whārangi 11 o te puka aratohu nei, kei te wāhanga e whakaatu ana i ngā ngohe me ngā rautaki ako tētahi tauira. Inā te whai take o te hapori i roto i ngā mahi ako katoa i te kura. Kei te hapori tonu o te kura, kei te hapori matihiko, kei ngā whānau, kei ngā ākonga, kei ngā pouako puta noa ētahi mātauranga, ētahi mōhiotanga hei hāpai i te ako ahakoa te wāhanga ako me ngā huarahi ako. Torohia kia whai wāhi ai ngā tāngata o aua hapori ki ngā mahi ako. He hapori ako tahi, he hapori whanake tahi, he hapori tū tahi. Kei te whārangi 11 o te puka aratohu nei tētahi tauira. ngā kAIHāPAI E toru ngā rōpū kaihāpai kua tautuhia i tēnei anga ako e kīia nei ko ngā kaihāpai ēnei o te ako. Ko ngā ākonga ērā, ko ngā pouako ērā, ko ngā hapori o te ako hoki ērā. E rārangi mai nei te wāhi ki tēnā, ki tēnā rōpū kaihāpai i roto i te anga ako nei me te whai hua o ngā mahi whakamahere o te ako ki a rātou, i a rātou hoki. 5 rautaki ngohe Koinei ko ngā rautaki ako me ngā rautaki whakaako; ngā rautaki tō i te ākonga ki te mahi me ērā e aro tonu atu ai te ākonga ki te ako; ngā rautaki aromatawai me ngā rautaki whakawhanake mōhiotanga e ai ki ngā hua o ngā aromatawai. Mō te rau ākonga kei ngā kura e tika ana kia whakaarohia ngā rautaki ako huhua e tutuki ai ngā whāinga o te katoa. Kei te whārangi 11 o te puka aratohu nei tētahi tauira. Kia mutu te mahi whakamahere e ai ki Te Marautanga o Aotearoa, ngā mātaraunga whai take, te reo me ōna tikanga, te whai wāhi o ngā kaihāpai katoa, te whiriwhiri rautaki me huri ki ngā ngohe hei taunaki, hei whakatutuki anō hoki i ngā mahi ako. Kei te wāhanga ako me ngā whāinga ngā tino kōrero e ārahi ana i ngā momo ngohe ka whakamahia i a koe e whakaako ana. Kei ngā whārangi 12-13 o te puka aratohu nei tētahi tauira. ngā ArA Ako Mā te āta whiriwhiri i ngā rautaki, ngā ngohe me te whai whakaaro hoki ki ngā hurihanga pakirehua e whai waewae ai ngā mahi ako. E rārangi mai nei ētahi kōrero e hāngai ana. 6 Te WHAkAkITengA Te whāinga, te aronga Ngā hua, ngā kitenga Te whakatinanatanga o te whakakitenga ngā uruPounAmu ārAHI Te waihanga pātai hei ārahi i ngā mahi Te kohikohi mōhiohio Te kohikohi raraunga i ngā puna mātauranga Ngā Mahi Whakaea Te whakamahere i te mahi ka whakatutuki i te whāinga, ka whakatinana i te whakakitenga Te tātari mōhiohio Te arohaehae, te aroturuki, i ngā raraunga kua kohia me te matapaki whakaaro Hurihanga Pakirehua Kei raro iho nei tētahi hurihanga pakirehua mā te ākonga, mā te pouako hoki. He huarahi ako, he ara whakaako e hāngai pū ana ki te pākiki, ki te hiahia o ngā ākonga. He rārangi rauemi hoki hei taunaki i tēnei hurihanga. Kei te pae tukutuku www.tmoa.tki.org.nz, kei te wāhanga TE HURIHANGA WHAKAAKO PAKIREHUA ME TE WAIHANGA MĀTAURANGA ngā whakamahukitanga. 7 Te whakakitenga I te otinga, he aha ia ngā mōhiotanga ka mau? Koinei te wāhanga ka tuhia ai e te ākonga ōna whāinga. Ngā urupounamu ārahi Ka āta noho te ākonga ki te whiriwhiri whakaaro me te whakatakoto i aua whakaaro hei pātai, hei whakautu māna haere ake nei. Ngā mahi whakaea I konei ka whakaritea e te ākonga tētahi mahere ka whāia e ia ki te whakatutuki i ngā mahi. Ko tōna tikanga, kia eke te ākonga ki tēnei taumata ako kua mōhio ia ki te whakamahere, ki te kawe i āna ake mahi rangahau heoi anō, mā te kaiako anō e whakaatu atu ētahi tauira e tutuki ai. Te kohikohi mōhiohio Me āta whakaaro te ākonga ki te puna mātauranga ka torohia e ia ka tahi, ka rua ngā huarahi rapu mātauranga ka whāia e ia ki te whakatutuki i tōna whāinga. E rārangi mai nei ētahi tauira: uiui - te hapori, ngā pakeke - ērā kua roa e noho ana ki te takiwā, e mōhio pū ana hoki ko hea ngā panonitanga, ngā kaunihera, ngā kaitiaki o te takiwā, ngā tāngata o te ao. Ipurangi - ka tirohia ngā rauemi kei Te Kete Ipurangi e hāngai ana, ka tirohia te pae tukutuku Te Ara, ka rapu haere i ētahi kōrero kei te ipurangi, ka rapu kōrero i ngā tuhinga niupepa. Te whare pukapuka - ka toro atu ki te whare pukapuka o te tāone ki te rapu pukapuka me ngā kōrero onamata mō te rohe me tōna hanga, ōna āhuatanga. Te tātari mōhiohio I konei ka āta titiro ki ngā mātauranga kua kohia me te āta tātari ko hea e whai take ana, ko hea e āhua whai pānga ana, ko hea hoki kāore e whakamahia ana i tēnei hurihanga pakirehua. Ngā hua, ngā kitenga Ki konei kitea ai, āe rānei, kua whakautua e koe ō pātai, kua whakatinanahia te whakakitenga o mua, kāore rānei. Kia mārama noa mai koutou, i ia wāhanga o te hurihanga pakirehua ka whai wāhi te tangata nāna te whakakitenga te hoki atu ki ngā wāhanga o mua me te arotake, te panoni hoki i ngā aronga o aua wāhanga. I ētahi wā ka rerekē ōna whakaaro i a ia e whai ana i te hurihanga i ō ōna whakaaro i te tīmatanga. E whakamahukitia ana ngā wāhanga o tēnei hurihanga pakirehua i konei 8 Horopaki ako Kua rongo i te hiahia o ngā ākonga ki te aro ki ētahi mahi toi ehara i te tā pikitia. Kua tono mai ētahi kia torohia ngā āhuatanga o ētahi taonga puoro, o te whakaahua, o te whatu kākahu hoki. E mātanga ai te tangata ki āna mahi toi, e kounga ai hoki āna mahi kua kitea te tino whai hua o te āta whakarite i a ia anō me tētahi pūnaha whakarite ki te mahi toi. He rerekē tō tēnā ringa auaha1 , i tō tēnā ringa auaha ara whakarite i a ia anō ki te tārai, ki te waihanga i āna mahi toi. Ka tirohia e tātou i tēnei anga ako, ngā ara whakarite o ngā ringa auaha tokowhā me ā rātou tūmomo mahi toi. Ka arohia tētahi kaiwhakaahua, tētahi kaipatuoro, tētahi kaipaopao pahū me tētahi kairaranga. Taum ata 2- 3 o Te Mara utang a o Ao tearo aHe Ang A Ako mā T e PouA ko H eI TA uIrA He Ang A Ako mā T e PouA ko H eI TA uIrA He AngA Ako HeI TAuIrA He AngA Ako HeI TAuIrA 9 He puna mātauranga hei tīmatanga Te Whatu Taaniko: Taaniko Weaving Technique and Tradition nā Hirini Moko Mead (Pouako) He Ringa Toi Whakaari He Waewae Toi nā Te Tāhuhu o te Mātauranga (Pouako me te ākonga) Kia Rōnaki: The Māori Performing Arts he mea ētita nā Rachel Ka’ai Mahuta rātou ko Tania Ka’ai, ko John Moorefield. (Pouako) Ngā Mōteatea Whakaputanga 1-3 nā Apirana Ngata rāua ko Pei Te Hurinui Jones (Pouako me te ākonga) Papakupu He Pātaka Kupu; Mai i te Kākano; Te Reo o Ngā Toi Ataata; Te Reo o Ngā Toi Puoro Hautaka He Kohikohinga - 58, 59 Te Tautoko 72 Te Wharekura 93 Rauemi matihiko Ataata - Ringa Auaha; He Ringa Toi Whakaari He Waewae Toi (kōpae) Tānga - He Kohikohinga 58; He Kohikohinga 59; Te Tautoko 72; Te Wharekura 93 E whā ngā tūmomo toi kei te arohia, kei te pou Toi Ataata me te pou Toi Puoro - te whakaahua, te patu oro, te patu pahū me te raranga. E whai iho nei ētahi whakaaro ki ngā mātauranga e whai take ana ki ngā momo katoa hei ārahi i ngā mahi ako, hei whakakōrero hoki i ngā ākonga. Whakaahua (TA) te hītori o te waihangatanga o ngā tūmomo pūrere whakaahua; te taenga mai o te pūrere whakaahua ki Aotearoa; ngā whakaahua o ngā tīpuna me ngā tikanga e hāngai ana ki te whakaahua i tētahi tangata. Patu oro (TP) te whakapapa o te oro e ai ki te iwi Māori; ngā kōrero hītori mō tēnei tūmomo mahi oro. Patu pahū (TP) te whakapapa o ngā pahū taketake e ai ki te iwi Māori; ngā pahū a te Māori me ērā hoki a ngā iwi taketake o Te Moana-nui-a-Kiwa. Raranga, whatu (TA) te whakapapa o te raranga me ōna rawa - harakeke, kiekie, pīngao, muka, aha atu, aha atu; ngā kairaranga rongonui o Aotearoa, ka mutu o te ao; ngā tikanga e hāngai ana ki ngā mahi kohikohi rawa tae atu ki te rarangatanga o aua rawa. Te mātauranga Whai Take Te reo me ōna Tikanga 10 ngā kAIHāPAI ākongA ngā matea ako kua kitea ngā hiahia o ngā ākonga ngā āhuatanga ako 1. Pu-naha ako Kua kitea i roto i nga- aromatawai ka-ore ano- nga- a-konga kia tino mo-hio me pe-hea te whakatakoto me te whai i te-tahi pu-naha mahi. 2. Toi ataata Kua kitea te wha-iti o nga- mo-hiotanga ki nga- tu-momo toi ataata o te ao Ma-ori, ka mutu, o te ao wha-nui. 3. Toi puoro Kua nui ake te aro a nga- a-konga ina whai wa-hi, ina ha-ngai hoki nga- a- huatanga kei te whakaakona ki to- ra-tou ao. Ko nga- puoro o te wa- ko te pahu-, ko te pu-rere patu oro hoki. 1. Kei te hiahia nga- a-konga ki te aro ki e-tahi mahi toi ehara i te ta- pikitia. 2. Kua kite nga- a-konga i e-tahi tamariki e waiata ana, e whakatangi puoro ana i nga- ho-taka pouaka whakaata, a-, e hiahia ana ra-tou ki te whakawhanake i o- ra-tou pu-kenga toi puoro. 3. Kei te hiahia nga- a-konga ki te ako ki te whakaahua tika me a- ra-tou waea pu-koro, iPapa, ti-papa hoki. 4. Kei te pa-tai mai nga- a-konga no- hea e-tahi a-huatanga o nga- toi o te-nei wa- me te hiahia ki te rangahau i nga- ko-rero mo- e-tahi tu-momo toi ka whiriwhiria e ra-tou. Nga- tu-momo a-huatanga ako o nga- a-konga kei taku akomanga: • te a-ta ma-takitaki e mau ai; • te pa-, te raweke i nga- taputapu kei te arohia; • te rangahau; • te ko-rero ki e-tahi ringa toi; • te pa-nui; • te mahi takitahi; • te mahi taki ro-pu-; • te torotoro i nga- tu- hangarau huhua. 11 Pouako mā, kei ō koutou ringa te whakamaheretanga o ngā mahi ako e ai ki ngā matea ako, ngā hiahia, me te pākiki hoki o ngā ākonga. He nui te wāhi ki a koe me tō mōhio ki ngā āhuatanga ako, ngā rautaki, ngā ngohe, ngā huarahi ako anō e tutuki ai ngā whāinga o te ako. Inā te whai take o te hapori i roto i ngā mahi ako katoa i te kura! ngā ArA Ako E rārangi mai nei ētahi ara tō i te hapori ki te taunaki, ki te hāpai i ngā ākonga ki te whakatutuki i ngā whāinga: Te uiui - pōhiritia ngā tāngata whai take ki te kura ki te noho tahi i ngā ākonga. Me hāngai ki ō rātou hiahia me ō rātou matea ako. Ngā ataata Ringa Auaha, Ringa Tōhau Nui kei te pae tukutuku www.tmoa.tki.org.nz/Kura/ He-Anga-Ako-ma-te-Pouako ētahi ataata e whakaatu ana i ētahi ringa toi me ā rātou mahi. He kaiwhakaahua, he kaipatuoro, he kaipaopao pahū, he kairaranga. Ngā ringa toi o te whānau - he kaitoi kei te whānau tonu o te kura. Tonoa rātou hei kaiwhakaako i ā rātou toi ki te kura i ētahi rangi. Torohia ngā whare whakakite toi, ngā whare pupuri taonga, ngā whare hopu oro me ngā whare o ngā ringa toi o te takiwā. Ako Hurihanga Pakirehua Ako - mā te ākonga, mā te akomanga hoki. Wheako whaiaro, wheako kura - te whakawhānui i ngā wheako e hāngai ana ki ngā toi ataata me ngā toi puoro a ngā ākonga. Haerenga ki ngā whare pupuri taonga, ki ngā whare whakakite toi, ki tētahi wāhi hopu oro hoki. Ngā hangarau - kia whai wāhi te ākonga ki te raweke hangarau, ki te whakamahi hoki i ngā hangarau ki te whakawhanake i tana mōhio ki aua hangarau ka tahi, ka rua ki te hāpai i a ia e ako ana mō ngā tūmomo toi. Ngā ataata Ringa Auaha, Ringa Tōhau Nui - hei hāpai i te aro ki ngā tūmomo toi me te takoto o tētahi ‘pūnaha hanga auahatanga’ hāngai. Aromatawai Hurihanga Pakirehua. Aromatawai whaiaro - mā te ākonga tonu e tautohu i ōna matea ako me tana tutuki whāinga. Te hanga auahatanga - ka whakaritea he paearu. Te ngahau - ka whakaritea he haepapa mā ia tamaiti, ā, mō ia tamaiti he paearu. PouAko HAPorI rautaki 12 Ngā kōrero onamata Te tukuihotanga o ngā toi a te Māori Ka pōhiritia ētahi mātanga kōrero onamata mō te iwi Māori ki te taki kōrero mō ngā whakapapa o ngā tūmomo toi a te Māori. Te mahi a te ākonga: 1. Whakaaturia ngā kōrero ki ngā tānga; 2. Tuhia he kupu hei taunaki i te tānga; 3. Whakaahuatia ngā tānga, hangaia he pukapuka-e me te iPapa, te tīpapa rānei; me te waea pūkoro; me tētahi kātū hangarau e āhei ana te hopu whakaahua, te patopato kupu, te hanga pukapuka hoki. 4. Ka noho ēnei hei pūtea kōrero onamata mā te kura ka tahi, ka rua ka noho hei pukapuka rangahau mā ngā ākonga. Ka pā tēnei ngohe ki ngā whāinga mō te Toi Ataata me te Toi Puoro mō te wāhi ki te whakapapa o ngā toi me ngā hangarau. Ngā pūnaha hanga auahatanga Kia mātakina ngā ataata Ringa Auaha, Ringa Tōhau Nui, kia kōrero hoki ki ētahi ringa toi, ka whai take tēnei ngohe ako. Anei ētahi pātai e tika ana kia whakautua e ngā ākonga e whakarite ana ki te whakatakoto pūnaha hanga auahatanga ka tahi, ki te hanga auahatanga ka rua. 1. He aha te hua i te mutunga iho? 2. He aha ngā wāhanga matua e tika ana kia āta whakaarohia, kia āta whakaritea? Koinei ngā wāhanga matua o te pūnaha. 3. E tutuki ai ngā whāinga o tēnei ngohe me whai tautoko i hea, i a wai rānei? Āpitihia he pātai anō e ai ki ngā matea ako o ngā ākonga. Ko te whāinga ia, mā te ākonga e whiriwhiri te/ngā tūmomo toi ataata/puoro e hiahia ana ia ki te whai, kātahi ka whakatakoto pūnaha hanga auahatanga mōna ake. ngohe 13 Ngā hanga auaha Kei ngā pukapuka nei ētahi ngohe tino pai mō te whatu me te raranga: He Toi Ataata, He Mana Tangata - Whakairo, Raranga Kōeke 1-4 He Toi Ataata, He Mana Tangata - Whatu, Waituhi Kōeke 1-4 (He mea tono ēnei i te pae tukutuku Down the Back of the Chair.) Me rapu tangata ka tautoko i ngā mahi ako: whakaahua patu oro patu pahū raranga whatu. Me toro ki ngā whare whakakite toi, ngā whare pupuri taonga me ngā whare hopu oro. Ngā ataata Ringa Auaha, Ringa Tōhau Nui ERENA ARAPERE www.tmoa.tki.org.nz/Kura/He-Anga-Ako-ma-te- Pouako/Erena-Arapere DJ REVERE MCGREGOR www.tmoa.tki.org.nz/Kura/He-Anga-Ako-ma-te- Pouako/Revere-McGregor DAMIAN MCGREGOR www.tmoa.tki.org.nz/Kura/He-Anga-Ako-ma-te- Pouako/Damian-McGregor KARANGAWAI MARSH www.tmoa.tki.org.nz/Kura/He-Anga-Ako-ma-te- Pouako/Karangawai-Marsh He ataata ēnei e hāngai pū ana ki: ngā ringa toi Māori te pūnaha hanga auahatanga ngā āhuatanga toi o nāianei rā He nui te whai take o ēnei ataata ki ngā ēnei mahi ako. He ngahau kei te haere! Kia mutu ngā mahi ako e pā ana ki ngā tūmomo toi, kia oti hoki i ngā ākonga tētahi hanga te waihanga, ka whakarite kaupapa hei kōkiri mā rātou ki te whakaatu i ngā akoranga ki te marea, ki te mihi hoki ki te hunga nā rātou ngā ākonga i tautoko. Koinei ngā kōwhiringa: he konohete he whakakitenga toi he kanikani. Ka riro mā ngā ākonga e whakarite - ka whāia ā rātou pūnaha hanga auahatanga kia tutuki pai ai. Te rangahau He nui ngā ara rangahau. Mā tēnā ākonga e whiriwhiri he aha te/ngā ara pai mōna ake. I mua i te rangahau me tutuki i a ia te hurihanga pakirehua. kuPu TAkA reo māorI reo PākeHā hapori matihiko online community Hurihanga Pakirehua; hurihanga pakirehua Inquiry Cycle - learning and teaching matea ako learning need whakakitenga vision; goal ngā PŪTAukī TA - Toi Ataata TP - Toi Puoro MATR - Ngā Mahi a te Rehia TMoA - Te Marautanga o Aotearoa rAuemI Tānga nā Te Tāhuhu o te Mātauranga Te Marautanga o Aotearoa He Ara Ako i te Tuhituhi me te Pānui He Manu Tuhituhi Pukapuka Ngā Pēpeha a ngā Tīpuna Papakupu He Pātaka Kupu Mai i te Kākano Rauemi matihiko, ā-ipurangi hoki Down the Back of the Chair ki http://www.thechair.co.nz/ Te Marautanga o Aotearoa ki http://tmoa.tki.org.nz/ Matapaki – he ataata reo Māori e whakaatu ana i ngā whakaaro o ētahi o te ao mātauranga, o te ao matihiko hoki mō te ako i te reo, te whakamahi rawa hangarau, te whakarauora reo hoki http://edtalks.org/channel/matapaki He rauemi whakamahere ako, he rauemi whakatakoto whakaakoranga, he rauemi hangarau kei VLN - He kōtuinga ako ā-ipurangi ki http://www.vln.school.nz/ 15 16