TMoA RSS Feed TMoA RSS Feed He Rauemi Tautoko Mā Ngā Kura Māori Hei Ārahi i ngā Tikanga Aromatawai, Tikanga Pūrongo hoki Hei wāhi o ngā tautoko moroki a te Tāhuhu mā ngā kura me ngā horopaki arareo Māori, kua whakaritea e mātou te rauemi e kīa nei He Rauemi Tautoko Mā Ngā Kura Māori Hei Ārahi i ngā Tikanga Aromatawai, Tikanga Pūrongo hoki.  Te whakahōunga o Te Waharoa Ararau Kua whakahōungia a Te Waharoa Ararau e Te Tāhuhu o te Mātauranga otirā, kua whakaputaina i te rangi nei. Kia whānui ake te tirohanga ki ngā whakatutukitanga o ngā ākonga i Te Marautanga o Aotearoa, e whai māramatanga ai ki ngā āhuatanga ka whakapakarihia, ka tautokona rānei. Hangarau Matihiko Kua whakahoutia te marautanga Hangarau. Kei tēnei pae tukutuku ētahi rauemi hei āwhina i ngā kaiako ki te whakatinana i  te aho Hangarau Matihiko.   Hītori Māori - Ngā mahi whakaari a te Māori He hītori Māori he hokinga mahara. Kua whakaarahia tēnei pae tukutuku hei whakawātea ki a koe i ngā rauemi e hāpai ake ai tō whakaako i Te Takanga o te Wā: Ngā Hītori Māori –  He Pukapuka Aratohu mā te Pouako: Tau 1–8.  Te Ahunga Whakamua – Te whakakore i Ngā Whanaketanga Rumaki Māori Ka mahi tahi Te Tāhuhu o te Mātauranga ki te rāngai, ki ngā mātua, ki ngā whānau ki te whakakore i Ngā Whanaketanga Rumaki Māori.  He Reo Mōteatea Ko te kaupapa whānui o ēnei kōwae ako ko ngā mōteatea – ‘Pōpō!’, ‘Ka Eke ki Wairaka’, ‘Tirotiro Kau Au’ – me te haka taparahi, ‘Rūaumoko. E aro ana tēnā kōwae me tēnā kōwae ki tētahi (ki ētahi rānei) o ngā taumata (1 ki te 4) o Te Marautanga o Aotearoa He Rau Taki Kōrero I tapaina tēnei rauemi ko He Rau Taki Kōrero, he rau nō ngā huarahi ako hei taki i te reo-ā-waha o te ākonga. He raurau hoki tēnei, he ipu e kawe nei i ētahi akoranga hei tautoko i a Whakarongo me Kōrero, hei kinaki anō i ērā atu marau e whakahaerehia nei i te kura, i hea atu rānei. Ākona te Tau: Hine Raumati Ko te kaupapa whānui o ēnei kōwae ako e whā ko Hine Raumati. E aro ana tēnā kōwae me tēnā kōwae ki tētahi o ngā taumata (1 ki te 4) o Te Marautanga o Aotearoa. Kua tuhia ngā kōwae ako ki tō te Māori titiro, he ako ā-kaupapa te āhuatanga, ka whakawhiti hoki i te maha o ngā wāhanga ako. Heoi anō, ahakoa e whakawhiti ana ngā ngohe nei i ngā wāhanga ako, kua kōwhiria kia ākina te reo ā-waha i roto i te akomanga – e rua, e rua ko te reo ōpaki me te reo ōkawa.  Tihei Pāngarau: Te Ahumoni, Taumata 4, e-ako 1 Ko te akoranga matihiko tuatahi tēnei o roto i tētahi kohinga e aro ana ki te Mātau Ahumoni. E noho mai ana tēnei kohinga hei peka o ngā rauemi ako o Tihei Pāngarau. He akoranga pāhekoheko.  Pōtiki: He Aratohu mā te Pouako He tātaritanga tēnei o te pakimaero o Pōtiki, me ōna tū āhuatanga pēnei i ngā whainga matua, ngā waipaki, ngā kiripuaki, te reo, ngā tūwāhi, ngā momo pūkenga tuhinga, te hiahia o te kaituhi, ngā pūkenga matua me te matatau e whārikihia ai te wāhanga ako o Te Reo Māori mai i Te Marautanga o Aotearoa, ka whai atu anō ngā  tūmahi whakaako, akoako hoki, tae noa ki ngā tūmahi aromatawai. Mātaki mai ana te Ao: te Tawhio Pihirei o 1981 Kua whakawhanakehia e Huia NZ Ltd tētahi rauemi matarau mō ngā ākonga o te wharekura. Mā te rauemi nei e hāpai ake i ngā kaiako ki te whakawhanake i ngā pūkenga rangahau, me ngā pūkenga reo, e kounga ake ai ngā mahi i te akomanga. Te Reo ā-Waha: He Aratohu mā te Pouako He rauemi matihiko tēnei e taea ai e te kaiako te whakapakari i te reo ā-waha o te ākonga mā ngā ngohe reo ā-waha me ngā ngohe whakarongo. Mā ngā ākonga kei ngā taumata 1–4 o Te Marautanga o Aotearoa me ngā whakaakoranga rūmaki reo Māori taumata 1–2 tēnei rauemi. E toru ngā kōwae ako mā ngā taumata e toru: Tau 1–3, Tau 4–6, me te Tau 7–8. E rima ngā ngohe mā ia taumata. Toi Te Kupu 102, Te Putanga 2, 2016 He niupepa reo Māori a Toi Te Kupu hei pānui mā te hunga taiohi. I tēnei putanga ka tirohia te tauwhainga ā-motu waka ama mō ngā kura tuarua 2016. Ka whakawāhia, ka uia hoki a Moana Jackson e Toi Te Kupu mō te kaupapa TPPA.  Tāiki E! Te Putanga 2, 2016 He moheni reo Māori a Tāiki E! hei pānui mā ngā ākonga i ngā kura reo Māori huri noa i te motu. I tēnei putanga ka tirohia ngā kararehe hārakiraki me ō rātou tinana mīharo rawa, tae noa ki ngā mahi rangahau mō ngā kararehe e kaha tautoko ana i ngā mahi rangahau i roto i ngā hōhipera. Ko Te Kura Kaupapa Māori o Te Kōtuku te kura e whakaaturia ana i tēnei putanga. Ka kitea hoki he tohu tao, he pāwhatiwhati, he arotake kiriata, me tētahi kōrero mō te whetū kiriata a Julian Dennison mai i Hunt for the Wilderpeople. Rūaumoko – Te Reo Haruru Rūaumoko – Te Reo Haruru - He pukapuka matihiko pāhekoheko mō te ako e takina ana e ētahi ākonga Māori e turi ana i Te Reo Turi reo Māori/Te Reo Turi o Aotearoa.Rūaumoko – The Rumbling Voice, is an interactive educational digital book narrated by Deaf Māori students in Te Reo Turi/New Zealand Sign Language. Paekupu Paekupu is a new website that will house all dictionaries that support the implementation of Te Marautanga o Aotearoa. The dictionaries will identify and provide detailed explanations of the technical language used within each learning area of the marau and provide examples of how the terminology can be used within a learning context. Hou Mai: Discovering Māori Medium Education If you are considering the benefits of a Māori education for your whānau, we invite you to enter this whare kōrero. It is a house of opinion and discussion that we hope inspires you. He Anga Ako mā te Pouako Ko te whāinga o tēnei rauemi, o He Anga Ako mā te Pouako, ko te whakatakoto i tētahi huarahi e pai ai tā te pouako whakamahere ako mō te hunga Tau 4-6 kei ngā arareo mātauranga Māori puta noa. Kei te taumata 2-3 o Te Marautanga o Aotearoa te aronga mō tēnei rauemi. Takatū Ake! Putanga 2 Ko Te Haumanutanga te kaupapa matua i tēnei putanga tuarua. Kia pai mai hoki! Takatū Ake! E te tī, e te tā, tirohia tēnei moheni pāhekoheko hou! Ūana te wehi!