Aku kanohi kau : - waiata and haka lyrics Tāmata Toiere English Māori Menu Ako Kāinga He kōrero mō te paetuku Ngā Rauemi Tirotiro NGĀ MEA HOU MOMO KAITITO KAPA HAKA TAU Rapua Rapua Ētahi atu kōwhiringa Hononga Koha mai Whakapā mai Aku Kanohi Kau - Tā Tīmoti Kāretu Kaitito Tīmoti Kāretu 1937 - I whānau mai ai a Tīmoti Karetu i te tau 1937, he uri ia nō Ngāi Tūhoe rāua ko Ngāti Kahungunu. He mātanga ia o te reo Māori, he tohunga tito waiata, he tohunga hoki ia ki ngā waiata me ngā haka a tāua, a te Māori. Ka mutu, e mōhiotia whānuitia ana ia ki ngā tōpito o te ao mō tāna whakapeto ngoi ki te whakarauora i te reo Māori. Pānui tonu Ngā waiata a te kaitito Whakaipuipu        Whakaipuipu mai rā te moana kei waho e        E āki kau ana ki Te Toka-namu-a-Mihi-marino        Ki uta rā, ki Pākirikiri e        Ko te rite o te wai kei aku... haere tonu E nanawe ake ana i ahau          E nanawe ake ana i ahau          Te aroha, te mamae, te pōuri          Ki te ngako, ki te matū          O te ao Māori 5        E ngaro nei, e ngaro nei          Ki... haere tonu E noho ana          E noho ana i te ranga māheuheu          Ka titiro whakarunga ki ngā whetū o te rangi          Āritarita noa , āritarita noa          Engari tē riro mai ki te kapu... haere tonu Te Ipukarea Aku kanohi kau Kaitito: Tīmoti Kāretu, Tau: 1981 Momo: Waiata-ā-ringa Namatoro: KAR005 Ngā Kupu        Ko aku kanohi kau te whakahaere ana rā        runga i ngā hiwi        Engari tē kitea atu e au i te iringa o te        wai i te kamo 5     Te tohu o te aroha ki te hunga ka momotu        ki tawhiti        Nā rātou nei te kōrero,        'E tā mā, tangata i akona i te whare        Te tūnga ki te marae tau ana' 10   Tēnei au te tū nei i runga i te marae        Engari e kore e tau taku tū ki te kore        koutou, te hunga pakeke,        E āwhina mai i ahau ki te whakatutuki i        te kupu a te hunga mate 15   Mā koutou kē hoki e huaki mai ngā whare        pā, e homai ngā taonga        Kia pakari ai taku tū i roto i tēnei wā        Otirā, nā Pōtatau te kōrero ki a Tanirau,        'E Tā, kua tō te rā' 20   Ka whakahokia e Tanirau,        'E tō ana i te ahiahi, e ara ana i te ata'        Āe rā, e aku pakeke, kua tō haere te rā        o te ao tawhito        Kua ara mai ko te rā o te atatū hou 25   Nā reira i huri ai aku kanohi ki ō tātou        taumata whakahuahua        Kei reira he whakahau, he oranga mōku        Ahakoa pēhea te uaua, te taumaha o te        pīkaunga i ngā taonga nei 30   Ka tutuki tonu i ahau        Ko au hoki te uri o te hunga nā rātou nei        tēnei ōhākī,        'He nui maunga e kore e taea te whakaneke,        He nui ngaru moana, mā te ihu o te waka e wāhi' Ngā whakamārama I te tau 1981 koinei te waiata ā-ringa i titoa mō ngā whakataetae whakanui i te whakawahinga o Te Ata-i-rangi-kaahu.  Ko te rangi nā ngā akonga tonu. © 2019 Tāmata Toiere - waiata and haka lyrics VO2 web design