Aue! Taukuri! : - waiata and haka lyrics Tāmata Toiere English Māori Menu Ako Kāinga He kōrero mō te paetuku Ngā Rauemi Tirotiro NGĀ MEA HOU MOMO KAITITO KAPA HAKA TAU Rapua Rapua Ētahi atu kōwhiringa Hononga Koha mai Whakapā mai Aue, taukuri! - Tā Tīmoti Kāretu Kaitito Tīmoti Kāretu 1937 - I whānau mai ai a Tīmoti Karetu i te tau 1937, he uri ia nō Ngāi Tūhoe rāua ko Ngāti Kahungunu. He mātanga ia o te reo Māori, he tohunga tito waiata, he tohunga hoki ia ki ngā waiata me ngā haka a tāua, a te Māori. Ka mutu, e mōhiotia whānuitia ana ia ki ngā tōpito o te ao mō tāna whakapeto ngoi ki te whakarauora i te reo Māori. PÄnui tonu Ngā waiata a te kaitito Whakaipuipu Whakaipuipu mai rā te moana kei waho e E āki kau ana ki Te Toka-namu-a-Mihi-marino Ki uta rā, ki Pākirikiri e Ko te rite o te wai kei aku... haere tonu E nanawe ake ana i ahau E nanawe ake ana i ahau Te aroha, te mamae, te pōuri Ki te ngako, ki te matū O te ao Māori 5 E ngaro nei, e ngaro nei Ki... haere tonu E noho ana E noho ana i te ranga māheuheu Ka titiro whakarunga ki ngā whetū o te rangi Āritarita noa , āritarita noa Engari tē riro mai ki te kapu... haere tonu Te Ipukarea Aue! Taukuri! Kaitito: Tīmoti Kāretu, Tau: 1982 Momo: Waiata-ā-ringa Namatoro: KAR004 Ngā Kupu Aue! taukuri aku taumata kōrero Aue! taukuri aku taumata kōrero Ka kai atu rā aku mata ki te mokopuna a te motu 5 Te mauri i pōtaea, Te Ata-i-rangi-kaahu Ki te tihi tapu e moe nei ngā rangatira Ki te wai tipua e rere nei Ka tau mai ai ki runga o Tūrangawaewae Tiro atu ki te huinga tangata 10 Ka kimi kau ake i ngā kākā waha nui, I ngā puna mātauranga o te ao tawhito Ka kimi, ka kimi tē kitea I roto i te ngahurutanga o ngā tau Pau puku ana rātou ki te pō 15 Papā te whatitiri, Hikohiko te uira Ka horo ngā tihi maunga Ka haruru te whenua Koinei rā ō rātou tohu i te haerenga 20 Mōwai ana te whenua e takoto nei Āe, e tātou mā, te mūrau a te tini Te wenerau a te mano E noho ana tātou i te raru, i te pani Nō reira, whītikiria te hope ki te maurea whiritoi 25 Nanaiore ki te aka matua Kia puritia te aho wānanga Hei kawe i te kura huna Hei kupu taurangi ki muri nei, 'He kākano rangatira 30 E kore e ngaro' Hei! NgÄ whakamÄrama Ko tēnei waiata ā-ringa i titoa hei mihi mā ngā akonga o Te Whare Wānanga o Waikato ki a Te Ata-i-rangi-kaahu me tōna iwi i te hui whakanui i tōna whakawahinga i te tau 1982. © 2019 Tāmata Toiere - waiata and haka lyrics VO2 web design