E Te Pouaka Whakaata Māori : - waiata and haka lyrics Tāmata Toiere English Māori Menu Ako Kāinga He kōrero mō te paetuku Ngā Rauemi Tirotiro NGĀ MEA HOU MOMO KAITITO KAPA HAKA TAU Rapua Rapua Ētahi atu kōwhiringa Hononga Koha mai Whakapā mai Te Iti Kahurangi - E Te Pouaka Whakaata Māori Kaitito Kīngi Kiriona Kua hau ngā rongo o Kingi Kiriona (nō Ngāti Ruanui, Ngā​ti Kahungunu, Ngāti Apa) mō ā​na titonga waiata, mo āna mahi whaikōrero me āna mahi a Rēhia anō hoki.  I puta tuatahi ai tōna rongonui i te wā e kuraina tonutia ana ia,  ka eke ia ki ngā taumata whakaihuwaka o ngā whakataetae Manu Kōrero mō te wāhanga reo Māori me te wāhanga reo Pākeha.  Ko taua momo rā i kawea atu e ia ki ngā whakataetae kapa haka ā-rohe tatū atu ki Te Matatini.  Pānui tonu Ngā waiata a te kaitito Te Piki Tūranga                Tērā koia ko Okewa                Te parekawakawa ki a Taupiri               ​               Haea iho nei e te ata                Mōhou e taku Arikinui ​5... haere tonu Te Hono ki Rarotonga                Tūrou!  Tūrou! ​               E noho ana i te toka ki Ngātangiia e ​               Te iringa tēnā o Tainui e                I Te Moana-nui-a-Kiwa ​5      ... haere tonu Te Ōhākī o Wiremu Tāmehana                Ringa pākia!                Te ōhākī o Wiremu Tāmehana                I tutuki i a Tupu Taingākawa ​               Ko Kīngi Mahuta kei tōna māhunga ​5      ... haere tonu Te Ipukarea E Te Pouaka Whakaata Māori Kaitito: Kīngi Kiriona, Tau: 2015 Momo: Haka - Haka Taparahi Namatoro: KIR008 Ngā Kupu                E Te Pouaka Whakaata Māori!                Kāore koa taku hōhā                Te kūhīhī nei i roto i ahau ​               Ka ngau ki taku puku, a haha! ​5             Kīia mai nei koe ko Whakaata Māori                Engari huri kē ana, kua Pākehā kē ngā whakaaro                Te atawhai nei ki te tūraki, ki te haehae                Ki te patu i te Māori ki raro ​               Ki te pūranga paru, a haha! ​10           Hōhonu kakī, tē ngata te hiahia                Auē taukuri e!                Torona kei waho!  Kei waho kei te rau mamao, hi!                Tahi ka riri, toru ka whā!                Homai ō kupu mō Awanuiārangi ​15           Kia wetewetea!  Wetewetea!                Ara tū, ara tē, ara tau!                Tahi ka riri, toru ka whā!                Homai ō kupu mō Te Kōhanga Reo                Kia wetewetea!  Wetewetea! ​​20           Ara tū, ara tē, ara tau!                Tahi ka riri, toru ka whā!                Homai ō kupu mō taku Kīngi, mō tana whānau                Mō tana tama a Korotangi  kia wetewetea! ​               Wetewetea!  Ara tū, ara tē, ara tau hā! ​25           Kīia mai nei koe, nā tātou!                Kīia mai nei koe, mā tātou!                Kīia mai nei koe, mō tātou! ​               E hawa, e hawa!                E Te Pouaka Whakaata Māori! ​30           Noho tonu koe i roto i te pouaka!                He pouaka whakaata te pouaka! ​               He pouaka makariri te pouaka!                Puta mai koe i te pouaka!                Inā riwha kore, pouakatia! ​35           Inā riwha kore, taupokihia!                Inā riwha kore, tāpukengia!                Kia tupuria e te tupu hōu                Hōu, hōu, hōu ake nei!                Ara tū, ara tē, ara tau! ​40           Whakawetohia, hi! Ngā whakamārama He kupu ueue, he kupu patou, he whakatara ki a Whakaata Māori kia mutu te whaiwhai i tā te Pākehā titiro ki ngā take Māori.  He whakatītina hoki kia kimihia mai te ara o te tikanga e Māori ai tāna noho, kia ea ai te kōrero ‘nā tātou, mā tātou, mō tātou’. © 2019 Tāmata Toiere - waiata and haka lyrics VO2 web design