Te Ōhākī o Wiremu Tāmehana : - waiata and haka lyrics Tāmata Toiere English Māori Menu Ako Kāinga He kōrero mō te paetuku Ngā Rauemi Tirotiro NGĀ MEA HOU MOMO KAITITO KAPA HAKA TAU Rapua Rapua Ētahi atu kōwhiringa Hononga Koha mai Whakapā mai Te Ōhākī o Wiremu Tāmehana Kaitito Kīngi Kiriona Kua hau ngā rongo o Kingi Kiriona (nō Ngāti Ruanui, Ngā​ti Kahungunu, Ngāti Apa) mō ā​na titonga waiata, mo āna mahi whaikōrero me āna mahi a Rēhia anō hoki.  I puta tuatahi ai tōna rongonui i te wā e kuraina tonutia ana ia,  ka eke ia ki ngā taumata whakaihuwaka o ngā whakataetae Manu Kōrero mō te wāhanga reo Māori me te wāhanga reo Pākeha.  Ko taua momo rā i kawea atu e ia ki ngā whakataetae kapa haka ā-rohe tatū atu ki Te Matatini.  Pānui tonu Ngā waiata a te kaitito Te Piki Tūranga                Tērā koia ko Okewa                Te parekawakawa ki a Taupiri               ​               Haea iho nei e te ata                Mōhou e taku Arikinui ​5... haere tonu Te Hono ki Rarotonga                Tūrou!  Tūrou! ​               E noho ana i te toka ki Ngātangiia e ​               Te iringa tēnā o Tainui e                I Te Moana-nui-a-Kiwa ​5      ... haere tonu Te Ōhākī o Wiremu Tāmehana                Ringa pākia!                Te ōhākī o Wiremu Tāmehana                I tutuki i a Tupu Taingākawa ​               Ko Kīngi Mahuta kei tōna māhunga ​5      ... haere tonu Te Ipukarea Te Ōhākī o Wiremu Tāmehana Kaitito: Kīngi Kiriona, Tau: 2011 Momo: Waiata-ā-ringa Namatoro: KIR004 Ngā Kupu                Ringa pākia!                Te ōhākī o Wiremu Tāmehana                I tutuki i a Tupu Taingākawa ​               Ko Kīngi Mahuta kei tōna māhunga ​ 5             Tana tī kōuka kei Rukumoana                Ehara!  He tī e wana ake;                Ka wana mai ko Tarapīpipi                I kāwhakina e Kīngi Korokī                Ki runga Taupiri moenga ariki ​​10           Wāhia te tūngaroa o te whare                Ka puta tokotoru ture tapu e                Ko Taawhe he tangata whakapono ​               Te Waharoa he tangata whakairo ​               Ko Tahiwaru he tangata hūmārie ​ 15           Ngā pou o roto he māhoe, he patatē                Ringa pākia!                Ko Ranginui te piki tūranga                Ka riro ki a Waikato te torona ​               Engari anō te whakawahi Kīngi e ​20           Kei runga i ahau pakaru noa e                Ka pakaru mai a Koro Wiripoai                Nō reira rā Papa Ānaru                Kei ō ringa te mana me te tapu ​               Kia kaha rā Ngāti Hauā ​25           Ngā kaitiaki o te tumuakitanga                Te ōhākī o Wiremu Tāmehana                Kei Rukumoana, kei taku manawa Ngā whakamārama I te marama o Pēpuere, o te tau 2011, i ārahina ai mātou e te kaiwhakawāhi kīngi o Waikato, e Ānaru Tāmehana ki te wharepāremata Māori tuatahi (e ai ki ngā kōrero), ki Te Kauwhanganui. E tū tata ana tēnei whare ki tō mātou kāinga, ki te marae o Rukumoana, ka mutu, tokoiti noa nei e tukuna ana kia kuhu atu.  Kia tomo tuatahi atu ana mā ngā kuaha, pīrata mai ana te rārangi whakaahua o ngā rangatira kaiwhakawahi kīngi, e iri huatau mai ana i ngā pātū o te whare matua o Te Kauwhanganui. I reira whānau mai ai te whakaaro kia titoa tētahi waiata hei whakanui i tēnei tātai rangatira. Waihoki, ahakoa te mahi a te waiata kua titoa mō te rārangi kīngi, ko te āhua nei he ruarua, korekore ana rānei, ngā waiata e pā ana ki te rārangi kaiwhakawahi kīngi o Rukumoana nā rātou te haepapa kia whakawahi i te arikinui e whai mai ana. I homai ngā kōrero o te waiata nei e te kaumātua, e Rubel Rāpana. E tākina ana te rārangi kaiwhakawahi kīngi, ā hoki rawa atu ki a Wiremu Tāmehana, nāna te kīngi Māori tuatahi, a Kīngi Pōtatau Te Wherowhero, i whakawahi. 4. Ko Kīngi Mahuta kei tōna māhunga According to Ngāti Hauā, when the third Māori king Mahuta passed away, the Kingmaker at the time – Tupu Taingākawa – requested that a memorial be erected in his name.  The wife of King Mahuta, Te Marae, responded by asking where the memorial should be erected.  Tupu answered ‘put it on my head’.  Not long after, Tupu passed away, and in accordance with his request, a statue of King Mahuta was built on top of his final resting place at Rukumoana, where it remains today. 20. Kei runga i ahau pakaru noa e  Taken from a quote by Tupu, which reads: ‘Waikato, take what you want.  But as for the role of Kingmaker, that will remain here with me until it is broken’. © 2019 Tāmata Toiere - waiata and haka lyrics VO2 web design