Te Harihari Kōrero : - waiata and haka lyrics Tāmata Toiere English Māori Menu Ako Kāinga He kōrero mō te paetuku Ngā Rauemi Tirotiro NGĀ MEA HOU MOMO KAITITO KAPA HAKA TAU Rapua Rapua Ētahi atu kōwhiringa Hononga Koha mai Whakapā mai Te Iti Kahurangi - Te Harihari Korero Kaitito Kīngi Kiriona Kua hau ngā rongo o Kingi Kiriona (nō Ngāti Ruanui, Ngāti Kahungunu, Ngāti Apa) mō āna titonga waiata, mo āna mahi whaikōrero me āna mahi a Rēhia anō hoki. I puta tuatahi ai tōna rongonui i te wā e kuraina tonutia ana ia, ka eke ia ki ngā taumata whakaihuwaka o ngā whakataetae Manu Kōrero mō te wāhanga reo Māori me te wāhanga reo Pākeha. Ko taua momo rā i kawea atu e ia ki ngā whakataetae kapa haka ā-rohe tatū atu ki Te Matatini. PÄnui tonu Ngā waiata a te kaitito Te Piki Tūranga Tērā koia ko Okewa Te parekawakawa ki a Taupiri Haea iho nei e te ata Mōhou e taku Arikinui 5... haere tonu Te Hono ki Rarotonga Tūrou! Tūrou! E noho ana i te toka ki Ngātangiia e Te iringa tēnā o Tainui e I Te Moana-nui-a-Kiwa 5 ... haere tonu Te Ōhākī o Wiremu Tāmehana Ringa pākia! Te ōhākī o Wiremu Tāmehana I tutuki i a Tupu Taingākawa Ko Kīngi Mahuta kei tōna māhunga 5 ... haere tonu Te Ipukarea Te Harihari Kōrero Kaitito: Kīngi Kiriona, Tau: 2007 Momo: Poi Namatoro: KIR001 Ngā Kupu Kua rongo rānei koe? Kua wehe atu tana wahine Kei te mahi tarau makere Kua rongo rānei koe? 5 A tēnā kua peke taiapa kē Kua kuīni kuīni, e kare! I ahu mai i te ngutu kuia I te ika haehae kupenga I te wahine pihareina e 10 Ko te nanakia rā Ko te harihari kōrero Nāwai i kōhimuhimu Kātahi ka hē kē atu Me taringa kirirua e 15 Nāwai i kōrero tika Kātahi ka kōrero teka Kaua e taringa hōkeke Kua rongo rānei koe? Kua tino tūpuhi rawa e 20 I te moe pūremu, tāhae Kua rongo rānei koe? A tēnā kua pukunati e Kua hapū he pōriro, auē! Mehemea koe ka whakarongo 25 Kaua rawa e whakapono Kia pā te waha o te hoiho e Mō te nanakia rā, Ko te harihari kōrero Mehemea mōu ngā kōrero 30 Me taringa kōhatu, taringa mārō Ka whakarongo uka atu e Kei noho ka hīrawerawe Kia mau ki te rangimarie, me te aroha NgÄ whakamÄrama He whakautu tāunu tēnei poi, engari anō te rangi me tōna wairua, he ngahau, he hīanga, he whakanene. Te kaupapa ia, he whakaohiti i te kino o te waha rere, o te harihari kōrero. Ā, he whakatenatena i te hunga ka noho ko rātou te papa ki te mahi nei, kia mau ki te rangimārie me te aroha! Rangi: Te Waipounamu Teinakore, Te Manawaroa Teinakore © 2019 Tāmata Toiere - waiata and haka lyrics VO2 web design