Whakataurangi Ake : - waiata and haka lyrics Tāmata Toiere English Māori Menu Ako Kāinga He kōrero mō te paetuku Ngā Rauemi Tirotiro NGĀ MEA HOU MOMO KAITITO KAPA HAKA TAU Rapua Rapua Ētahi atu kōwhiringa Hononga Koha mai Whakapā mai Kaitito Charles Tauhou (Pumi) Taituha 1930 - 1993 Ko Pumi te matāmua o Charles Tauhou Taituha rāua ko Emily Pane Hemara. I tupu ake ia ki Rangitoto, ki Otewa me Rereahu Ka pakeke haere ia ka wehe atu ia hei hoia ki roto i te pakanga ki Korea. Ka mutu ana te pakanga ki Korea ka hoki atu ia ki Te Waipounamu noho ai.  I a ia ki reira nā te nui o tōnā aroha ki ngā mahi waiata ka whakatūria e ia ko ētehi pēne whakangahau, ka whakatūwhera hoki ko ētehi pāparakāuta.  I a ia hoki e noho ana ki Te Waipounamu i te noho atu tōna whāea ki te taha o Pakuwera Katu i Oparure, Ka mate a Pakuwera i te Koroneihana o Kīngi Korokī, ka mutu i tōnā tangihanga tonu i Oparure, ka karangahia a Pumi kia hoki atu ki Maniapoto kia noho atu ia ki raro i ngaa parirau a ōnā karanga whāea a te tohunga a Naki Kino, a Kehu Te Whare rātou ko tōnā karanga matua a Te Kohinga ki roto tonu i a Rereahu, Ka ākona e ia ko ngā tikanga tawhito, ko ngā karakia tawhito, i whai wāhi atu hoki ia me rātou ki te whare wānanga o Miringa Te Kakara.  Nāwai, nāwai ka whaka te raki tōnā haere ki Ngāpuhi hei tuuhono atu ki oonā hereherenga ā whakapapa ki reira. I ngā tau whitu tekau tae atu ki tōnā matenga ka tū a Pumi hei kai kōrero mō Te Arikinui Te Atairangikaahu. I roto hoki i ērā wā ka whakatūria e ia ko ngā wānanga hei whakarauora i ngā tikanga me ngā karakia tawhito o Tainui waka Ko ōna mōhioranga ki ngā whakapapa me ngā mahi wairua ka rāngona, ka kitea tonutia ki roto i ngōna waiata ka waiatatia tonutia o runga i ngā marae maha puta noa i te waka o Tainui otirā te motu whānui.  He tangata manawanui, he tangata piri pono ki te Kīngitanga. Ngā waiata a te kaitito Whakataurangi Ake                Whakataurangi ake te here ki taku ate                Pupu ake nei te mauri o te aroha                He hononga ki te iwi kua whakangaro ki te po ​        ... haere tonu Te Ipukarea Whakataurangi Ake Kaitito: Charles Tauhou (Pumi) Taituha, Tau: 1984 Momo: Mōteatea - Waiata tangi Namatoro: TAI001 Ngā Kupu                Whakataurangi ake te here ki taku ate                Pupu ake nei te mauri o te aroha                He hononga ki te iwi kua whakangaro ki te po ​               Te pouriuri, ki te po i oti atu ​5             Kei nga whakaoati i herea ki te rangi                Hei huarahi atu                Tihei mauri ora Ngā whakamārama Ko te waiata tangi nei a “Whakataurangi ake” he mea tito hei whakanui, hei waiata tangi hoki mō ngā taonga a Te Māori i heria atu ki Amerika i te tau 1984. He mana, he mauri, he taketake hoki ngā taonga i whakaatu atu ki tēnei whakaaturanga, arā, ko Uenuku o Tainui tētehi, he mea tūhono ā-wairua, ā-tīnana hoki ki ngaa tūpuna o tēnā iwi, o tēnā iwi. I haere atu ai a Pumi me te tira haere ki Amerika hei kanohi mō te iwi o Tainui, otirā, hei tiaki i te tapu o ngā taonga o roto o taua whakaaturanga. © 2019 Tāmata Toiere - waiata and haka lyrics VO2 web design