He Auahatanga o te Rongomau | First World War Communities Schools Search TKI Search TKI Search Search all of TKI? Navigate in: te reo Māori Tools https://www.tki.org.nz/ Pātene whakatere Te Pakanga Tuatahi o te Ao Kāinga Ngā kaupapa Tuakiri me te Tuku Ihotanga Te whatu hononga Aotearoa i roto i Te Moananui-a-Kiwa Te hohou i te rongo Ngā tirohanga a ngā kirirarau Taumata ā-Tau Ngā paki ā-kura Ngā Ataata Hoki atu ki te tomokanga Hoki atu ki te tomokanga Kāinga Ngā kaupapa Tuakiri me te Tuku Ihotanga Te whatu hononga Aotearoa i roto i Te Moananui-a-Kiwa Te hohou i te rongo Ngā tirohanga a ngā kirirarau Taumata ā-Tau Ngā paki ā-kura Ngā Ataata He Auahatanga o te Rongomau Kaiako' Notes He mahi auaha kua tāraia e wai ringa toi, i mea wāhi puta noa i Aotearoa, i te ao whānui tonu hoki e whakanui ana, e whakamiha ana hoki i ngā tāngata o te pakanga, e whakamomori ana hoki i tō rātou korenga. Tērā ētahi mahi toi e whakatinana ana i ngā whakaaro o te rongomau. Kua kohia ētahi nō ngā tau maha kua hori tae noa mai ki ēnei rangi e whakatairanga ana i te rongomau, ā, koirā ērā e rārangi nei.   Rongomātāne - Te Atua Māori o te Rongomau He mea tango tēnei whakaahua i te pae tukutuku Te Ara.  Me tono whakaae i Alexander Turnbull Library, Te Puna Mātauranga o Aotearoa, i mua i te whakamahinga anō o tēnei whakaahua. Hei Tohu o te Rongomau He pukapuka e whakaatu ana i ngā kaupapa rongomau i tū i te tau 1919 puta noa i te taone o Ōtautahi. Pāwhiritia te honongaitua nei ki te mātai i te katoa o te pukapuka City of Christchurch N.Z. Peace Celebrations (external link) . Nā te Whare Pukapuka o Ōtautahi. N.Z.: peace celebrations. [Peace Celebration Committee, 1919]. Source: Christchurch City Libraries He pouaka pihikete ANZAC tēnei i hokona atu i te tau 2015 hei whakanui i te kotahi rau tau nō te tīmatanga o Te Pakanga Tuatahi o te Ao. He rerekē ngā whakaahua kei ngā taupoki o ēnei pouaka i ō tērā kei te pouaka tiakarete nā Cadbury. He mea whakanui, ehara i te tohu o te rongomau, heoi anō, i te āhua o te whakanui ka rangona te wairua rongomau.   Te Puea Herangi - hei kanohi o te taha whakahē i te pakanga. Te Puna Mātauranga o Aotearoa Alexander Turnbull Library Toronga: PAColl-5584-58 Me tono whakaae i Alexander Turnbull Library, Te Puna Mātauranga o Aotearoa, i mua i te whakamahinga anō o tēnei whakaahua. He auahatanga toi nō ēnei rangi Nō te tau nei, nō 2015, ka whakarewahia tētahi whakakitenga toi, ko ‘Disrupting the Narrative’ tōna ingoa, ko te pakanga me te rongomau ōna mātāpono. Ko ngā ringa toi i hāpai i te whakakitenga nei me ā rātou mahi toi ko Tame Iti rātou ko Brett Graham, ko te kāhui toi e kīia ana ko Mataaho, ko Ati Teepa, ko ētahi atu anō hoki. Kotahi wiki noa iho te roa o te whakakitenga, heoi anō, ko ōna āhuatanga ka maharatia haere ake nei. Ngā kaiwhakarite o te whakakitenga ‘Disrupting the Narrative’ wāhanga o ‘Remember the Peacemakers’ ki Thistle Hall, ki Te Whanganui-a-Tara i te mutunga wiki ANZAC 2015. Anei ētahi o ngā mahi toi o te whakakitenga ‘Disrupting the Narrative’, wāhanga o te whakaaturanga matua ‘Remembering the Peacemakers’ i tū ki Thistle Hall, Te Whanganui-a-Tara, i te marama o Poutūterangi 2015 ki te marama o Haratua 2015. E rua ngā mahi toi kei tēnei whakaahua. Me āta titiro e kite ai koe. Ko te whakairinga nui taioreore ko Kaokao #1 (taha matau, e rehurehu ana) kua hangaia me ngā rawa whakaata kua tuituia, ā, he whakairinga pātū te Kaokao #2 (taha mauī ki runga) kua hangaia ki ngā tohu huarahi kua parea ki rahaki. Ehara tēnei mea te rongomau i te āhuatanga hou ki te iwi Māori, waihoki te waihanga toi ki te whakatakoto whakaaro. Pāwhiritia te honongaitua nei ki te mātakitaki i tētahi ataata o ngā ringa toi o te whakakitenga nei e whakamahuki ana i te take mō te whakakitenga me ā rātou mahi, ō rātou whakaaro anō hoki. Ka matapakihia e ngā ringa toi nei te komitinga o te rongomau me ngā mahi toi i te horopaki o te whakakitenga ‘Disrupting the Narrative’ i te mutunga wiki ANZAC. He whakakitenga tēnei e tūhura ana i te wairua whakahē i te whai wāhi o ngā tāngata o Aotearoa i Te Pakanga Tuatahi o te Ao.   He auahatanga toi nō ngā rā o mua He kaka rongomau mā te tamāhine, 1919 I whakanuia te otinga o Te Pakanga Tuatahi o te Ao i tēnā rohe, i tēnā whaitua, i tēnā hapori puta noa i Aotearoa. I kōkiritia ēnei kaupapa whakanui e ngā kaiārahi o Ōtautahi o te wā. I tū ki Ōamaru tētahi Rā Rongomau i te rā tuangahuru mā iwa o te marama o Hōngongoi i te tau 1919. He mea tango tēnei whakaahua i te pae tukutuku NZMuseums Nā te whare pupuri taonga North Otago Museum. Nama kohinga: 1983.248 He aha i kōwhiritia ai ngā tae whero, kahurangi, mā hoki hei tae mō tēnei panekoti? Rangahaua. He pouaka pupuri kai nā Cadbury He pouaka pupuri kai tēnei nā Cadbury i tārai, i hoko atu hoki i te tau 1919, e kīia ana ko ‘Te Pouaka Koha Rongomau nā Cadbury’. Kāore anō kia kite i tētahi hanga pēnei te rite mō te kai e whakatairanga ana i te rongomau i ngā tau tata nei. Ko te tānga kei mua ko the ‘Quadriga’ e kake ana i Te Tīwhana ki Puke Kāwana i Rānana, Ingarangi. He whakaahuatanga tērā tohu o te rongomau i tāraia tuatahitia e te kaitārai rongonui a Kāpene Adrian Jones, M.V.O. He pouaka tiakarete i te tau 1919, he pouaka pihikete i te tau 2015. He aha i kōwhirititia ai tēnei momo hei whakatairanga i te rongomau, i te otinga hoki o Te Pakanga Tuatahi o te Ao? He mea tango ēnei whakaahua i te pae tukutuku NZ Museums http://www.nzmuseums.co.nz/. Nō te kohinga i Waimate Museums and Archives. Nama kohi 2007-010-0001.   THR Kaiako' Notes Ka tirohia i tēnei rauemi: te wāhi ki a Rongomātāne i te rongomau ētahi āhuatanga e tohu ana i te rongomau ētahi ara ako i ngā āhuatanga o te rongomau. Tihau Te Puna Mātauranga o Aotearoa He rauemi anō mō Te Pakanga Tuatahi o te Ao Hapori Kōrerohia tētahi paki mō Te Pakanga Tuatahi o te Ao ki tō hapori He Pae Kōrero He toronga tono āwhina ā-ipurangi Tiritiria Terms and conditions Communities Schools Search TKI Search TKI Search Search all of TKI? Navigate in: te reo Māori Feedback About this site Accessibility Contact TKI Copyright and privacy Help Back to top Search TKI Search TKI Search Loading... Search result for '   ' returned   results. Did you want to Search all of TKI ? Close