He Tohu Pakanga, He Tohu Kapa | First World War Communities Schools Search TKI Search TKI Search Search all of TKI? Navigate in: te reo Māori Tools https://www.tki.org.nz/ Pātene whakatere Te Pakanga Tuatahi o te Ao Kāinga Ngā kaupapa Tuakiri me te Tuku Ihotanga Te whatu hononga Aotearoa i roto i Te Moananui-a-Kiwa Te hohou i te rongo Ngā tirohanga a ngā kirirarau Taumata ā-Tau Ngā paki ā-kura Ngā Ataata Hoki atu ki te tomokanga Hoki atu ki te tomokanga Kāinga Ngā kaupapa Tuakiri me te Tuku Ihotanga Te whatu hononga Aotearoa i roto i Te Moananui-a-Kiwa Te hohou i te rongo Ngā tirohanga a ngā kirirarau Taumata ā-Tau Ngā paki ā-kura Ngā Ataata He Tohu Pakanga, He Tohu Kapa Kaiako' Notes Inā te huhua o ngā tohu kei ngā kara, ngā waka, ngā utauta, aha atu, aha atu ka kitea o Te Pakanga Tuatahi o te Ao tae atu ki ngā pakanga o ēnei rangi. Ko ngā tohu o ngā ope ērā ka noho ki te pūmahara o ētahi hei whakamaumahara mā tātou katoa, i a rātou, i ngā tāngata i tū hei kaihāpai i ngā pakanga o te ao. Koinei hoki ngā tohu e whakakotahi ana i tētahi huinga tangata i raro i te kaupapa kotahi, i te whakaaro kotahi. Ka mōhiotia te hononga o ētahi o ngā hōia i hinga i te āhua o ngā tohu i ōna kara. Ka mōhiotia hoki te hononga o ngā hōia ki ōna whenua tipu. Kia mātaihia ngā tohu e kōrerohia nei, kia kōrerohia hoki ngā tohu nei, ka toko ake ētahi whakaaro nō tō ngākau o tēnā, o tēnā ka whai pānga ki ngā tohu me ōna kōrero. Tēnā, tirohia ngā tohu me ngā kōrero e whai ake nei ka rangahaua ai ōna kōrero. He rawe ēnei tohu hei whakakōrero i ngā tāngata e whai pānga ana ki Te Pakanga Tuatahi o te Ao. Ka mutu, ehara hoki i te mea koinei anake ngā tohu o te pakanga. Mā koutou anō e kimi, e whakaoho hoki i ētahi atu pēnei i ngā whakaahua, ngā tānga, tae atu rā ki ngā reta i tuhia e ngā hōia ki ō rātou whānau, e ngā whānau ki ngā taua anō hoki, ā, kia kitea, tēnā kōrerohia ngā hononga o tētahi ki tētahi. Ngā Whakakai hei Tohu Kotahitanga Ko ngā tohu ēnei o ngā ope taua Māori e rua o Aotearoa i kōkiritia i Te Pakanga Tuatahi o te Ao. E hia kē nei ngā tohu pēnei kua kitea i ngā pae tukutuku hokohoko e hokona atu ana e mea tangata, i mea wāhi i tana kore mōhio ki ōna kōrero. Te Tohu o Te Ope Māori He mea tango tēnei whakaahua i te pae tukutuku Paekākāriki Station Museum. Me āta tono whakaaetanga i mua i tō whakamahinga anō. Koinei te tohu o Te Ope Māori, ā, ko ōna whakarākeinga ko te taiaha , te tewhatewha, me te karauna o te kīngi o Piritana Nui. Ko te kīanga, “Te Hokowhitu-a-Tū” e whakaahua ana i ngā taua Māori me tō rātou hononga ki te atua Māori, te atua o te riri, ki a Tūmatauenga. Kei te nuinga o ngā whakakai pēnei te hanga te rāpopotonga N.Z.N.C  ki raro iho, ko ngā pū ērā o te ingoa tapa o te ope nei, o te New Zealand Native Contingent . Kāore i aro i a mātou te take ko ‘N.Z’ anake ki tēnei tauira. Te Tohu o Te Ope Māori Tuatahi o Aotearoa   Koinei te tohu o Te Ope Māori Tuatahi o Aotearoa. Kei te pito o runga te kanohi o te toa Māori, kei raro iho ētahi utauta nā te iwi Pākehā, he pika tētahi, he toki tērā atu. Ko ngā whakarākeinga kei ōna taha ki te rarauhe. Kua tuhia hoki te kupu ‘Paionia’. He mea tango tēnei whakaahua i te pae tukutuku Paekākāriki Station Museum. Me āta tono whakaaetanga i mua i tō whakamahinga anō.   Ngā Kara hei Tohu Kotahitanga Kei tēnā whenua, kei tēnā whenua ōna kara, arā, ōna haki, e whakatarengia ana hei whakaatu i tōna kotahitanga, hei whakahīhī hoki mō ōna tāngata. He tohu kua āta whiriwhiria e ōna kāwanatanga, e ōna tāngata hoki. He tauira ēnei o ngā kara i hua mai i te wā o Te Pakanga Tuatahi o te Ao. He tohu hoki ēnei o te kotahitanga, ka mutu, te rangatiratanga o ngā ope taua i tū ki te pakanga. Te Kara o te Kīngi I takohatia e Kīngi George te Tuarima tēnei kara, Te Kara o te Kīngi, ki Te Ope Māori Tuatahi o Aotearoa i te tau 1919. He tohu tēnei e whakanui ana i te ‘māia o te ope, me ngā hōia i hinga, i taotū hoki i te pakanga’. Koia tētahi o te 13 i hoatu ki ngā wāhanga o te NZEF o Te Pakanga Tuatahi o te Ao. I te whakakorenga o Te Ope Māori Tuatahi o Aotearoa i muri tata mai i tōna hokinga mai ki Aotearoa, kāore hoki i karangahia ki te whawhai anō, kāore tēnei kara i whakatarengia e te ope, e wai rānei. I tiakina e te rangatira whakamutunga o taua ope, ā, i tōna matenga ka hoatu e tana pouaru ki te Minita mō ngā Take Māori i te tau 1939 o te wā i runga i tōna hiahia kia whakamahia e Te Ope Tuatahi o Te Rōpū Māori (28th Māori Battalion) i Te Pakanga Tuarua o te Ao. Heoi anō, i te āhua o ngā ture o te mana o ngā ope taua o te wā, kāore i whakaaetia. Ka noho te haki ki Te Whare Pupuri Taonga Dominion tae noa atu ki te tau 1988. He mea tango tēnei whakaahua e NZ History Online i te pukapuka nā Christopher Pugley, i Te Hokowhitu a Tā: the Māori Pioneer Battalion in the First World War. Reed: Auckland 1995. ‘Māori Pioneer Battalion flag’.   Te Kara o Te Ope Māori Tuatahi o Aotearoa He mea whakarite tēnei kara e  Kapitana Pirimi Tahiwi (external link)  nō ngā iwi o Ngāti Raukawa, o Ngāti Whakaue hoki. Ko te tohu o Te Ope Māori Tuatahi o Aotearoa kei waenganui. He rite ōna whakarākeinga ki te whakakai o Te Ope Māori engari e kitea ana te whenumitanga o ngā ope e rua o te iwi Māori o Te Pakanga Tuatahi o te Ao. ‘Pioneer Battalion flag’. Nā te National Army Museum Te Mata Toa tēnei whakaahua, #1984.1628. Me āta tono whakaaetanga i te National Army Museum Te Mata Toa i mua i tō whakamahinga anō.     Kuputaka pika   pick (loan word)   tewhatewha toki piece of weaponry (Māori) axe     TT Kaiako' Notes Ka tirohia i tēnei rauemi: ngā tohu o ngā ope taua Māori i haere atu ki Te Pakanga Tuatahi o te Ao te hira nui o aua tohu ngā tohu o ngā momo ope, ngā momo kapa o ā tātou tamariki i ēnei rangi. Tihau Te Puna Mātauranga o Aotearoa He rauemi anō mō Te Pakanga Tuatahi o te Ao Hapori Kōrerohia tētahi paki mō Te Pakanga Tuatahi o te Ao ki tō hapori He Pae Kōrero He toronga tono āwhina ā-ipurangi Tiritiria Terms and conditions Communities Schools Search TKI Search TKI Search Search all of TKI? Navigate in: te reo Māori Feedback About this site Accessibility Contact TKI Copyright and privacy Help Back to top Search TKI Search TKI Search Loading... Search result for '   ' returned   results. Did you want to Search all of TKI ? Close