Hononga ki te Marautanga / Ko Hongoeka te Marae / Schools' Stories / Home - Living Heritage Home-Ko Hongoeka te Marae Ko tō Mātou Rōpū Rangahau Te Rangahau Te Hītori Te Whakatūnga o te Marae Ngā Kaupapa Whakahaere Ko ngā Toi Hononga ki te Marautanga He Mihi Hononga ki te Marautanga Tikanga ā-Iwi Ko ētehi o ngā whenu Te whakaritenga pāpori me te ahurea Te ao hurihuri He aha te Tikanga ā-Iwi? I puta ake te wairua o te tikanga ā-iwi i roto i ngā kupu a Te Whatahoro, arā, ko te āta titiro ki ngā āhuatanga huhua o te tangata e mārama ai te ākonga ki tōna ao. Ka tirohia ngā mahi a te tangata hei whakatutuki i ōna matea kikokiko, matea pāpori, matea ngākau, matea wairua hoki. Ka pēnei ai te ākonga mā te whakawhanake mōhiotanga, māramatanga hoki e pā ana ki te hapori tangata. Ka tirohia te: koha o te tikanga ā-iwi me ngā taonga tuku iho ki te tuakiri, me te āhuatanga me ngā tukunga iho o te pāhekoheko tikanga ā-iwi; pāhekoheko o te tangata me te wāhi tae atu ki te taiao, me ngā āhuatanga e mārama ai, e whakamārama ai hoki ia i te wāhi me te taiao; hononga i waenga i ngā tāngata me ngā mea heipū, mā te haere o te wā, me ngā whakamārama o aua whanaungatanga. Ko ngā putanga ako Ko te tikanga o te rangahau nei kia whakawhanakehia te mōhiotanga me te mātamatanga o ngā ākonga ki ngā tini āhuatanga o tō rātou ake marae. E whai ake nei ko ngā putanga ako e hono ana ki Te Marautanga o Aotearoa Te Whakaritenga Pāpori me te Ahurea I roto i te whenu o Te Whakaritenga Papori me te Ahurea ka whakawhanake mohiotanga te akonga ki: • nga take me nga huarahi e whakarite ai te tangata i a ia ano ki te whakatutuki i ona matea; • te hononga o te ahurea ki te tuakiri o te tangata me nga putanga iho o te pahekohekotanga ahurea. Te Ao Hurihuri I roto i te whenu o Te Ao Hurihuri ka whakawhanake mohiotanga te akonga ki: • nga panga i waenga i te tangata me nga tuahua o mua, nga whakapono me nga whakaawenga i waihangatia ai te porihanga; • nga whakamaoritanga o aua panga i te huringa o te wa. He hononga hoki ētehi o ngā mahi a ngā ākonga ki te wāhanga ako o Ngā Toi me Te Reo Māori i raro i Te Marautanga o Aotearoa . eZ Publish™ copyright © 1999-2019 eZ Systems AS