Ka mihia tētahi o ngā kaimahi o Te Ipukarea i a ia ka whai turanga ki Sundance » Te Ipukarea Māori English Ngā Kaupapa Te Whare o Rongomaurikura Paerunga Whakaataata He Pitopito kōrero Ngā Hononga Ko Mātou Whakapā mai He Pitopito kōrero Ka mihia tētahi o ngā kaimahi o Te Ipukarea i a ia ka whai turanga ki Sundance 22/02/2017   Papaki ana te tai ki Waiotahi Kei hea rā te ika hoe tūātea? Kua kauria te marae o Kiwa Ki tua noa atu, ki tāhapatū o te rangi Ki ngā wai kōwhitiwhiti o tauwhenua e Toiroa, whāia tō huarahi mātauranga ki ōna tāepaepatanga. Whakamaua ko ngā mōhiotanga ka whāngaihia ki a koe e te ruranga ika-a-whiro o Tāne-i-whakairo, o Hine-auaha. Kia hoki tū mai koe ki tō ūkaipō, noho atu rā i ngā tauwhirotanga a ō tūpuna, me ko te uri o Muriwai e ngunguru nei, au, au, aue hā! Nō tēnei mutunga wiki tonu kua pahemo i wehe atu ai a Toiroa Williams, tētehi o ngā kairangahau, o ngā pia paerunga anō hoki o Te ipukarea, ki Los Angeles, ki reira noho atu ai mō ngā marama e toru i te taha o ngā tohunga whakaataata o te Sundance Institute. He turanga kaimahi whakahirahira tēnei i whakaritea mā te karahipi InterNZ ki AUT.  Mā tēnei karahipi e wātea ai ētehi tauira ki te whai i ngā wheako hou i roto i ētehi o ngā tino pākihi rangatira o Amerika. E Toi, tēnei tō whānau, a Te Ipukarea, e mihi atu nei ki a koe e kōkiri ana i tēnei kaupapa whakahirahira. Inumia te wai rangatira ka hāpai ki tō waha. Hoki mai i te aroha me te oranga tonutanga. Kia hora te marino, kia whakapapa pounamu te moana, kia tere te kārohirohi i mua i tō huarahi In this section Ahorangi Te Wharehuia Milroy 1937-2019 Ngoi Pēwhairangi - A Remarkable Life. He putanga tuarua. He Kupu Tuku Iho - He Pūrongo Kei te tākuta, Hana O'Regan, e mihi ana! Te Reo o te Pā Harakeke - He Pōhirihiri Ka mihia tētahi o ngā kaimahi o Te Ipukarea i a ia ka whai turanga ki Sundance Copyright © 2019 Te Ipukarea Research Institute. Ngā Kaupapa Te Whare o Rongomaurikura Paerunga Whakaataata He Pitopito kōrero Ngā Hononga Ko Mātou Whakapā mai