TE PUNA O TE KÏ » Te Ipukarea Māori English Ngā Kaupapa Te Whare o Rongomaurikura Paerunga Whakaataata He Pitopito kōrero Ngā Hononga Ko Mātou Whakapā mai Ngā Kaupapa TE PUNA O TE KÏ Tū ai tēnei hui wānanga, a Te Puna o te Kī, ia rua tau, ko te reo Māori te reo o ngā kauwhau me ngā kōrerorero. Whakarewa ai tēnei kaupapa motuhake i te tau 2013. Ko Te Puna o te Kī tētahi kaupapa e tautoko ana i te whakaaro kia tau ai te reo Māori i ngā wahi katoa, i ngā horopaki katoa. He huarahi tēnei e taea ai e ngā kairangahau ki te tuku i ā rātou kōrero ki roto pū i te reo Māori ahakoa tō rātou kaupapa. Ka tū te hui tuawhā a te 31 o Oketopa me te 1 o Noema, 2019. Ko te whāinga kia rite tonu te whānui o ngā kaupapa kua kōrerotia i ngā hui e toru kua pahemo ake nei, pēnei i te koiora moana, i te marau rongoā, i te hauora ā-roro, i te hākinakina me te kai ora, i te ture, i te tōrangapū, i te waiata, i te toi, me te whakarauora reo anō hoki. Tūhono atu ki te Hui Pukamata mā konei . Ngā whakamārama mō te hui Te Wāhi: Te Kāreti Rangahau o Waikato-Tainui, Hopuhopu. Te Wā: Taite, 31 o Oketopa - Paraire, 1 o Noema, 2019. Te Tuku Ariā Ki te pīrangi koe ki te tū hei kaikōrero ki Te Puna o te Kī i tēnei tau, me tuku mai e koe, e tō rōpū rānei, tētehi ariā e whakarāpopoto ana i te aronga o tō kaupapa kōrero. Kei raro iho nei ngā whakamārama mō te āhua o ngā ariā. Me tuku mai ngā ariā i mua i te 5pm, Paraire, 14 o Hune . 1. Me 250 kupu te roa. 2. Me āpiti mai tētehi haurongo iti mōu, 100 kupu te roa (Mō ngā rōpū, tēnā whakaritea tētehi haurongo mō ia tangata). 3. He whakaahua, kaua e nui ake i te 1MB te rahi. 4. Mō ngā kauwhau ā-rōpū tēnā koa tukuna mai te ariā kotahi. 5. Hei ārahi i a koutou, ka 20 miniti te roa mō te tangata kotahi, ka 40 miniti te roa mō ngā rōpū. Ngā Kauwhau Anei ngā whakamārama mō te āhua o ngā kauwhau: 1. E 20 miniti te roa o ngā kauwhau takitahi. 2. E 40 miniti te roa o ngā kauwhau ā-rōpū. 3. Kua āpiti te wā patapatai ki te 20/40 miniti. Kaikōrero Ahorangi Maia Wikaira Ngāti Tūwharetoa, Te Rarawa, Ngā Puhi Ko Ngāti Tūwharetoa, rātou ko Te Rarawa, ko Ngā Puhi ōna karangatanga iwi. I whakawhiwhia e Maia tōna Tohu Paetahi Ture Honore, tōna Tohu Paetahi i roto i te Ōhanga me Te Reo Māori anō hoki ki Te Whare Wānanga o Ōtākou. Ko te kaupapa o tana tuhinga roa mō te Tohu Paetahi Ture Honore, ko te urupounamu, nō wai te mana o te wai Māori? He Tumuaki a Maia ki Whāia Legal i Te Whanganui ā-Tara, he kaiako hongere hoki ia ki Te Kura Ture o Tāmaki-makau-rau. I te tau 2016 i riro i a Maia te karahipi Fulbright-Ngā Pae o Te Māramatanga ki te mahi i tana Tohu Paerua Ture ki Te Kura Ture o Stanford i Te Hononga o Amerika. Ko tana kaupapa rangahau ko ngā mōtika wai a ngā iwi taketake o roto o Te Hononga o Amerika me Ahitereiria, hei akoranga mā Aotearoa nei. I te whiwhinga ki tōna Tohu Paerua Ture, i noho atu a Maia ki Karepōnia, ka mahi ai i roto i te Tari Ture mō te iwi o Yurok ki Karepōnia ki te Taitokerau. I uru ia hei rōia ki tō rātou ake ture, i mahi hei māngai mō te iwi nei tae noa atu ki tana hokinga mai ki Aotearoa i te mutunga o 2018. Te Rāwhitiroa Bosch Ngāti Kahu / Ngāpuhi ki Whaingaroa, Ngāti Pākehā Tupu ake ai a Te Rawhitiroa i raro i ngā korowai manaaki o te Kōhanga Reo, o te whānau o Te Ataarangi, o te Kura Kaupapa Māori, i reira whakatōria ai te aroha nui ki tō tātou reo rangatira, ki tō tātou reo Māori. I toro ōna ringa ki ngā mahi ahu whenua, ki te whakaari, ki te whakahaere kaupapa whakawhanake rangatahi, tae noa ki ngā mahi whakaahua. Koia rā tāna tino mahi iāianei, he whakaahua i ngā tini kaupapa iwi taketake i Aotearoa nei, ā, huri noa i te ao. I reira kite ai ngā hononga ā-kaupapa, ā-ūara, ā-tikanga, ā-iwi i waenganui i a tātou ngā iwi taketake o te ao. He mea nui ki a ia te mana o tēnei mea te pūrākau hei whiri i ngā aho kōrero, i ngā aho tāngata, ā, koia tāna whainga i roto i āna mahi whakaahua e renarena ai te taukaea here tāngata.   Ki te hiahia koe, tiki ake ngā kohinga kōrero i whakaputaina ki ngā hui o mua mā ngā hono ipurangi e rārangi ake nei: Te Puna o te Kī 2013 (Ngā Tuhinga Whakarāpopoto) Te Puna o te Kī 2015 (He kohinga kōrero) Te Puna o te Kī 2017 (Ngā Tuhinga Whakarāpopoto) Pānuitia atu ai te hui tuawhā i ngā marama tīmatanga o te tau 2019 More Projects TE PUNA O TE KÏ HE HUATAU AUAHA TE WHANAKE TĀMATA TOIERE TE PAPAKUPU O NGĀ REO O NGĀ KUKI AIRANI TE REO O TE PĀ HARAKEKE TE WHARE MATIHIKO O TE REO TE AKA KI TE TAHATŪ O TE RANGI TE 'A' ME TE 'O' NGĀ KAUPAPA RANGAHAU Ō MUA To view this video please enable JavaScript. Copyright © 2019 Te Ipukarea Research Institute. Ngā Kaupapa Te Whare o Rongomaurikura Paerunga Whakaataata He Pitopito kōrero Ngā Hononga Ko Mātou Whakapā mai