TMWO: The online Maori translation of Mary Ellen Copeland's WRAP                                   Kua tekau mā` rua tau au e mahi tahi ana me te hunga pāngia te hunga pokea hoki e ngā tohu mate hinengaro, e puta ake hoki pea ētahi tū mamae tinana katoa, tae atu hoki ki te hunga e tino tāmia ana e te mamae. Ko ēnei mahi nā` taku hiahia te rangahau oranga mōku ake, he ahakoa i tohua e te tākuta taku raruraru he wairua heke, tino heke, te mate uaua, me te tino mate mamae kanohi. I te tahi tekau mā rima tau ki muri, ko taku ao i ora nui ai ka tahuri kē hei tohu wairangi, tohu āwangawanga, tohu mamae anō hoki. Kaore au i tino rekareka ki tēnei tūāhua. Ko taku hiahia kia whakahokia mai taku nohoanga tōtika e taea e au te mahi, te ngahau, te whakawhanaunga pai me ōku whānau me ōku hoa. Aku whatoro haere kia kitea ai ngā momo whakaora o ia rā o ia rā mō tēnei tū mate ka raruraru kē atu ahau. Nā` taku tākuta hinengaro i kī pono mai mō ēnei kōrero ā, i muri mai ka mea kāore kau kē he mea pēnā. Ko taku takuta "hauora" i kaha te akiaki mai kāore kau kē aku tino mamae me ētahi atu tohu pērā e whakamamae ana i taku tinana kei taku 'hinengaro katoa". Ko taku kaha ki te rangahau whakataunga mōku ake, mō wai atu hoki, i ārahi i au ki te ara tino pai tino whai hua e whakatautoko ana i taku tino whakapono ki te huhua o tēnei mea te oranga tangata. He aha mai i ngā whare tānga pukapuka, ki ngā whare pokapū hauora, mai i ngā raorao o Alaska ki ngā rūma ngaro o ngā hohipera hinengaro, i waimarie au i miharo, i tino manawa koa hoki ki te tatū atu ki ngā kāinga maha o te hunga mā`ia, te hunga ū roa. Nā` te rangahau i ngā kōrero whakaoranga, ka rokohanga hē huarahi, rautakiahakoa ngāwari noa nei me te tino haumaru, he tino kaha whakawhiti oranga nui oranga hou. Kei te kimi tonu au i ēnei rautaki, hei hoatu ki ētahi atu, nā inaiānei kei te āwhina au i ētahi atu kia tū hei kaiako hauora oranga hinengaro. I mahi tahi au me tētahi hunga no Bradford, Vermont ka puta tā rātou he nui rawa ngā pōrearea o te ara oranga hauora. Nā ā rātou tino torotoro me ā rātou mahi pono, me ngā mahi tino matatau a tētahi kaimahi oranga hinengaro, kua puta he pūnaha e tau ana ki te tangata. Nā` te tino pārekareka o tēnei pūnaha ki te hunga whai ake i huri ai au ki te whakaputa ā-pukapuka ā, kiate tohatoha whānui ai. He ahakoa i whanakehia e au hei whakamahi mā te hunga raru ā-hinengaro nei, kua aronuihia e te tangata huhua noa nei e pāngia ana e te mate hauora nei, tae atu ki ētahi katoa kāore kau nei he tino mate ō rātou hei hauoranga noa kē, kua kite i te painga o tēnei momo nohoanga pūnaha. He āpitihanga whiringa hou, ko te Mahere Whaimuri i te Pōraru Nui, kei roto nei hoki. Ko te take ki te āpitihanga whiringa hou, ko te Mahere Whaimuri i te Whakatikanga, i whakaarohia mai e Richard Hart, he Kaiwhakatika Oranga Hinengaro ia Mahere Whakatika Oranganō West Virginia. Ka whakamahia pai tonu e au taku WRAP. Te tino tau hoki ki au. I te wā e tīmata ai te "heke haere" ka kī mai taku tāne, "Kei hea tō WRAP?"     Return to top of page