TMWO: The online Maori translation of Mary Ellen Copeland's WRAP                                   He ngāwari noa iho te whakautu ki te pātai mā wai tēnei "mahere". Ka taea e te tangata noa te whakamahi i tēnei mahere hei whakapai i tōna āhuatanga hei hiki hoki i tōna oranga. Tērā pea kei te hiahia whakahaere i ētahi āhuatanga o ō rātou orange hei pare atu i te mamae tinana mamae hinengaro rānei - ahakoa rā mai i te pōuritanga ki te mate kaikōiwi; mai i te mate ohorere ki te mate huka - ki te hiki rānei i ō rātou oranga. E tohu ana pea e hiahia ana rātou ki te whakaheke i ngā pupūnga ake o tētahi tino mamae, pērā i ngā mamae mate rangi rua, mate hūango, mate uaua rānei. Kua whakamāramatia e au tēnei mahere ki ngā akomanga me ngā hui ā kei te rite tonu ngā whakautu. "Ka taea e au tēnei te whakamahi ka oti pai hoki." Mā te tauira e whai ake nei koe e whakaatu te pai o tēnei mahere mō te kaupare atu hei whakatau rānei tātoui tētahi mate nui o te ao hurihuri nei. E whakataukītia ana hoki te mate nei ko te "kai-a-te-ahi" (burn-out), ka puta ake hoki nā te kaha rawa o te mahi nā te nui rawa rānei o te taumaha, ka kore hoki e whakangā. Mēnā kāore e kōrerotia ka puta ake te mate "kai-a-te-ahi" nei i ngā mahi o ia rā, koia rānei whakararu i a koe kia tino mate rawa. Ko ngā tohumate o te "kai-a-te-ahi" nei, he rite tonu ki te tohumate ā-tinana, me ngā tohumate ā-hinengaro. Koia nei ētahi: māeneene te moe kore te hiki āwangawanga te ngaronga hinengaro te wairangi noa te wairua kore eke te wairua tāmia te wairua herenga kore i ōu whakaaro te wairua kore whakamutu mahi ngā whakaaro rere noa te pukuriri te kārangi noa te whai kore noa te ngoikore noa, te ngaro noa me te hua kore I a koe e whakaaro ana ki ō tohumate tērā pea ka mōhio koe kei te "kai-a-te-ahi" koe, kua "kainga kē rānei e tea hi". Kāti ka tīmata koe ki te tuhi i tō pukapuka mō te mate "kai-a-te-ahi". Ko te mate kē ka kaha ake ētahi tāngata ki te mahi, inā pāngia e te "kai-a-te-ahi" engari he mate kē atu anō kei tēnārautaki. Ko ngā mahere hei whāinga māu me pēnei pea: whakamutua ka whakahekea rānei te wā e mahi ai koe me ērā atu pōreatanga whakangā he wā e kōrero ai he wā e tangi ai (tirohia te mahi Tohutohu Hoa i te Āpitihanga) ētahi mahi waihanga katoa (tirohia Ngā Mahi Waihanga kei te Āpitihanga) whakarerea ngā mahi taumaha whakatauhia ki te kupu "kāo" Mēnā āta whai koe i tō mahere kāore e kore ka heke te wairua "kai-a-te-ahi". Mēnā ka kore kāti, me whakarerekē pea tō mahere, inā rā he tohutohu anō kei te wāhanga kei muri o te pukapuka nei, koia rānei ka peka ki tētahi kaimahi hauora tūturuwāhanga.     Return to top of page