TMWO: The online Maori translation of Mary Ellen Copeland's WRAP                                   Tērā pea koe ka kite ka tīmata ka kaha atu rānei ngā tohumate nā tō kai i ētahi tū kai. Ko ngā mea "tino kino" ko te huka, kāwhē, tote nui me te kai hinu. Me āta titiro ki ngā kai e kaingia ana e koe. Whakaarotia tō āhuatanga kotahi haurua haora roa ake rānei i muri mai i te kai. Whakarerekē pērāhia ō kai. Me pātai pea koe ki tētahi tangata kai hauora hei kimi kai tōtika māu. Kia tino ora koe, whāia mai ēnei tohutohu kai hauora ia rā: Me kai kia rima neke atu rānei ō kainga hua whenua ia rā (he haurua kapu ia kainga). He manga mata nui i ia rā kia tau ai tō kai hua whenua i ia rā. Me kai hoki kia kotahi, kia rua rānei ō kainga hua rākau i ia rā. Me kai kia ono ngā kainga pata wīti. He māmā kē atu tēnei i te mahi kai hua whenua. Kotahi te poro parāoa pata (paurauri) kotahi te kainga pata, pērā hoki rā te pereti kotahi o te wītipīki o te pākēti, o te raihi rānei. Me kai hoki ētahi kai mīti pēnā i te ika, te heihei, me ētahi atu mīti, he hēki, he tīhi, he pīni me te hua hoi. Me kai hoki ētahi kai hua kau ia rā pēnā i te miraka, miraka tepe me te tīhi. Kaua e tino kai huka, pērā i te aihikirīmi me te miraka tepe makariri. He pai tonu i ētahi wā anake otirā ki te rite tonu te kai kei heke tō āhuatanga. Kaua e hoko aihikirīmi i ia rā i a koe e hoki mai ana i te kura, i te mahi rānei ki te kāinga. Me whakarere hoki ngā kai nā te tangata tonu i hanga, ka kainga ai ngā kai māori oranga.    Return to top of page