TMWO: The online Maori translation of Mary Ellen Copeland's WRAP                                   Ko te mea tuatahi hei mahi i tō ake Mahere Whakatika Oranga ko te hanga Pouaka Taputapu Whakaora. He rārangi tēnei o ngā mea i mahia e koe i mua, ka taea rānei te mahi ināia tonu nei hei ngaki i tōu oranga me ngā mea hei hiki i a koe i te wā e pōuri ana koe. Ka whakamahia e koe ēnei "taputapu" hei mahi WRAP. Whakaurua atu kia hia hīti pepa ki tō Kōpaki Pepa. Whakarārangitia ki aua hīti ngā taputapu, ngā rautaki me ngā pūkenga whakamahia ai e koe ia rā kia ora ai koe, tae noa ki ngā mea e rite tonu te whakamahia e koe i ētahi wā hei whakaora tonu i a koe, hei pare atu i ngā tohumate. Whakaurua ngā mea i mahia e koe i mua, ngā mea i rongo ai koe tērā pea e tau ana hei whakamahi, me ērā mea e tautokona rā e ō kaimanaaki hauora me ō kaitautoko katoa. He whakaaro mō ētahi atu taputapu mai i ngā pukapuka āwhina pērā i ērā nā Mary Ellen Copeland The Depression Workbook: A Guide to Living With Depression and Manic Depression , me te Living Without Depression and Manic Depression: A Guide to Maintaining Mood Stability Depression, The Worry Control Book, Winning Against Relapse, Healing the Trauma of Abuse, me te The Loneliness Workbook. Ka taea e koe te tiki whakaaro anō mai i ngā tēpa whakarongo: Winning Against Relapse Program me te Strategies for Living with Depression and Manic Depression. Kei te rārangi whai ake nei ko ngā taputapu kei te whakamahi nuitia kia ora ai kia parea atu rā nga tohumate. Mēnā he tohu whetūriki kei mua i te taputapu ka kitea e koe he whakamārama anō i te āpitihanga. Kōrero ki tētahi hoa - ki ētahi tāngata he tino mea tēnei Kōrero ki tētahi kaimanaaki hauora. Hoa kōrero tautoko rānei tauwhitiwhiti kōrero rānei. Ngā kori arotahi Ngā kori whakangā, whakatau He whakaahua ārahi Tuhi pukapuka - te tuhi i roto i tētahi pukapuka tuhituhi He mahi waihanga tautoko Ngā mahi korikori Ngā mea pai hei kai He rama i ō karu He whakangā ake Te whakangā i ngā mahi o te kāinga me ngā mahi o tō wāhi mahi Ngā kawenga mātao me ngā kawenga wera Te kai i ngā pire a te rata, ngā pire hauora, pire wai ariki, ngā wai rākau māori Te hui tahi me te rōpū tautoko Te peka atu ki tō kaitohutohu  Te mahi i tētahi mahi noa pērā i te horoi i ō makawe, te heu, te haere ki te mahi rānei Te whakahoki tirohanga ki ō pire rongoā Te kimi whakaaro kē Te waea atu ki tētahi ratonga pātai Te karapoti i a koe ki ētahi tāngata ngākau pai, ngākau tautoko me te ngākau aroha Te whakakākahu pai i a koe e pai ai ōu whakaaro Titiro ki ētahi pikitia o mua, pukapuka maramara kōrero me ētahi pukapuka whakaahua Whakarārangitia ngā taumata i eke koe Whakapaua te tekau meneiti ki te tuhituhi i ngā mea pai katoa mōu ake Mahia te mea e katakata ai koe Mahia he mahi pai ki tētahi atu Mahia te iti ahakoa iti noa nei Takutakua ngā whakahau tautoko Arotahitia ngā mea pai kei te pā mai ināia tonu nei Haere ki te kaukau mahana Whakarongo ki ngā waiata, ka titoa rānei ka waiata Kei tō rārangitanga taputapu e tuhia tahi pea ngā mea hei kaupare atu: te waipiro, te huka me te kawhe haere ki te paparakauta te tino ngengenga ētahi momo tāngata Titiro ki ēnei rārangi ka tuhi ana koe i tō Mahere Whakatika Oranga. Whakarapangia ki mua o tō kōpaki hei whakamahi māu i te wā e hiahia ana koe kia whakahoua ō kōrero katoa i ētahi wāhanga anake rānei o tō mahere.     Return to top of page